2 Samueli 16:11 - Tshwa Bible

¹¹ Davida aku ka Abixai ni ka wontihe malanza yakwe: Languta, a nʼwana wa mina wo huma xiwunwini xa mina, i hlota wutomi ga mina; nguvunguvu a muBenjamini loyi i ta gi lavisisa hi ntamu! Mu tsikeni a rukatela, hakuva hi zalezo a nga byelwa hi Jehova.

2 Samueli 16:11 ပူးပေါင်းရင်းမြစ်များ

Genesisi 15:4

Zonake a gezu ga Jehova gi lota, giku: Loye a nga ta kuva mugi wa tshomba ya wena; kanilezi loyi a ta nga belekwa hi wena, hi yena a ta ngava mugi wa tshomba ya wena.

Genesisi 45:5

Makunu mu nga bayiseki timbilu, mu xaniseka hi kota ya lezi mu nga nzi xavisa nzita seno, hi lezaku Nungungulu i nzi rumile nzi mu rangela, a ku ta hanyisa wutomi ga vanhu.

2 Samueli 20:1

Makunu ku lo humelela a nyamijiri wa wanuna, a vito a nga hi Xeba nʼwana Bikiri a muBenjamini. I loba mpunzu, aku: Hina a hi na xiavelo ka Davida, ge hambu tshomba ka nʼwana wa Jese! Va ka Israeli, munwe ni munwani wa nwina a fambe tendeni gakwe!

2 Samueli 7:2

i te ngalo ka muprofeti Natani: Mina nzi tshama lomu ndlwini ya sedare kasilezo a arke ga Nungungulu gi tshama lomu matendeni!

2 Tihosi 19:37

Ku te na khizamile a khozela lomu ndlwini ya nungungulu wakwe Nisroko, a vana vakwe Adrameleki na Xarezera va lo mu daya hi tlhari, va chavela tikweni ga Ararate. A nʼwana wakwe Esarhaddoni i lo fuma xikhundleni xakwe.

2 Kronekele 32:21

Jehova i lo rumela a ngelosi leyi yi nga ya lovisa tontlhe tinhenha, ni varangeli, ni tinduna lomu wugovelweni ga hosi ya Asiria. Zinghaho Sennakeribe i lo tlhela hi tingana aya tikweni gakwe. Laha a nga enghena lomu ndlwini ya vanungungulu vakwe, a vanhu va ku huma hi lomu marumbyini yakwe va lo mu gwaza kwalomo hi tlhari.

Tisimu 109:28

Loku va ruka, wena u ta katekisa, Laha na va suka a va wiswe tingana, Kanilezi a nanza ga wena ngha gi tsaka.

Ezekieli 14:9

Loku a muprofeti a khohliswa a wula a mhaka yo kari, hi mina Jehova nzi khohlisileko muprofeti loye; nzi ta nawuluta a canja ga mina nzi mu lovisa xikari ka vanhu va mina va ka Israeli. 1 Tih. 22:20; 2 Tos. 2:11

Ezekieli 20:25

Nzi lo va nyika a milayo yi nga hiko yi nene, ni zileletelo lezi va nga zi kotiko ku hanya ha zona; Miti. 7:42; Rom. 1:24; 2 Tes. 2:10

Mateu 10:21

A munhu i ta nyikela nakulobye kufeni, ni raru i ta nyikela nʼwana wakwe; a vanana va ta vukela vabeleki vabye, va va dayisa.

1 Samueli 26:19

Makunu a hosi ya mina ngha yi ingisa a gezu ga nanza ga yona! Loku ku hi Jehova a ku kucetelako ku nzi hlongolisa, a amukele muphahlelo! Kanilezi loku va hi vanhu, a va rukatelwe mahlweni ka Jehova, hakuva va nzi hlongole va nzi beletela kuva ni xiavelo tshombeni ya Jehova, vaku: Famba u ya khozela vanwani vanungungulu.