2 Kronekele 7:6 - Tshwa Bible

⁶ A vapristi va lo yima matshanwini yabye yo tira mitiro yabye zinwe ni va ka Levi, na va angarele a timbila ti longiselweko Jehova, leti hosi Davida a nga wa ti mahele ku dumisa Jehova ha tona, vaku: Hakuva a wuxinji gakwe ga kala kupinzuka; laha Davida a nga wa dumisa ha tona Jehova. A vapristi va loba mipunzu na va cuwukene navo, vontlhe va ka Israeli na va yimile,

2 Kronekele 7:6 ပူးပေါင်းရင်းမြစ်များ

1 Kronekele 13:8

Davida ni vontlhe va ka Israeli va wa kari va kina mahlweni ka Nungungulu hi ntamu wabye wontihe, na va yimbelela hi zitende ni timbila, ni tingomana, ni makhombela, ni mipunzu.

1 Kronekele 15:24

Xebania na Joxafate na Netaneli, na Amasai, na Zakaria, Beneia, na Eliezere, va wa hi vapristi kuba mipunzu mahlweni ka arke ga Nungungulu; Obed-Edomi, na Jehia, va wa hi vahlayisi va tinyangwa ta arke.

1 Kronekele 16:34

Dumisani Jehova, hakuva i nene. Hakuva a wuxinji gakwe gi tshamile kala kupinzuka.

2 Kronekele 23:18

Jehoiada i lo yimisa a vahlayisi lomu ndlwini ya Jehova vava lahasi ka vapristi va vaLevi, lava Davida a va xaxametileko hi mitlawa yabye lomu ndlwini ya Jehova, a ku nyikela a muphahlelo wa kuhiswa ka Jehova, khwatsi hi lezi ku tsalilweko nayweni wa Mosi, na va kari va tsaka va yimbelela, khwatsi hi lezi Davida a leleteleko.

2 Kronekele 29:25

I lo yimisa vaLevi lomu ndlwini ya Jehova, na va hi ni tingoma, ni zitende ni timbila, khwatsi hi kuleletela ka Davida na Gadi a muwoni wa hosi, na muprofeti Natani, hakuva a xileletelo xi wata hi ka Jehova hi vaprofeti vakwe.

2 Kronekele 29:27

Hezekia i lo leletela ku nyikela muphahlo wa kuhiswa laha alatini; laha va nga sangula ku wu nyikela, va lo sangula ku yimbelela lisimu la Jehova hi mipunzu, vaba kambe ni wucenje ga Davida a hosi ya ka Israeli.

2 Kronekele 5:12

ni vayimbeleli vontlhe va ka Levi, Asafa, na Hemani, na Jedutuni, ni vana vabye, ni vanakulobye, va wa yimile hi le Muhuma-gambo wa alati, na va ambele a tinguwo ta wukene, na va hi ni tingoma ni timbila ni zitende, na va hi ni 120 wa vapristi laha kusuhani lava va bako mipunzu).

2 Kronekele 5:13

A vabi va mipunzu ni vayimbeleli va lo yimbelela khatiginwe, hi gezu ginwe a ku dumisa ni ku bonga Jehova. Laha va nga waba mipunzu ni tingoma, ni tinwani timbila, na va kari va yimbelela vaku: Dumisani Jehova hakuva i lulamile, hakuva a wuxinji gakwe gi simamisile kala kupinzuka! a yindlu ya Jehova yi lo tatiswa hi refu,

2 Kronekele 7:3

Laha vontlhe va ka Israeli va nga wa wonile a nzilo ni kungangamela ka Jehova, na zi relela lomu ndlwini, va lo korama lahasi liranzabyeni, va khizama va dumisa Jehova, vaku: Hakuva yena i lulamile, hakuva a wuxinji gakwe ga kala kupinzuka.

2 Kronekele 7:5

Hosi Solomoni i lo nyikela muphahlelo wa 22,000 wa tihomu, ni 120,000 wa tiyivu. Zinghaho a hosi ni vanhu vontlhe va lo nyikelisisa a yindlu ya Nungungulu.

Ezra 6:18

Va lo yimisa vapristi mitlaweni yabye, ni vaLevi mitlaweni yabye, a kuva va tira mitiro ya Nungungulu wa le Jerusalema, kota lezi ku tsalilweko bhukwini ga Mosi.

Tisimu 106:1

Dumisani Jehova! Khesani Jehova, hakuva i nene; Hakuva a wuxinji gakwe gi simamisa kala kupinzuka.

Tisimu 107:1

Bongani Jehova, hakuva i nene, Hakuva a wuxinji gakwe gi simamisa kala kupinzuka.

Tisimu 138:8

Jehova i ta hetisa a ntiro wakwe a nzi tirelako wona. Jehova, a wuxinji ga wena ga kala kupinzuka; U nga tsiki a mitiro ya mandla ya wena.

Tisimu 87:7

A vayimbeleli ni vakini va taku: A tihlowo ta mina tontlhe ti le ka wena. Isa. 12:3; Jer. 31:12

Isaya 52:6

Hikwalaho a tiko ga mina gi ta tiva a vito ga mina, hikwalaho va ta tiva hi siku gwalego lezaku hi mina loyi nzinge: Nzi mina yena.

Amosi 6:5

Va polomba a tisimu hi pfumawulo wa mihambi, va ti mahela a zitende zo yimbelela ha zona khwatsi hi Davida.

Joxua 6:4

A 7 wa vapristi va ta famba mahlweni ka nghaxa na va rwele 7 wa mipunzu yi vumako, hi siku ga wu 7 mu ta renzelekela a muti 7 wa zikhati, a vapristi na vaba mipunzu.