2 Kronekele 7:10 - Tshwa Bible

¹⁰ Hi siku ga 23 ga hweti ya wu 7 Solomoni i lo hangalasa vanhu va ti yela matendeni yabye na timbilu tabye ti tsakile, hakuva Jehova i katekisile Davida na Solomoni ni va ka Israeli, a vanhu vakwe.

2 Kronekele 7:10 ပူးပေါင်းရင်းမြစ်များ

1 Tihosi 8:66

Hi siku ga wu 8 i lo fambisa vanhu; na vona va lo katekisa hosi va tlhelela matendeni yabye hi kutsaka ni kubonga ka mbilu, hi kota ya zikateko zontlhe lezi Jehova a maheleko a nanza gakwe Davida ni vanhu vakwe va ka Israeli.

2 Kronekele 29:36

Hezekia zinwe ni vanhu vontlhe va lo tsaka, hakuva Nungungulu i wa chelile a moya wo saseka ka vanhu va tiko, hakuva a xilo lexo xi mahilwe hi xitshuketi.

2 Kronekele 30:26

Ku wa hi ni kutsaka ka hombe lomu Jerusalema, hakuva kusukela masikwini ya Solomoni nʼwana Davida, a hosi ya va ka Israeli, a ku na ngava ni zilo zo kota lezo lomu Jerusalema.

2 Kronekele 6:41

Makunu Jehova Nungungulu, Suka uta laha wutshanwini ga wena ga kuhumula, wena ni arke ga ntamu wa wena! Jehova Nungungulu, ngha vapristi va wena va fenengetiwa hi kuhanyiswa, ni lava va ku ranzako ngha va tsakela a wunene ga wena. Mitse. 10:35; Tis. 132:8

2 Kronekele 7:11

Zinghaho Solomoni i lo mbheta a yindlu ya Jehova ni yindlu yakwe ya wuhosi, a mbhetisela zontlhe lezi a nga wa xuvile ku zi maha lomu ndlwini ya Jehova ni lomu ndlwini yakwe.

2 Kronekele 7:9

Hi siku ga wu 8 va lo maha mutlhangano wo Basa, hakuva va hetile 7 wa masiku na va nyikelisisa a alati; zonake va lo maha a mubuzo wa 7 wa masiku.

Nehemia 8:10

Zonake aku kabye: Ti fambeleni, mu yaga tinyama ti nonileko, munwa kunwa ko nanziha, mu rumela zakuga ka lava va nga ti longiselangiko nchumu, hakuva legi i siku gi basileko ka Hosi ya hina. Mu nga tsanwi, hakuva a litsako la Jehova i ntamu wa nwina.

Tisimu 100:2

Tirelani Jehova hi kutsaka, Muta mahlweni kakwe hi kuyimbelela.

Tisimu 105:3

Ti kuliseni hi vito gakwe go basa, Ngha ti tsaka a timbilu ta lava va lavako Jehova.

Tisimu 106:5

Kasi nza fela ku wona a kuvuvuma ka vahlawulilweko va wena, Nzi nengela hi litsako la tiko ga wena, Kasi nza hlalela zinwe ni zigatshomba za wena.

Tisimu 32:11

Tsakeleni Jehova, mu nengela nwina va kululama, Mu hlalela hi litsako nwina nwentlhe mu longamileko mbilwini. Fil. 4:4

Tisimu 92:4

Hakuva wena Jehova wa nzi tsakisa hi mitiro ya wena, Nzi ta huwelela hi litsako hi kota ya mitiro ya mandla ya wena.

Eksodusi 18:1

Makunu Jetro, a mupristi wa le Midiani, muxade wa Mosi, i lozwa hi zontlhe lezi Nungungulu a zi mahileko ka Mosi ni vanhu vakwe va ka Israeli, ni lezaku Jehova i humesile Israeli le Gipite.

Ezekieli 45:25

Hi hweti ya wuntlhanu ni timbiri, hi siku ga 15 ga mubuzo, yi ta maha zalezo a ka masiku ya ntlhanu ni mambiri hi tlhelo ga minyikelo ya kuonha, ni ya kuhiswa, ni ya tinzhoho, ni ya mafura.

Mitiro 16:34

Zonake i lo va yisa ndlwini yakwe, a ya va phamela zakuga, a tsaka nguvu zinwe ni vontlhe va yindlu yakwe, hilezi a nga kholilwe ka Nungungulu. 1 Sam. 2:1; Lu. 5:29; 19:6

Mitiro 2:46

A masiku ni masiku va lo pinyamela hi mbilu yinwe lomu tempeleni, va khema xibaba le kaya, vaga kuga kabye hi kutsaka ni matsenya, Lu. 24:53; Xip. 20:7

Deuteronome 12:12

Mu ta ti tsakela mahlweni ka Jehova Nungungulu wa nwina, nwina ni varisanyana va nwina, ni vanhanyana va nwina, ni vasati va nwina, ni zitiri za nwina za xinuna ni za xisati, ni vaLevi lava va nga lomu mitini ya nwina, hakuva a va nyikiwangi xiavelo ni tshomba zinwe na nwina.

Deuteronome 12:18

Kanilezi lezi zilo u taga mahlweni ka Jehova Nungungulu wa wena, ka wutshamu legi Jehova Nungungulu wa wena a ta nga gi hlawula, u taga laho zinwe ni varisanyana va wena, ni vanhanyana va wena, ni malanza ya wena ya xinuna ni ya xisati, ni vaLevi lava va nga laha mutini wa wena; u ti tsakela mahlweni ka Jehova Nungungulu wa wena, mitirweni yontlhe ya mandla ya wena.

Deuteronome 12:7

Nwina mu taga mahlweni ka Jehova Nungungulu wa nwina, mu ti tsakela zinwe ni mingango ya nwina hi zilo zontlhe lezi mu ta nga zi maha, lezi Jehova Nungungulu wa nwina a mu katekisileko ha zona.

Deuteronome 16:11

U ti tsakela mahlweni ka Jehova Nungungulu wa wena zinwe ni mufana wa wena, ni nhanyana wa wena, ni nanza ga wena ga xinuna ni ga xisati, ni muLevi loyi a nga xikari ka muti wa wena, ni muluveli, ni xisiwana, ni noni, lava va nga xikari ka nwina ka wutshamu lego Jehova Nungungulu wa wena a ta nga gi hlawula ku veka vito gakwe laho;

Deuteronome 16:14

na wena u ta ti tsakela ka lowo mubuzo zinwe ni mufana wa wena, ni nhanyana wa wena, ni nanza ga wena ga xinuna ni ga xisati, ni muLevi, ni muluveli, ni xisiwana, ni noni, lava vontlhe va nga laha mutini wa wena.

Va le Filipi 4:4

Tsakani Hosini xikhati xontlhe; nzi engeta kambe nziku, Tsakani!