2 Samueli 20:6 - Tshwa Bible

⁶ Davida i te ngalo ka Abixai: Makunu Xeba nʼwana Bikiri i ta hi xanisa ku hunza Absalome! Hikwalaho teka malanza ya hosi ya wena mu mu hlongola, a nga kala a kuma a miti ya makhokhola a pona a mahlweni ka hina.

2 Samueli 20:6 ပူးပေါင်းရင်းမြစ်များ

2 Samueli 10:14

Laha a vanana va ka Amoni va nga wona lezaku a maSiria va tsutsumile, vonawu va lo panzanyeka mahlweni ka Abixai, va tlhelela lomu mutini; zonake Joabe i lo tlhela hi le kolwa ni vanana va ka Amoni aya Jerusalema.

2 Samueli 11:11

Uria i lo hlamula Davida aku: A arke, ni va ka Israeli, ni va ka Juda, va tshamile mixaxeni, zinwe ni nwinyi wa mina Joabe, ni malanza ya hosi ya mina, va govile le handle; xana mina nzi ta enghena lomu ndlwini ya mina, nziga, nzinwa, nzi etlela ni sati wa mina ke? Nzi hlambanya ka wena ni muhefemulo wa wena wu hanyako, cima nzi nga ta maha lezo zilo!

2 Samueli 18:12

A munhu loye i te ngalo ka Joabe; Hambu loku nzi wa ta amukela a 1,000 wa maxekeli mandleni ya mina, ngha nzi nga tlakusi a canja ga mina hehla ka nʼwana wa hosi, hakuva hi zi zwile a xikhati lexi a hosi yi nga leletela wena na Abixai na Itai, yiku: Ngha munwe ni munwani a nzi tsetsa hi jaha lego Absalome.

2 Samueli 18:2

a wuya a rumela vanhu: A xipanze xa wunharu xi wa rangelwa hi Joabe, a xinwani kambe xa wunharu xi rangelwa hi Abixai, nʼwana wa Zeruia a nakulobye wa Joabe, a xinwani xa wunharu kambe xi rangelwa hi Itai a muGiti. A hosi yi te ngalo ka vanhu: Minawu nzi ta huma na nwina.

2 Samueli 19:7

Hikwalaho huma u ya wulawula u tangalisa timbilu ta malanza ya wena; hakuva nza hlambanya ha Jehova lezaku, loku wena u nga humi lahandle, cima u nga ta sala ni munhu munwe wusiku legi. Lezo zi tava mhango ya hombe ka wena ku hunza tontlhe ti-mhango leti ti ku humeleleko kusukela wusweni ga wena kala lezi.

2 Samueli 2:18

Laho ku wa hi ni vana vanharu va Zeruia, Joabe, na Abixai, na Asaheli. Asaheli i wa hi ni mikonzo ya mapenga khwatsi i mhuti.

2 Samueli 21:17

Kanilezi Abixai wa Zeruia i lo mu ponisa hi ku tlhava muFilistia a mu daya. Zonake a vanhu va Davida va lo mu khongotela, vaku: U nga ta ha famba na hina le yimpini, u nga tala ku tima kandiya ya ka Israeli.

2 Samueli 23:18

Abixai a nakulobye wa Joabe nʼwana Zeruia, i wa hi wa hombe ka lava vanharu. I lo tlakusa a tlhari gakwe alwa ni 300 wa vavanuna a va daya; zonake i lova ni vito ga hombe xikari ka lava vanharu.

2 Samueli 3:30

Zinghaho Joabe ni nakulobye Abixai va lo daya Abneri, hi kota ya lezi a nga daya nakulobye Asaheli le Gibeoni lomu yimpini.

2 Samueli 3:39

Mina nzi mbhelile ntamu nyamutlha, hambu loku nzi wumbelwe kuva hosi leyi yi nga nhenha ya hombe, yi va Zeruia, va nzi hunza a ntamu. Jehova ngha a chachazela mumahi wa kubiha kukotisa kubiha kakwe.

1 Tihosi 1:33

A hosi yi te ngalo kabye: Fambani mu ya teka malanza ya hosi ya nwina, mu khilelisa a nʼwana wa mina Solomoni hehla ka mula ya mina, mu mu heleketa le Gihoni.

1 Kronekele 11:20

Abixai a nakulobye wa Joabe i wa hi hosana ya tinduna, hakuva yena i lo teka a tlhari gakwe alwa ni 300, a va daya. I wa hi ni vito xikari kabye va vanharu.

1 Kronekele 18:12

Abixai nʼwana Zeruia i lo hlasela 18,000 wa vaEdomi le nkoveni wa Munyu.

Jeremia 8:14

Hikuyini ha ha tshamako laha ke? Tsombanani, hi ya enghena mitini ya makhokhola, Hi yafa kona; Hakuva Jehova a Nungungulu wa hina I lava ku hi lobyisa, Wa hi nwisa wutsulu, hakuva hi onhele Jehova.

Marku 3:24

A mufumo loku wu hambene ha woce, lowo mufumo a wu na ku tsonzoma.

1 Samueli 26:6

Zonake Davida i lo wulawula na Ahimeleki a muHiti, na Abixai nʼwana Zerua a nakulobye wa Joabe, aku kabye: Himani a ta nga famba na mina le wugovelweni ga Saule? Abixai i te ngalo: Mina nzi ta famba na wena.