2 Samueli 18:2 - Tshwa Bible

² a wuya a rumela vanhu: A xipanze xa wunharu xi wa rangelwa hi Joabe, a xinwani kambe xa wunharu xi rangelwa hi Abixai, nʼwana wa Zeruia a nakulobye wa Joabe, a xinwani xa wunharu kambe xi rangelwa hi Itai a muGiti. A hosi yi te ngalo ka vanhu: Minawu nzi ta huma na nwina.

2 Samueli 18:2 ပူးပေါင်းရင်းမြစ်များ

2 Samueli 17:11

Hikwalaho a ga mina gezu hi legi: vontlhe va ka Israeli ngha va tsombana ka wena, kusukela Dani kala le Berexeba, vava vanyingi ku fanana ni seke ga bimbi. Ni lezaku wena wutsumbu u yawu kulweni. Vala. 20:1

2 Samueli 21:17

Kanilezi Abixai wa Zeruia i lo mu ponisa hi ku tlhava muFilistia a mu daya. Zonake a vanhu va Davida va lo mu khongotela, vaku: U nga ta ha famba na hina le yimpini, u nga tala ku tima kandiya ya ka Israeli.

2 Samueli 23:18

Abixai a nakulobye wa Joabe nʼwana Zeruia, i wa hi wa hombe ka lava vanharu. I lo tlakusa a tlhari gakwe alwa ni 300 wa vavanuna a va daya; zonake i lova ni vito ga hombe xikari ka lava vanharu.

2 Samueli 8:16

Joabe nʼwana Zeruia i wa hi nduna ya yimpi, Jehoxafate nʼwana Ahiluda i wa hi muhlayisi wa mitsalo;

1 Tihosi 2:28

A mahungu lawa ma lota ka Joabe, hakuva i wa lanzele Adonija, hambu lezi a nga mu lanzelangi Absalome. Zonake Joabe i lo chavela lomu tendeni ga Jehova, a ya khoma timhonzo ta alati.

Tisimu 3:6

A nzi chavi mazana-zana ya vanhu, Lava va nzi ranzeleko matlhelo wontihe. Tis. 27:3

Valamuli 7:16

I lo avanyisa a vavanuna lavo va 300 va maha mitlawa minharu, munwe ni munwani a mu nyika a mpunzu ni mbita ya phanga ni nwenge lomu mbiteni.

Valamuli 7:19

Zinghaho Gideoni i lo famba ni 100 wa vavanuna lava va nga wa hi zinwe naye, va ya chikela le magumo ka wugovelo kusanguleni ka xirinzo xa laha xikari ka wusiku, na varinzeli va ha ku vekiwa. Va loba mipunzu, va faya a timbita leti va nga wa welele.

Valamuli 9:43

Yena i lo teka a vanhu vakwe a va avanyisa hi mitlawa minharu, zonake a ya lavelela le handle. Laha na a cuwuka, i lo wona a vanhu na va huma hi lomu mutini; i lo tsutsumela ka vona, a yalwa navo.

1 Samueli 11:11

Makunu hi siku gi gamelako, Saule i lo avanyisa a vanhu hi mabutho manharu, zonake va lo enghena wugovelweni ga valala hi xikhati xa xirinzo xa mixo, va lo hlasela va ka Amoni kala gi hisa. Ni lava va seleko va lo hangalaswa. A ku na nga sala ni bambiri va ku famba khatiginwe.