2 Samueli 14:25 - Tshwa Bible

²⁵ Makunu xikari ka vontlhe va ka Israeli yi wa nga hi kona a mbhuri yo hunza Absalome. Va wa mu babaza nguvu; i wa nga hi na bawa kusukela mikonzweni kala hlokweni yakwe.

2 Samueli 14:25 ပူးပေါင်းရင်းမြစ်များ

1 Tihosi 1:6

A raru wakwe a nga na nga mu kawuka, aku: Hi yini u maha lezo ke? Kanilezi yenawu kambe i wa sasekile nguvu mirini wakwe, na hi nzisana ka Absalome.

Joba 2:7

Zonake Satani i lo suka mahlweni ka Jehova, a yaba Joba hi zidlayi zo bayisa, kusukela mikonzweni yakwe kala le hlokweni.

Mavingu 31:30

A kusaseka ka khohlisa, ni wumbhuri ga hava; anilezi a wasati loyi a chavako Jehova hi yena a ta nga dzunziwa.

Isaya 1:6

Ku sukela mikonzweni kala hlokweni a gi kona wutshamu gi hanyako, saseka timbanga ni majuku ni timbirimbi ti bolileko; a ti hlaziwangi hambu ku bohelelwa, kutani ku oloviswa hi mafura.

Ezekieli 23:15

na va bohile tifunga ziwunwini zabye, ni zihuku za mavalavala tihlokweni tabye, na va hi tihosana, zifananiso za vanhu va Babuloni le Kaldea, a tiko gabye ga maheleko,

Danieli 1:4

ma nga hi majaha ya timbhuri ti nga hiko na vala, a titlhari, va yileko mahlweni hi gonziselelo ni wutivi, lava va fanelweko hi ku enghena ntirweni wa yindlu ya hosi, kasi wa va gonzisa a matsaiela ni lirimi la maKaldea.

Mateu 23:27

Khombo a give ka nwina vatsali ni vaFarisi, nwina vaxengeteli! Hakuva mu fanana ni zilahla zi basisilweko, lezi zi wonekako na zi sasekile khwatsi hi lahandle, kanilezi lomu nzeni na zi tele hi marambu ya vanhu va fileko, ni kungahlazeki kontlhe. Lu. 11:44; Miti. 23:3

Va le Efesusi 5:27

lezaku a fela ku gi yimisa mahlweni kakwe na gi hi bandla ga kungangamela, gi nga hi na hala ni nkonyi, hambu xilo xinwani xa kunghaho; kanilezi giva legi gi basileko gi nga hiko na kusoleka.

Deuteronome 28:35

Jehova i ta ku lamata hi zilonza lomu madzolweni, ni lomu ka tinyonga hi zilonza zo karata lezi zi to kala zi nga holi ka wena, kusukela zirenzeni za wena kala le tshavatshaveni ga hloko ya wena.

1 Samueli 16:7

Kanilezi Jehova i te ngalo ka Samueli: U nga cuwuki nghohe yakwe hambu ni xiyimo xakwe, hakuva mina a nzi mu lavi. Jehova a nga cuwuki lezi a vanhu va zi cuwukako; hakuva a vanhu va cuwuka a nghohe, kasike Jehova i cuwuka mbilu. Deut. 10:17; Tis. 7:10; Miti. 10:34

1 Samueli 9:2

I wa hi ni mufana, a vito a nga hi Saule, a nga hi jaha ga lirotlola lo hunza vontlhe va ka Israeli, a va hunza kambe ni kuleha; vontlhe va wa gumesela makatleni yakwe.