2 Kronekele 7:14 - Tshwa Bible

¹⁴ loku a vanhu va mina lava va khongelako hi vito ga mina va ti sola, ni loku va khongela hi ku hlota a vito ga mina, va fularela a tindlela tabye to biha, mina nzi ta vazwa na nzi hi tilweni, nzi va tsetselela zionho zabye, nzi holisa a tiko gabye.

2 Kronekele 7:14 ပူးပေါင်းရင်းမြစ်များ

2 Kronekele 20:3

Jehoxafate i lo chava, a ti longisela ku hlota Jehova; i lo laya vontlhe va ka Juda lezaku va yila.

2 Kronekele 20:4

Zinghaho a vaJuda va lo tsombana khatiginwe a ku hlota ntamu ka Jehova; va lo Suka mitini yabye yontlhe, va tela ku ta hlota Jehova.

2 Kronekele 6:27

zonake wena zwana na u hi kwaleyo tilweni, u tsetselela a malanza ya wena, a vanhu va wena va ka Israeli, a zionho zabye, na u va gonzisa a ndlela yo saseka leyi va faneleko ku famba ha yona; zonake rumela a vula lomu tikweni legi wena u va nyikileko a kuva tshomba yabye.

2 Kronekele 6:30

zwana wena na u hi kwaleyo tilweni, laho u akileko kona, u tsetselela, u nyika ka munwe ni munwani a ka mixuvo yakwe yontlhe, wena loyi u tivako a mbilu ya munhu ni munhu, hakuva hi wena wece u tivako a timbilu ta vana va vanhu, 1 Sam. 16:7; Jer. 11:20; 20:12

2 Kronekele 6:33

zonake ingisa wena na u hi kwaleyo tilweni, laho u akileko kona, u maha zontlhe lezi a wamatiko a zi kombelako ka wena; kasi a vanhu vontlhe va misava va fela ku zi tiva lezaku a vito ga wena gi khongeliwa lomu ndlwini leyi nzi yi akileko, va ku chava kukotisa tiko ga wena ga Israeli.

Tisimu 27:8

A mbilu ya mina yi lo hlamula a gezu ga wena gaku: Lavani nghohe ya mina; Yiku ka wena: A nghohe ya wena Jehova nzi ta yi lava. Deut. 4:29; Isa. 45:19

Tisimu 60:2

U tsekatsekisile misava, yi khayeka; Holisa a tifa ta yona, hakuva ya dzudzumela.

Mavingu 28:13

Loyi a fihlako zionho zakwe cima a nga ta kateka; anilezi loyi a zi wulelako, a zi tsika, i ta mahelwa wuxinji. 1 Joh. 1:9

Isaya 45:19

A nzi wulangi xihundleni, A wutshanwini ga munyama laha misaveni; A nzi byelangi a vana va ka Jakobe, nziku: Mu ta nzi hlotela mahala! Mina Jehova nzi wulawula zinene, Nzi tlhatlhambutela lezi zi lulamileko. Deut. 30:11; Joh. 18:20

Isaya 59:20

A mutiruli i tata le Zioni, Ni ka va ka Jakobe lava va hunzulukako zihambunyetweni zabye, Ku wula Jehova. Rom. 11:28

Isaya 63:19

Makunu hi fanana ni vanhu lava cima u nga va fumelangiko, Khwatsi hi lava va nga vitwangiko hi vito ga wena.

Jeremia 14:9

Hikuyini uku khwatsi u munhu a dzukisilweko, U kota nhenha yi nga zi kotiko ku hanyisa ke? Kasi u kona laha xikari ka hina, O Jehova, Hi vitanwa hi vito ga wena; U nga hi tsiki!

Jeremia 33:6

Languta, nzi ta wu bohelela nzi wu chuma, ni ku va holisa; nzi ta va kombisa a wunyingi ga kurula ni zinene.

Jeremia 50:4

A masikwini ya xikhati lexo, ku wula Jehova, a vana va ka Israeli ni va ka Juda ya tata zinwe; na va rila va ta famba va hlota Jehova Nungungulu wabye.

Jeremia 51:9

Hi ringile ku chuma Babuloni, kanilezi a nga banyangi. A hi mu tsikeni, hi ti fambela munwe ni munwani aya tikweni ga ka kabye, hakuva a kutsayiswa kakwe ku chikele le tilweni, ku tlakukile ku chikela le marefini.

Jeremia 8:22

Xana a ku na muri le Gileadi, Ku hava nʼanga leyo ke? A mbanga ya nʼwana wa xisati wa vanhu va mina a yi holiswangi hikuyini ke?

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Ezekieli 33:12

Wena nʼwana wa munhu, wula ka vanhu va tiko ga wena, uku: A kululama ka a lulamileko ku nga ta mu ponisa hi siku ga kuhambunyeta kakwe. Ni kubiha ka wakubiha ku nga ta mu wisa a siku a hunzulukako a tsika kubiha kakwe; ge hambu loyi a lulamileko a nga zi koti ku hanya hi nongameto wakwe a sikwini ga kuonha kakwe.

Mitsengo 6:27

Va ta vekisa lezo a vito ga mina hehla ka vanana va ka Israeli, zonake mina nzi ta va katekisa.

Mitiro 9:11

A Hosi yiku ngalo kakwe: Vuka, uya phangweni legi gi vitwako, Go Lulama, u ya lava le ndlwini ya Juda a munhu loyi a vitwako Saule wa le Tarsusi; hakuva wa khongela. Xip. 21:39

Deuteronome 28:10

Zonake a matiko wontihe ya misava ma ta wona lezaku wena u vitanwa hi vito ga Jehova, va ta ku chava.