2 Samueli 19:21 - Tshwa Bible

²¹ Kanilezi Abixai wa Zeruia i lo hlamula, aku: Kasi Xemei a nga ta dawa lezi a nga rukatela a totilweko wa Jehova ke?

2 Samueli 19:21 ပူးပေါင်းရင်းမြစ်များ

2 Samueli 16:13

Zinghaho Davida ni vanhu vakwe va lo ti fambela ndlela yabye, yenawu Ximei i lo khoma ndlela yakwe a famba hi tlhelo ga xitsunga, a famba na a kari a rukatela, na hoxetela maribye, a paletela tsutsungwani.

2 Samueli 16:5

Laha hosi Davida a nga chikela le Bahurima, ku lota wanuna loyi a nga hi xaka ngangweni wa ka Saule, a vito gakwe a nga hi Ximei nʼwana Gera; i lota na a kari a rukatela.

2 Samueli 16:9

Zonake Abixai wa Zeruia i te ngalo ka hosi: Hi yini a mbyana leyi yi fileko yi rukatela a hosi ya mina? Nzi vumele nzi ya mu tsema hloko!

Tisimu 84:9

Nungungulu, xitlhangu xa hina, languta, U cuwuka a nghohe ya a totilweko wa wena.

Eksodusi 22:28

U nga dzuki u xanza Nungungulu wa wena, ni kambe u nga rukateli a hosi ya nwina.

Mikosi 4:20

Loyi a totilweko hi Jehova, loyi a nga hi kuhefemula ka hina, i phasilwe marinzini yabye; Loyi hi nga wula ha yena hiku: Hi ta hanyela nzhutini wakwe xikari ka matiko. 2 Tih. 25:5

1 Samueli 24:6

Zonake i te ngalo ka vanhu vakwe: Cima nzi nga ta maha nchumu ka hosi ya mina, loyi a nga a totilweko wa Jehova, a kuva nzi tlakusa a canja ga mina hehla kakwe; hakuva hi a totilweko wa Jehova.

1 Samueli 26:9

Davida i te ngalo ka Abixai: U nga mu dayi, hakuva himani a ta nga tlakusa a canja gakwe hehla ka a totilweko wa Jehova a nga kumi nanzu ke?