2 Samueli 19:43 - Tshwa Bible

⁴³ Zonake vontlhe vavanuna va ka Israeli va lo hlamula a vavanuna va ka Juda, vaku: Hi na ni khume ga ziavelo ka hosi, hambu hi ka yena Davida ha mu hunza; hi kuyini mu hi kanyisa ke? Ku wa nga hi hina hi nga fanele ku ranga hi wula a gezu ga ku wuyisa hosi ke? A magezu ya vavanuna va ka Juda ma lova ya ntamu ku hunza magezu ya va ka Israeli.

2 Samueli 19:43 ပူးပေါင်းရင်းမြစ်များ

2 Samueli 19:14

Lezo i lo hunzula a timbilu ta vontlhe vanhu va ka Juda ti ku khwatsi i mbilu ya munhu munwe, zonake va lo rumela mhaka ka hosi, vaku ka yona: Tlhela u wuya, wena ni malanza ya wena wontihe.

2 Samueli 19:9

A tixaka tontlhe ta ka Israeli ti wo kanetisana, tiku: A hosi yi hi hlangutile mandleni ya valala va hina; i hi ponisile mandleni ya vaFilistia. Makunu i tsutsumile lomu tikweni hi ku chava Absalome;

2 Samueli 20:1

Makunu ku lo humelela a nyamijiri wa wanuna, a vito a nga hi Xeba nʼwana Bikiri a muBenjamini. I loba mpunzu, aku: Hina a hi na xiavelo ka Davida, ge hambu tshomba ka nʼwana wa Jese! Va ka Israeli, munwe ni munwani wa nwina a fambe tendeni gakwe!

2 Samueli 20:6

Davida i te ngalo ka Abixai: Makunu Xeba nʼwana Bikiri i ta hi xanisa ku hunza Absalome! Hikwalaho teka malanza ya hosi ya wena mu mu hlongola, a nga kala a kuma a miti ya makhokhola a pona a mahlweni ka hina.

2 Samueli 5:1

A tixaka tontlhe ta ka Israeli ti lota ka Davida le Hebroni, ti taku: Hina hi marambu ya wena ni nyama ya wena.

1 Tihosi 12:16

Laha vontlhe va ka Israeli vanga wa wonile lezaku a hosi a yi va ingisangi, a vanhu va lo hlamula hosi, vaku: Hi na ni xiavelo muni na Davida ke? Hina a hi na tshomba ni nʼwana Jese! Va ka Israeli, fambani matendeni ya nwina! Wena Davida, cuwuka a yindlu ya wena nwinyi! Zinghaho a va ka Israeli va lo tlhelela matendeni yabye.

Mavingu 13:10

A matshanza ma vanga kuhambana; anilezi lava va vumelako ku hiwa wusungukati va na ni wutlhari.

Mavingu 15:1

A hlamulo wu olovileko wu rengisa khulo, anilezi a timhaka ti tlhavako ti vindlusa zanga. 1 Sam. 25:23; Mav. 25:15

Mavingu 17:14

A kusangula ka timholova ku khwatsi hi loku a mati ma halaka; ikwalaho tsika kukanetisana na ti nga se sangula timholova.

Mavingu 18:19

Za hehuka a ku khozisa a muti wu bhiyelweko, ku hunza a makabye a zangarileko; i timholova ti khwatsi zikwinyaro za khokhola.

Va le Roma 12:21

U nga hlulwi hi kubiha, kanilezi hlula a kubiha hi ku maha zo saseka. 1 Ped. 2:21

Va le Galatia 5:15

Kanilezi loku mu lumana ni ku khadamulana, tlharihani mu nga hetana ha nwece.

Va le Galatia 5:20

Ni ku khozela vanungungulu va hava, a wutumbe, a wulala, a timholova, a xiluse, a zanga, a kubangana, a kuhambana, a kukanetana,

Va le Galatia 5:26

Ngha hi nga dzuki hi ti lavela a wudzunzo ga hava, hi vukana, ni ku navela za munwe ni munwani.

Va le Filipi 2:3

mu nga mahi nchumu hi mubango ni kutikukumukisa, kanilezi ngha munwe ni munwani a ti koramisa a wula munwani aku i chukwana ku hunza yena. Jak. 3:14; 1 Ped. 5:5

Jakobe 1:20

hakuva a zanga ya munhu a yi tiri a kululama ka Nungungulu.

Valamuli 8:1

Kanilezi a vanhu va ka Efraime va te ngalo ka Gideoni: U mahisile kuyini lezi u nga kala u hi ramba hi yalwa ni vaMidiani? Va lo tlotlisana nguvu naye.

Valamuli 9:23

Nungungulu i lo rumela a moya wo biha ka Abimeleki ni ka vanhu va le Xekemi. A vanhu va le Xekemi va lo kanyisa Abimeleki;