2 Samueli 14:20 - Tshwa Bible

²⁰ A nanza ga wena Joabe hi yena a nga hunzulusa mawulela ya mhaka, kanilezi a hosi yi na ni wutlhari go fanana ni ga ngelosi ya Nungungulu, a ku tiva zontlhe za laha misaveni.

2 Samueli 14:20 ပူးပေါင်းရင်းမြစ်များ

Genesisi 3:5

hi lezaku Nungungulu wa zi tiva lezaku, a siku lego mu gako yona, a mahlo ya nwina ma ta vululeka, mu kota Nungungulu, mu tiva kusasa ni kubiha.

2 Samueli 14:17

A nanza ga wena gi waku: A gezu ga hosi yanga gi ta nzi nyika kurula, hakuva a hosi ya mina yi fanana ni ngelosi ya Nungungulu a ku tiva kusasa ni kubiha; hikwalaho Jehova Nungungulu wa wena ave zinwe na wena!

2 Samueli 18:13

Makunu loku mina nzi wa mu dele hi mona, ngha zi nga fihlalangi ka hosi, hambu wena u ta nga u hi kustumunyu ya ku nzi vukela.

2 Samueli 19:27

kanilezi yena i hlevile a nanza ga wena ka hosi ya mina. Kanilezi a hosi ya mina i khwatsi i ngelosi ya Nungungulu.

2 Samueli 19:28

Hambulezo, maha kota kuranza ka wena, hakuva a yindlu yontlhe ya dadani wa mina, mbanhu va yimelweko hi kufa mahlweni ka hosi ya mina, kasi lezo wena u enghenisile a nanza ga wena xikari ka lava va gako mezeni ya wena! Kusasa muni nzi ta nga ku lava? Nza ha ta rilela yini kambe ka hosi?

2 Samueli 5:23

Loku a wutisile kambe ka Jehova, Jehova i te: U nga kanzihi; kanilezi renzeleka hi lenzhako kabye, u ta ya tlhangana navo le tisinyeni ta timora.

Mavingu 26:28

A lirimi la mawunwa la venga lava va xanisilweko ha lona; i nomu wu lapitako wa lovisa.

Mavingu 29:5

A munhu loyi a xengetelako muakelane wakwe, mu vekela maziyo ka milenge yakwe.

1 Samueli 29:9

Akixi i lo hlamula aku: Mina nza zi tiva lezaku wena u lulamile mahlweni ka mina khwatsi hi ngelosi ya Nungungulu. Ntsena lezaku a tihosi ta vaFilistia ti ngalo: A nga zi koti ku kanziha na hina le yimpini.