2 Pedro 3:3 - Tshwa Bible

³ A kuranga tivani lezaku a masikwini ya kugumesa ku tata a vatseketseli va wulawula kutseketsela, na va famba kumbilukeleni kabye, 1 Tim. 4:1

2 Pedro 3:3 ပူးပေါင်းရင်းမြစ်များ

Mavingu 1:22

Nwina zipumbu, ku ta kala kuva rini na ma ha ranza wupumbu ke? vatseketseli va ta xalaliswa hi kutseketsela, i zipumbu zi ta venga wutivi kala rini ke?

Mavingu 14:6

A mutseketseli wa hlota wutlhari kanilezi a nga gi kumi; anilezi za hehuka ka loyi a nga ni kupimisisa ku kuma wutivi.

Mavingu 3:34

Hizinene wa tseketsela vatseketseli, anilezi wa nyika tipswalo ka lava va ti koramisako. Isa. 66:2; 1 Ped. 5:5; Jak. 4:10

Isaya 28:14

Hikwalaho, zwanani a mhaka ya Jehova, Nwina vatseketseli lava mu fumelako vanhu va le Jerusalema.

Isaya 29:20

Hakuva a muxanisi i ta lobyiswa ni mutseketseli i ta gumelwa; Zonake ku ta susiwa vontlhe lava va cuwukelako kubiha;

Isaya 5:19

Lava vange: A hatlise, a hatlisise a ntiro wakwe, Kasi ha fela ku wu wona; Ngha a wusungukati ga Wa ku Basa wa ka Israeli gi tshinela, Kasi ha fela ku gi tiva!

Hosea 7:5

Hi siku ga hosi ya hina a tihosana ti lo ti babyisa hi kuhisa ka vinya; yona yi lo nawuluta a canja ga yona ka vatseketseli.

Johani 12:48

Loyi a nzi alako, a nga amukeliko a timhaka ta mina, i na ni mulamuli loyi a mu lamulako; a mhaka leyi nzi nga yi wulawula, hi yona leyi yi ta nga mu lamula hi siku go gumesa. Deut. 18:19; Mar. 16:16; Lu. 10:16

2 Va le Korinte 4:2

kanilezi hi tsikile a zilo zi fihlilweko za tingana, a hi fambi hi mano, hambu ku bihisa a mhaka ya Nungungulu; kanilezi hi humesa zinene ziku dlunya, na hi ti yimela ka livalo la munhu munwe ni munwani mahlweni ka Nungungulu. 1 Tes. 2:3, 5

2 Timote 3:1

Kanilezi tiva lezaku, a masikwini yo gumesa ku ta chikela a zikhati za zikarato. Juda 18

Maheberu 1:2

kanilezi a ka masiku laya ya kugumesa i wulawulile ka hina hi Nʼwana wakwe, loyi a nga mu yimisa a kuva xiga-tshomba ya zilo zontlhe, loyi a nga maha ha yena misava. Joh. 1:17; Mat. 21:38; 28:18; Rom. 8:17; Efe. 1:10

2 Pedro 1:20

A kuranga tivani lezi, lezaku a ku na kuprofeta lomu mitsalweni loku munhu a nga ku tlhamuseleko hi ntamu wakwe. Rom. 12:6

2 Pedro 2:10

kanilezi i maha lezo nguvunguvu hi vona lava va fambako hi ka nyama kumbilukeleni ko nyenyeza, va kanyisa a wuhosi ga le hehla. Kota lezi va nga ni wurena va ti kukumukisa, a va chavi a ku rukatela a zivangwa zi ngangamelako. Juda 4, 7, 8

1 Johani 2:18

Vana vanga, makunu xikhati xo gumesa; kota lezi mu nga zizwa lezaku wata Mukaneti wa Kristu, hambu ni lezi va kona vanyingi vakaneti va Kristu; hi kota ya lezo ha zi tiva lezaku xikhati xo gumesa. Mat. 24:5; 2 Tes. 2:3; Maheb. 1:2

Juda 1:16

Lava hi vona va kalalako ni ku monya, lava va fambako kumbilukeleni kabye, a milomu yabye yi wulawula wukhuxu, va hlawula vanhu hi kota ya bhinzu. 2 Ped. 2:18

Juda 1:18

laha va nga ku ngalo ka nwina: Hi xikhati xa kugumesa ku tava kona a vatseketseli, lava va fambako hi kumbilukela kabye ka kubiha. 1 Tim. 4:1