2 Samueli 14:19 - Tshwa Bible

¹⁹ A hosi yiku: Xana yenawu Joabe i lomu timhakeni tontlhe leti ke? A wasati a hlamula, aku: Hizinene, loku a hosi yi wula nchumu, ku hava ku ponela tlhelweni ga xinene hambu ka ga xibhabha. Hi yena a nanza ga wena Joabe a nzi leleteleko tontlhe timhaka leti.

2 Samueli 14:19 ပူးပေါင်းရင်းမြစ်များ

2 Samueli 11:11

Uria i lo hlamula Davida aku: A arke, ni va ka Israeli, ni va ka Juda, va tshamile mixaxeni, zinwe ni nwinyi wa mina Joabe, ni malanza ya hosi ya mina, va govile le handle; xana mina nzi ta enghena lomu ndlwini ya mina, nziga, nzinwa, nzi etlela ni sati wa mina ke? Nzi hlambanya ka wena ni muhefemulo wa wena wu hanyako, cima nzi nga ta maha lezo zilo!

2 Samueli 14:18

Zonake a hosi yi lo hlamula, yiku: U nga nzi fihleli a mhaka leyi nzi ta nga ku wutisa. A wasati aku: Wulawula, hosi yanga!

2 Samueli 14:3

U ta enghena ka hosi, u wulawula a timhaka leti nzi ku leletelako. Zonake Joabe i lo mu byela timhaka ta kona.

2 Samueli 18:13

Makunu loku mina nzi wa mu dele hi mona, ngha zi nga fihlalangi ka hosi, hambu wena u ta nga u hi kustumunyu ya ku nzi vukela.

2 Samueli 3:27

Laha Abneri a nga wa tlhelele le Hebroni, Joabe i lo mu vitana le tlhelweni a xikari ka nyangwa, a ya wulawula naye khwatsanyana; zalezo i lo mu tlhava rumbu afa, hakuva i khulo ga nkhata wa nakulobye Asaheli.

2 Samueli 3:29

Ngha wuva le hlokweni ya Joabe ni le ndlwini yontlhe ya raru wakwe. Ngha a nga hi kona munhu a ponako lomu ndlwini ya Joabe a kuva ni ntungu, wa ku humesa nkhata, kutani hlokonho, kutani loyi a chetengelako hi nhonga, kutani wa ku wela matlharini, hambu wa kuvumala zibaba. Levi 15:2; 1 Tih. 2:5

2 Samueli 3:34

A mawoko ya wena ma wa nga bohiwangi, Ni milenge ya wena yi wa nga bohiwangi hi makhotso. Wa so fisa ku khwatsi hi munhu a wako mahlweni ka vanana va vaonhi. A vanhu vontlhe va lo mu hlaluka.

2 Tihosi 2:2

Elija i te ngalo ka Elixa: Tshama laha, hakuva Jehova i nzi rumile a kuya le Beteli. Elixa i te ngalo kakwe: Nzi hlambanya ha Jehova a hanyako ni muhefemulo wa wena wu hanyako, mina cima nzi nga ta ku tsika. Va lo relela zinwe vaya Beteli.

Eksodusi 4:15

U ta wulawula na yena, u veka timhaka tontlhe nonwini wakwe, mina nzi tava ni milomu ya nwina, nzi mu gonzisa lezi mu ta nga maha.

Mavingu 25:2

Wudzunzo ga Nungungulu a ku fihla xilo; anilezi a wudzunzo ga tihosi hi ku kambisisa a mhaka. Rom. 11:33

Mavingu 4:27

U nga hunzulukeli xinenesii hambu xibhabheni, umesa konzo wa wena kubiheni. Deut. 5:32; Jox. 1:7

Mitsengo 20:17

Hikwalaho hi vumele hi tsemakanya a tiko ga wena; cima hi nga ta tsemakanya hi lomu masinwini ni lomu ka zivina; cima hi nga tanwa a mati ya tihlowo; hina hi ta famba hi magonzo, cima hi nga ta hambuka a tlhelo ga xinene hambu ni ga xibhabha, kala hina hi tsemakanya a tiko ga wena.

Luka 21:15

hakuva mina nzi ta mu nyika magezu ni wutlhari, legi vontlhe valala va nwina va ta nga hluleka ku gi kaneta ni ku hlamula nchumu. Miti. 6:10

Deuteronome 28:14

ni loku u nga hambuki xineneni hambu xibhabheni a ka timhaka tontlhe leti nzi ku leletelako tona inyamutlha, kasi u nga lanzeli vanwani vanungungulu ni ku va khozela.

Deuteronome 5:32

Chelani kota, mu maha kota lezi Jehova Nungungulu wa nwina a mu leleteleko; mu nga hambukeli xineneni, hambu xibhabheni,

Joxua 1:7

Ntsena tiyisa mbilu, uva ni ntamu, u chivirika ku lanzela milayo yontlhe leyi Mosi a nanza ga mina a ku leleteleko; u nga hambuki ka yona uya xineneni, hambu xibhabheni, kasi wa fela ku humelela ka zontlhe lezi u ta nga zi maha.

1 Samueli 1:26

A wasati aku: Hosi yanga, khwatsi hi lezi a muhefemulo wa wena wu hanyako, nzi mina wasati loyi a nga yimile laha mahlweni ka wena, nzi khongela ka Jehova.

1 Samueli 17:55

Makunu a xikhati Saule a nga wona Davida na ya vukela vaFilistia, i te ngalo ka Abneri a nduna ya yimpi: Abneri, a mufana loyi i nʼwana mani? Abneri i lo hlamula, aku: Khwatsi hi lezi a muhefemulo wa wena wu hanyako, O hosi, a nzi mu tivi.

1 Samueli 20:3

Zonake Davida i lo hlambanya aku: A raru wa wena wa zi tiva lezaku mina nzi kumile thomo mahlweni ka wena, zonake i taku: Jonatani ngha a nga tivi a mhaka leyi, yi nga mu tsanwisa! Kanilezi nzi hlambanya ha Jehova a hanyako, ni muhefemulo wa wena wu hanyako; ko sala xipimo xa zambo ginwe basi a kuva nzi chikela kufeni.

1 Samueli 25:26

Hikwalaho, hosi yanga, nzi hlambanya ha Jehova ni muhefemulo wa wena, Jehova i ku valele a ku halata nkhata ni ku ti photela hi canja ga wena. Makunu a valala va wena ni lava va hlotako ku maha kubiha hi hosi ya mina, a va kote Nabali!