2 Samueli 1:20 - Tshwa Bible

²⁰ Mu nga dzuki mu byela va le Gati, Mu nga zwati timhaka leto lomu maphangweni ya le Axkeloni, Va nga bhuma; a vanhwana va vaFilistia, Ni vanhwana va makhuna va nga khana.

2 Samueli 1:20 ပူးပေါင်းရင်းမြစ်များ

Ezekieli 16:27

Hikwalaho nzi nawulutile a canja ga mina hehla ka wena, nzi hungule a kuga ka wena, nzi ku nyikela kuranzeni ka valala va wena, va nga vanhwana va maFilistia, lava va nga hi ni tingana hi kota ya hanyela ga wena go nyenyeza. Vala. 13:1; 1 Sam. 4:1

Ezekieli 16:57

hi mahlweni a kubiha ka wena na ku nga se tibyiwa, laha u nga hlekiwa hi vanhwana va le Siria, ni vontlhe lava va ku ranzeleko, a vanhwana va maFilistia lava va nga ku tseketsela matlhelo wontihe. 2 Tih. 15:37; 2 Kro. 28:18

Mika 1:10

Mu nga dzuki mu zi kumbuka le Gate, ni ku rila mu nga rili. Le Bet-le-Afra nzi puluwunzile lomu tshurini. 2 Sam. 1:20

Valamuli 11:34

Laha Jefta a nga tlhelela Mizpa le ndlwini yakwe, a nʼwana wakwe wa nhanyana i lota a mu khinga hi tingomana, na a kari a kina, na a ngha a hi yena yece a nwanana wa Jefta; i wa nga hi na nwanana wa mufana, saseka yaloyi wa nhanyana basi. Ekso. 15:20; 1 Sam. 18:6

Valamuli 14:19

A Moya wa Jehova wu lota ka yena. I lo relela aya le Axkeloni, a ya daya 30 wa vanhu; a phanga tinguwo tabye a ta nyika lava va nga lanzula liteketelo lakwe. I lo zangara nguvu, a tlhela aya ka raru wakwe.

1 Samueli 14:6

Jonatani aku ka jaha legi gi nga hi muweleli wa matlhari yakwe: A hiye le ka butho ga makhuna, kutani Jehova i ta hi lwela, hakuva a xi kona xi tsanzekisako Jehova ku ponisa, hambu loku ku hi vanhu vo tala kutani va tsongwani.

1 Samueli 17:26

Davida aku ka vavanuna lava va nga yimile laha kusuhani kakwe: Ve ngalo ku ta mahiwa yini ka munhu loye a ta nga daya a muFilistia loyi, a susa a nzhukano ka Israeli ke? Na ova mani a khuna legi ga muFilistia go kala gi tlangamela a mabutho ya Nungungulu a hanyako ke?

1 Samueli 17:36

Hikwalaho a nanza ga wena gi dele a nghala ni urso, zonake loyi muFilistia wa khuna i ta kotisa xinwe xa zona, hakuva yena wa tlangamela tiyimpi ta Nungungulu a hanyako.

1 Samueli 18:6

Makunu laha va nga wa wuya hi le ko ya hlasela vaFilistia a vavasati va lo huma hi lomu mitini yontlhe ya ka Israeli, na va kari va yimbelela va kina mahlweni ka hosi Saule, na va hi ni tingomana, na va kanyuluka hi kutsaka. Ekso. 15:20; Vala. 11:31

1 Samueli 31:4

Zonake Saule i te ngalo ka muweleli wa matlhari yakwe: Hlomula a supado ya wena u nzi gwaza ha yona, kasi a makhuna lawa ma nga dzuki ma nzi gwaza ma nzi xanula. Kanilezi a mukhomi wa matlhari yakwe a nga vumelangi, hakuva i wa chava nguvu. Zonake Saule i lp teka a supado yakwe a ti tlhava ha yona.

1 Samueli 6:17

A zidlayi za nzalama lezi a vaFilistia va nga nyikela a kuva munyikelo wa kuonha, hi lezi: Xidlayi xinwe xa va le Axdode, ni xinwe xa va le Gaza, ni xinwe xa va le Axkeloni, ni xinwe xa va la Gati, ni xinwe xa va le Ekroni.