2 Samueli 18:32 - Tshwa Bible

³² A hosi yiku ka muKuxe: Xana xi lele xungetano ni jaha lego Absalome ke? A muKuxe aku: A valala va hosi ya mina, ni vontlhe lava va sukako ku lamata wena, a va kote jaha lego.

2 Samueli 18:32 ပူးပေါင်းရင်းမြစ်များ

2 Samueli 18:21

Zonake Joabe aku ka muKuxe: Famba u ya bikela hosi lezi u zi wonileko. A muKuxe i lo korama mahlweni ka Joabe, zonake a tsutsuma.

2 Samueli 18:29

A hosi yi te ngalo: Xana xi lele xungetano na Absalome ke? Ahimaza aku: A xikhati lexo Joabe a nga ruma a nanza ga hosi, mina nanza ga wena, nzi wonile a pfilupfilu ya hombe; kanilezi a nzi tivangi lezaku nja yini.

Tisimu 109:20

Lezo a zive hakhelo leyi Jehova a hakhelako valala va mina, Ni lava va wulawulako kubiha ha mina.

Danieli 4:16

A mbilu yakwe a yi hunzuke yi nga havi ya munhu, ngha a nyikiwa a mbilu ya xihari; a hunziwe hi ntlhanu wa zikhati ni zimbiri.

Danieli 4:19

Zonake Danieli, a nga vitwa Beltexazarre, aku kaye xikhatana laho, a xeveka maalakanyweni yakwe. A hosi yiku: Beltexazzare, u nga xeveki hi kota ya noro ni tlhamuselo wa wona. Beltexazzare aku: Hosi yanga, a noro lowu a wuve hehla ka lava va ku vengako, ni tlhamuselo wa wona a wu henye a valala va wena.

Valamuli 5:31

Zinghaho Jehova, ngha valala va wena vontlhe va lobyiswa. Kanilezi ngha lava va ku ranzako va fanana ni gambo loku gi tsuwuka hi ntamu wa gona. Tis. 19:6; Mat. 13:43 Zonake a tiko gi lo humula 40 wa malembe.

1 Samueli 25:26

Hikwalaho, hosi yanga, nzi hlambanya ha Jehova ni muhefemulo wa wena, Jehova i ku valele a ku halata nkhata ni ku ti photela hi canja ga wena. Makunu a valala va wena ni lava va hlotako ku maha kubiha hi hosi ya mina, a va kote Nabali!