2 Samueli 19:5 - Tshwa Bible

⁵ Zonake Joabe i lo ya enghena lomu ndlwini ya hosi, aku: Inyamutlha wena u wisile tingana wontihe malanza ya wena lawa ma ponisileko wutomi ga wena legi siku, ni wutomi ga vafana va wena ni ga vanhanyana va wena, ni wutomi ga vavasati va wena, ni wutomi ga mindlukulu ya wena.

2 Samueli 19:5 ပူးပေါင်းရင်းမြစ်များ

2 Samueli 15:30

Davida i lo kanziha xitsunga xa maOliva na a kari a rila, na fenengetile a hloko yakwe, na a nga ambalangi zilato; ni vanhu vontlhe lava a nga hi navo va lo fenengeta tihloko tabye va rila, na va kari va kanziha. Estere 6:12; Jer. 14:3

2 Samueli 18:17

Zonake va lo teka Absalome va mu hoxa lomu rinzini ga hombe, lomu khwatini, va vingeretela a nhulu ya hombe ya maribye hehla kakwe. Zonake vontlhe va ka Israeli va lo tsutsuma, loyi ni loyi a ti yela kaya kakwe. Jox. 7:26; 8:29

2 Samueli 19:13

Mu ta ku ngalo ka Amasa: Kasi wena aku marambu ya mina ni nyama ya mina ke? Nungungulu a nzi tsayise makunu ni ku engetela, loku wena u nga yimisiwi a kuva nduna ya yimpi mahlweni ka mina kala kupinzuka wutshanwini ga Joabe.

2 Samueli 19:4

A hosi yi lo fenengeta a nghohe ya yona, yi rila yiku: Nʼwana wa mina Absalome! Absalome nwananga, nwananga!

2 Samueli 19:6

Wena u ranza lava va ku vengako, u venga lava va ku ranzako, hakuva inyamutlha u tlhamusele lezaku a tinduna ni malanza a hi nchumu ka wena; hakuva mina nza zi tiva lezaku inyamutlha loku Absalome a wa hanyile, hina hontlhe ngha hi file nyamutlha, hi lezo zi nga ta ngha zi saseka mahlweni ka wena.

2 Samueli 3:39

Mina nzi mbhelile ntamu nyamutlha, hambu loku nzi wumbelwe kuva hosi leyi yi nga nhenha ya hombe, yi va Zeruia, va nzi hunza a ntamu. Jehova ngha a chachazela mumahi wa kubiha kukotisa kubiha kakwe.

Nehemia 9:27

Hikwalaho u lo va nyikela mandleni ya valala vabye va va hlokisa. Vaku va hi xikari ka zikarato, va ku rilela, wena u vazwa na u hi le tilweni; hi kota ya wuxinji ga wena go eta, u va nyika vahanyisi lava va nga va ponisa mandleni ya valala vabye. Vala. 3:9, 15

Tisimu 3:8

A kuhanyisa kuta hi ka Jehova: A xikatekiso xa wena ngha xive hehla ka vanhu va wena. (Sela.) Isa. 43:11