2 Samueli 19:28 - Tshwa Bible

²⁸ Hambulezo, maha kota kuranza ka wena, hakuva a yindlu yontlhe ya dadani wa mina, mbanhu va yimelweko hi kufa mahlweni ka hosi ya mina, kasi lezo wena u enghenisile a nanza ga wena xikari ka lava va gako mezeni ya wena! Kusasa muni nzi ta nga ku lava? Nza ha ta rilela yini kambe ka hosi?

2 Samueli 19:28 ပူးပေါင်းရင်းမြစ်များ

Genesisi 32:10

a nzi faneli ka gontlhe wuxinji ga wena, ni ka zinene za wena, lezi u zi maheleko a nanza ga wena; hakuva nzi lo tlhatuka loyi Jordani na nzi hi ni nhonga ya mina basi, makunu lezi nzi mitlawa mimbiri.

2 Samueli 14:17

A nanza ga wena gi waku: A gezu ga hosi yanga gi ta nzi nyika kurula, hakuva a hosi ya mina yi fanana ni ngelosi ya Nungungulu a ku tiva kusasa ni kubiha; hikwalaho Jehova Nungungulu wa wena ave zinwe na wena!

2 Samueli 14:20

A nanza ga wena Joabe hi yena a nga hunzulusa mawulela ya mhaka, kanilezi a hosi yi na ni wutlhari go fanana ni ga ngelosi ya Nungungulu, a ku tiva zontlhe za laha misaveni.

2 Samueli 15:26

Kanilezi loku yena aku: A nza ha xalali ha wena, mina nzi kwalaha; a mahe ka mina kota kuranza kakwe.

2 Samueli 16:3

A hosi yiku: I kwihi nʼwana wa hosi ya wena ke? Ziba aku: I sele le Jerusalema, hakuva i ngalo: Inyamutlha a yindlu ya ka Israeli yi ta nzi tlhelisela a mufumo wa dadani wa mina.

2 Samueli 19:29

A hosi yi te ngalo kakwe: Hi kuyini wa ha wulako lezo ke? Mina nzi sina rizi wulile lezaku: Wena na Ziba mu ta panzelana a simu hi laha xikari.

2 Samueli 9:10

U ta mu rimela masimu, wena ni vana va wena, ni malanza ya wena, zonake u ta neha a pfuno wa kona kasi a nʼwana wa hosi ya wena a fela ku kuma zakuga aga; kanilezi Mefiboxete a nʼwana wa hosi ya wena i taga wontihe masiku laha mezeni ya mina. Makunu Ziba i wa hi ni 15 wa vafana ni 20 wa malanza.

2 Samueli 9:13

Mefiboxete i lo tshama le Jerusalema, hakuva wontihe masiku i waga laha mezeni ya hosi; kanilezi i wa lamele mikonzo yontlhe.

2 Tihosi 8:3

Na ku hunzile 7 wa malembe, a wasati i lo wuya hi le tikweni ga vaFilistia aya le hosini a ya kombela a yindlu yakwe ni masimu yakwe.

1 Samueli 26:16

A hi zi nene lezi u mahileko. Nzi hlambanya hi Jehova a hanyako, nwina mu fanele kufa, hakuva a mu hlayisangi a hosi ya nwina, loyi a totilweko wa Jehova. Makunu gi kwihi a tlhari ga hosi ni nghotso yakwe ya mati, lezi zi nga wa hi le hlokweni yakwe ke?