2 Samueli 14:12 - Tshwa Bible

¹² Zonake a wasati i te ngalo: Ngha a nanza ga wena ga xisati gi wula gezu ginwe ka hosi ya mina.

2 Samueli 14:12 ပူးပေါင်းရင်းမြစ်များ

Genesisi 18:27

Abrahama i lo hlamula, aku ngalo: Languta, makunu nzi tiyile ku wulawula ni Hosi ya mina, mina loyi nzi nga tshuri ni khuma.

Genesisi 18:32

Yena i te ngalo: Ngha a Hosi ya mina yi nga zangari, nzi ta wulawula khatiginwe basi: Ahati loku ku kumiwa a va khume? Nzi nga ta wu lovisa hi kota ya lavo va khume.

Genesisi 44:18

Zonake Juda i lo tshinela kusuhani ka Josefa, aku: O! hosi yanga, ngha a nanza ga wena gi wula gezu ginwe tindleveni ta hosi ya mina; ngha a zanga ya wena yi ngave hehla ka nanza ga wena, hakuva wena u ecana na Faro.

2 Samueli 14:11

A wasati aku: Ngha a hosi yi alakanya Jehova Nungungulu wa wena, lezaku a muphoteli wa nkhata a nga engeteli a khombo legi hi ku daya a nʼwana wa mina. A hosi yi lo hlamula, yiku: Nzi hlambanya ha Jehova a hanyako, cima ku nga ta kuva kona ni sisi munwe wa nʼwana wa wena wu ta ngawa lahasi. Mitse. 35:10; Jox. 20:1

2 Samueli 14:13

A hosi yiku: Wula! A wasati aku: Hi kota ya yini u alakanya a zilo za ku nghahi za ku vukela a vanhu va Nungungulu ke? Hakuva khwatsi hi lezi yi wulisako zona hosi, yi na ni nanzu hi lezi yi nga lanziko loyi yi mu hlongoleko.

2 Samueli 20:17

Laha a nga tshinela ka yena, a wasati i te ngalo: Hi wena Joabe? Yena aku: Hi mina. Aku kakwe: Ingisa a timhaka ta nanza ga wena! Yena aku: Nza ingisa.

1 Tihosi 2:14

I lo engeta aku: Nzova ni gezu nzi lavako ku ku byela. Batexeba a nge: Wulawula!

Jeremia 12:1

A lulamileko hi wena, O Jehova, loku nzi kanetana na wena; Hambu zi hi tano nzi ta bhula na wena hi malamulela ya wena. Hikuyini a ndlela ya vakubiha yi vuvuma ke? Va kateka hikuyini vontlhe lava va nga tsumbekangiko? Joba 21:7; Tis. 73:3; Mat. 3:15

Mitiro 26:1

Agripa aku ngalo ka Paule: Wena u vumelwe a kuva u ti hlamulela ba wece. Zonake Paule i lo nawuluta canja, a ti hlamulela, aku:

1 Samueli 25:24

Zonake i lo khizama mikonzweni yakwe, aku: A nanzu lowu a wuve hehla ka mina, hosi yanga. Vumela a nanza ga wena gi wulawula ka wena, u ingisa a timhaka ta gona.