2 Samueli 12:13 - Tshwa Bible

¹³ Zonake Davida i te ngalo ka Natani: Nzi onhile ka Jehova. Kanilezi Natani i te ngalo ka Davida: Jehova i susile xionho xa wena; cima u nga tafa;

2 Samueli 12:13 ပူးပေါင်းရင်းမြစ်များ

Genesisi 39:9

I hava wahombe ka leyi yindlu ku hunza mina, a nga nzi tsimbeteli nchumu a handle ka wena, hakuva u nga sati wakwe. Nzi ta mahisa kuyini loku kubiha, nzi onha ka Nungungulu ke?

2 Samueli 24:10

Laha Davida a nga hlayile vanhu i lo biwa hi livalo lakwe. Zonake aku ka Jehova: Nzi onhile nguvu hi lezi nzi mahileko lezi zilo! Makunu Jehova, susa kuonha ka nanza ga wena, hakuva hakunene nzi mahile wupumbu.

2 Samueli 24:17

Laha Davida a nga wa wonile a ngelosi ya Jehova leyi yi lovisako vanhu lomu xikari ka tiko i lo wulawula ka Jehova, aku: Languta, mina hi mina nzi onhileko, hi mina nzi mahileko loku kubiha; kanilezi a tiyivu leti ti onhile yini ke? Ngha canja ga wena gi hi hehla ka mina ni hehla ka yindlu ya dadani wa mina!

1 Tihosi 13:4

Laha hosi Jeroboamu a nga wa zwile a gezu ga munhu wa Nungungulu na giba huwa mahlweni ka alati ga le Beteli, yena i lo nawuluta a canja gakwe na a hi laha alatini, aku: Mu khomeni! A canja gakwe legi a nga wa gi nawulutile gi su kokotsolo, a nga ha zi koti ku gi tlhelisa wutshanwini ga gona.

1 Tihosi 21:20

Ahabi i te ngalo ka Elija: Xana u nzi kumile wena nala wa mina ke? Elija aku: Hi zona, nzi ku kumile, hakuva wena u ti xavisile hi ku maha lezi zi bihileko mahlweni ka Jehova!

1 Tihosi 22:8

A hosi ya ka Israeli yi te ngalo ka Jehoxafate: I kona munwe loyi hina hi faneleko ku wutisa ha yena ka Jehova, a nga Mikaia a nʼwana Imla; kanilezi nza mu venga, hakuva a ziprofeto zakwe a zi wulawuli kusasa ha mina, ntsena kubiha. Jehoxafate i te ngalo: Ngha a hosi yi nga wuli lezo.

2 Tihosi 1:9

Zonake a hosi yi lo rumela a nduna ka Elija, na yi hi ni 50 wa vanhu. Yi lo kanziha yiya kakwe yi ya mu kuma na a tshamile le hehla ka xitsunga; zonake yiku kakwe: Munhu wa Nungungulu, a hosi yi ngalo: Relela uta!

1 Kronekele 21:8

Davida i te ngalo ka Nungungulu: Nzi onhile nguvu hi ku maha lezi! Makunu susa a xionho xa nanza ga wena, hakuva nzi mahile hi wupumbu ga hombe.

2 Kronekele 16:10

Zonake Asa i lo zangarela a muwoni a mu hoxa paxweni. I wa mu zangarele nguvu hi kota ya mhaka leyo. I lo xanisa a vanwani vo kari ka xwalexo xikhati.

2 Kronekele 25:16

Khwatsi hi lezi a nga wa wulawula naye, a hosi yi te ngalo kakwe: Hi ku yimisile a kuva ginwe ga masungukati ya hosi ke? Suka u famba! U laʼku dawelwa yini ke? Zonake muprofeti i lo Suka, aku: Nza wona lezaku Nungungulu i xuvile ku ku lovisa hi kota ya zilo lezi u zi mahileko; a ku ingisangi a gezu ga mina.

Joba 33:27

A yimbelela mahlweni ka vanhu, aku: Nzi onhile, nzi tshovile nongameto, Kambe a nzi bhinzulangi nchumu.

Tisimu 103:12

Khwatsi hi kutsawukana ka Mutsuwuka-gambo ni Muhlwa-gambo, I susile kule kota lezo a zionho za hina.

Tisimu 51:16

Hakuva a ku xalaliswi hi miphahlo, nzi wa ta ku nyika yona; A ku ranzi a minyikelo ya kuhiswa.

Tisimu 51:4

Nzi onhile mahlweni ka wena wece, Nzi maha lezi zi bihileko mahlweni ka wena. Kasi u fela ku kumeka na u lulamile kuwulawuleni ka wena, Ni kuva ni nongameto laha u lamulako. Rom. 3:4

Tisimu 51:6

Wena wa ranza zinene lomu mbilwini; Nzi gonzise a kutlhariha lomu nzeni ka mina.

Eksodusi 9:27

Zonake Faro i lo vitana Mosi na Aroni, aku ka vona: Makunu mina nzi onhile; Jehova i lulamile, mina ni vanhu va mina hi vaonhi.

Mavingu 25:12

A mululeki a layako hi wutlhari a ndleve yi ingisako fanana ni phera ya nzalama, ni xingwavila xa nzalama yi hlutilweko.

Mavingu 28:13

Loyi a fihlako zionho zakwe cima a nga ta kateka; anilezi loyi a zi wulelako, a zi tsika, i ta mahelwa wuxinji. 1 Joh. 1:9

Isaya 38:17

A hlomulo loʼwa hombe wa mina wu nzi nehele kurula; Hi liranzo la wena u humesile moya wa mina rinzini ga kubola; Hakuva u hoxile zionho za mina zontlhe lenzhako ka wena.

Isaya 43:24

A ku nzi xavelangi a lihlanga la ku nuhela, A ku nzi xurisangi hi mafura ya timhamba ta wena; Kanilezi u nzi xanisile hi zionho za wena, U nzi karata hi zigoho za wena.

Isaya 44:22

Nzi vinyile a zihambunyeto za wena khwatsi i refu, Ni zionho za wena khwatsi i hunguva. Tlhelela ka mina, hakuva nzi ku tirule.

Mikosi 3:32

Hakuva loku a vanga hlomulo, Wa mahela wuxinji hi wunyingi ga wunene gakwe.

Levi 20:10

Ni loku munhu a bhaya ni wasati a tekilweko, a bhaya ni sati wa muakelani wakwe, a wanuna ni wasati lava va bhayileko, vona vambiri va ta dawa. Mat. 5:27; Joh. 8:4

Levi 24:17

Loye a bako munhu afa, hakunene i ta dawa.

Zakaria 3:4

A ngelosi yiku ka lava va nga yimile mahlweni ka yona: Mu tlhatlheni a tinguwo to nyenyeza! Yi wuya yiku kakwe: Nzi ku susele a kugoha ka wena; nzi ta ku ambexa tinguwo ta mibuzo. Isa. 4:4; Mika 7:18; Lu. 15:22

Mateu 14:10

I lo rumela mhaka paxweni, lezaku ku tsemiwa a hloko ya Johani.

Luka 15:21

Zonake a nʼwana aku ngalo kakwe: Dada, nzi onhele tilo, ni mahlweni ka wena; a nza ha faneli ku vitanwa aku nzi nʼwana wa wena. Tis. 51:4

Luka 18:13

Kanilezi a muhlengisi i lo yima kule, a nga tiyangi ni ku tlakusa a mahlo yakwe le tilweni, kanilezi a tiba xifuva, aku: Nungungulu, ngha u hi ni wuxinji ka mina nzi nga muonhi.

Mitiro 2:37

Laha na va zi zwile, va lo tlhabyiwa timbilwini, vaku ka Pedro ni ka vanwani vapostoli: Vamakabye, hi ta maha yini ke? Zak. 12:10; Lu. 3:10; Xip. 9:6; 16:30

Maheberu 9:26

Loku zi wa hi lezo ngha a yimelwe hi ku xaniseka kambe ni kambe kusukela kuvangiweni ka misava; kanilezi makunu i wonekile kanwe kugumeseni ka tintanga, kasi ku fuvisa kuonha hi ku maha muphahlelo hi wutsumbu gakwe. Gal. 4:4; 1 Ped. 3:18

1 Johani 1:7

Kanilezi loku hi famba kuwonekeleni, kota lezi yena a nga kuwonekeleni, hina hi hlengele munwe ni munwani, ni nkhata wa Jesu a Nʼwana wakwe wa hi hlaza zionho zontlhe. Maheb. 9:14; 1 Ped. 1:19; Kuv. 1:5

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

1 Samueli 15:20

Saule i te ngalo ka Samueli: Mina nzi ingisile gezu ga Jehova, nzi fambile hi ndlela leyi Jehova a nzi rumileko yona, nzi nehile Agagi a hosi ya vaAmaleki; kanilezi zontlhe za vaAmaleki nzi zi lovisile.

1 Samueli 15:30

Saule aku: Mina nzi onhile! Kanilezi nzi dzunze makunu mahlweni ka masingalakati ya vanhu va mina, ni mahlweni ka va ka Israeli, u tlhela na mina, kasi nza fela ku ya khizama mahlweni ka Jehova Nungungulu wa wena!