2 Samueli 16:10 - Tshwa Bible

¹⁰ A hosi yi te ngalo: I mhaka muni nzi nga nayo na nwina vafana nzinwina va Zeruia? A rukatele, hakuva Jehova i mu byelile ku ngalo: Rukatela Davida. Himani a ta nga wula, aku: Hi yini u mahako lezo? 1 Tih. 2:8; Joh. 18:11

2 Samueli 16:10 ပူးပေါင်းရင်းမြစ်များ

Genesisi 50:20

Nwina mu wa alakanyile ku nzi mahela kubiha, kanilezi Nungungulu i lo nzi alakanyela kusasa, kasi a fela ku maha lezi zi mahekileko, ni lezaku a ponisa a tiko legi ga hombe.

2 Samueli 19:22

Davida aku: Mahungu muni nzi nga nawo na nwina, vafana nzi nwina va Zeruia? Hakuva inyamutlha nwina mu lava ku hambana na mina. Cima ku nga ta dawa munhu nyamutlha lomu ka va ka Israeli. Nzo kala nzi nga zi tivi mina lezaku inyamutlha nzi yimisilwe a kuva hosi lomu ka va ka Israeli ke?

2 Samueli 19:23

Zonake a hosi yi te ngalo ka Ximei: Cima u nga tafa! A hosi yi lo hlambanya ka yena.

2 Samueli 3:39

Mina nzi mbhelile ntamu nyamutlha, hambu loku nzi wumbelwe kuva hosi leyi yi nga nhenha ya hombe, yi va Zeruia, va nzi hunza a ntamu. Jehova ngha a chachazela mumahi wa kubiha kukotisa kubiha kakwe.

1 Tihosi 17:18

Zonake loyi wasati i te ngalo ka Elija! I mhaka muni nzi nga nayo na wena munhu wa Nungungulu? Kasi u tile laha a ku ta nzi alakanyisa zionho za mina ni ku ta daya nwananga ke? Lu. 5:8

1 Tihosi 2:5

Ni kambe wena wa zi tiva lezi Joabe nʼwana Zeruia a nzi maheleko, zi nga lezi a zi mahileko ka tinduna timbiri ta yimpi ya ka Israeli, ku nga Abneri wa Neri, na Amasa wa Jetera, lava a nga va daya, a halata a nkhata wa yimpi hi xikhati xa kurula. I totile a nkhata wa yimpi lomu lifungeni lakwe li nga xiwunwini xakwe, ni lomu zilatweni za mikonzo yakwe.

2 Tihosi 18:25

Kasi mina a nzi kanzihangi nzita ka wutshamu legi a ku ta gi lovisa hi kuranza ka Jehova ke? Jehova i wulile ka mina, aku: Kanziha ka legi tiko u ya gi lovisa!

Joba 9:12

Languta, loku a teka muphango himani a nga mu tsimbetelako? Himani a nga wulako kakwe, aku: Xini u mahako ke?

Tisimu 39:9

Nza miyela, a nzi vululi nomu wa mina, Hakuva hi wena u zi tirileko.

Mutshawuteli 8:4

A gezu ga hosi gi na ni ntamu; Himani a ta ngaku kakwe: U maha yini ke?

Mikosi 3:37

Himani a zi kotako ku wula a mhaka yi maheka, Loku Hosi yi nga yi leletangi ke?

Danieli 4:35

Vontlhe vaaki va misava a hi nchumu ka yena. I maha kuranza kakwe hi tiyimpi ta tilo ni xikari ka vaaki va laha misaveni. A nga kona a nga tsanzekisako a canja gakwe, ge hambu ku wula kakwe aku; Xini u mahako?

Mateu 16:23

Kanilezi yena i lo hunzuluka, aku ngalo ka Pedro: Suka ka mina, Satani; u xikhunguvanyiso ka mina; hakuva a maalakanyo ya wena a hi maalakanyo ya Nungungulu, kanilezi maalakanyo ya vanhu. Rom. 8:7

Mateu 8:29

Va lo kanyuluka, vaku: I mhaka muni hi nga nayo na wena, Nʼwana wa Nungungulu? U tile laha ku ta hi xanisa na xi nga se ku chikela xikhati ke?

Johani 18:11

Kanilezi Jesu aku ngalo ka Pedro: Tihomeka a supado kocelweni; a gombe legi a nzi nyikileko Dadani, nzi nga ginwi ke? Mat. 20:22; 26:39, 42

Va le Roma 9:20

Munhu nzi wena, u mani wena u ta nga kanetisana na Nungungulu ke? Xana a mbita yi ngaku ka loye a yi wumbileko: Hi yini u nzi wumbisileko lezi ke? Isa. 29:16; 45:9; 64:8

1 Pedro 2:23

laha a nga rukatelwa a nga rukatelangiwo; laha a nga xaniseka a nga dzuxangi, kanilezi i lo yisa mhaka yakwe ka loyi a lamulako hi nongameto. Mat. 27:39; Lu. 23:46; Joh. 8:48

1 Samueli 26:19

Makunu a hosi ya mina ngha yi ingisa a gezu ga nanza ga yona! Loku ku hi Jehova a ku kucetelako ku nzi hlongolisa, a amukele muphahlelo! Kanilezi loku va hi vanhu, a va rukatelwe mahlweni ka Jehova, hakuva va nzi hlongole va nzi beletela kuva ni xiavelo tshombeni ya Jehova, vaku: Famba u ya khozela vanwani vanungungulu.