2 Samueli 20:10 - Tshwa Bible

¹⁰ Kanilezi Amasa a nga xiyisisangi a supado leyi yi nga hi lomu canjeni ga Joabe; zonake Joabe i lo tlhava rumbu ha yona, ma su kubuka lahasi marumbu yakwe. A nga ha engetangi a mu tlhava ga wumbiri; zalezo Amasa i lofa. Zonake Joabe ni nakulobye Abixai va lo hlongolisa Xeba nʼwana Bikiri.

2 Samueli 20:10 ပူးပေါင်းရင်းမြစ်များ

Genesisi 4:8

Na Kana i lo wulawula na Abeli nakulobye; na ku mahisile lezo, laha na va hi lahandle, Kana i lo vukela Abeli nakulobye, a mu daya.

2 Samueli 2:23

Hambu lezo, i lo ala ku hambuka. Hikwalaho Abneri i lo mu gwaza laha ka rumbu hi tlhari, gi phondlisa gi ya huma le nzhako kakwe, awa a fela kwalaho. Zonake vontlhe lava va nga wa chikela laha Asaheli a wileko kona afa, va wo yima kwalaho.

2 Samueli 20:9

Zonake Joabe i te ngalo ka Amasa: Makweru, wa hanya ke? Joabe i lo khoma xilevu xa Amasa hi canja ga xibhabha a kuva a mu pswopswa.

2 Samueli 3:27

Laha Abneri a nga wa tlhelele le Hebroni, Joabe i lo mu vitana le tlhelweni a xikari ka nyangwa, a ya wulawula naye khwatsanyana; zalezo i lo mu tlhava rumbu afa, hakuva i khulo ga nkhata wa nakulobye Asaheli.

1 Kronekele 12:2

Va wa hlomile mawura, va zi kota ku hoxa maribye hi canja ga xinene ni ga xibhabha; va wa humela xikari ka vanakulobye va Saule, va ka Benjamini.

Jeremia 41:2

Zonake Ixmaeli a nʼwana Netania ni khume ga vavanuna lava a nga hi navo, va lo suka va yima, va gwaza Gedalia a nʼwana Ahikamu wa Xafani hi supado, va mu daya, yaloye a hosi ya le Babuloni yi nga mu vekile kuva mufumeli lomo tikweni.

Mitsengo 35:20

Ni loku munhu a nikinya makabye wakwe hi livengo, kutani a mu hoxa a xilo ha womu zonake afa,

Valamuli 3:15

Kanilezi laha a vanana va ka Israeli va nga rila ka Jehova, yena i lo va vuxela muhlanguti, a nga Ehudi nʼwana Gera, a muBenjamini, a wanuna wa libhabha. A vanana va ka Israeli va lo rumela nzuvo ha yena ka Egloni a hosi ya vaMoabi.

Valamuli 3:21

Ehudi i lo nawuluta a canja gakwe ga xibhabha a teka mukwana laha nyongeni yakwe ya tlhelo ga xinene a mu tlhava rumbu,

1 Samueli 26:8

Abixai i te ngalo ka Davida: Inyamutlha Nungungulu i ku nyikile a nala wa wena mandleni ya wena; makunu nzi vumele nzi mu gwaza hi tlhari, nzi ta tekela ku mu phondlisa khatiginwe, nzi nga ha engeti ga wumbiri.