2 Kronekele 6:5 - Tshwa Bible

⁵ Kusukela siku lego nzi nga humesa a vanhu va mina le tikweni ga le Gipite, cima a nzi hlawulangi a muti lomu xikari ka tinyangwa ta ka Israeli a kuva ku akiwa kona a yindlu kasi ku tshama lomo a vito ga mina, ni kambe cima a nzi hlawulangi munhu a kuva hosi ya vanhu va mina, a va ka Israeli. 2 Sam. 7:6

2 Kronekele 6:5 ပူးပေါင်းရင်းမြစ်များ

1 Tihosi 8:16

Kusukela lezi nzi nga humesa a vanhu va mina va ka Israeli le Gipite, cima a nzi langangi a muti xikari ka tixaka tontlhe ta ka Israeli, a kuva va nzi akela a yindlu yi lumbako a vito ga mina, kanilezi nzi langile Davida lezaku kasi yena a fumela a vanhu va mina va ka Israeli.

2 Tihosi 21:4

I lo aka a alati lomu ndlwini ga Jehova, lomu Jehova a nga wa te ngalo: Nzi ta veka a vito ga mina le Jerusalema. Deut. 12:5; 1 Tih. 8:29

1 Kronekele 17:5

hakuva cima a nzi se nga tshama lomu ndlwini, kusukela a siku lego nzi nga humesa va ka Israeli le Gipite kala lezi. Kanilezi nzi wa ku enghena ka tenda ginwe ni ginwani, ni ka tabemakeli ginwe ni ginwani.

2 Kronekele 12:13

Zinghaho hosi Rehoboamu i lo ti tiyisa lomu Jerusalema a fuma. I wa hi ni 41 wa malembe a xikhati lexi a nga sangula ku fuma. I lo fuma 17 wa malembe le Jerusalema, mutini lowu Jehova a wu hlawuleko ka tontlhe tinyangwa ta ka Israeli a kuva a veka a vito gakwe lomo. A vito ga nyine wakwe ku wa hi Naama a muAmmoni. Ekso. 20:24; 1 Tih. 14:21

2 Kronekele 20:8

Vona va akile ka gona, va akela a vito ga wena a yindlu ya kubasa, vaku:

2 Kronekele 20:9

Loku hi humelwa hi makhombo manwani, kutani tiyimpi, a kulamula, kutani mitungu, a ndlala, hina hi ta yima mahlweni ka yindlu leyi ni mahlweni ka wena, hakuva a vito ga wena gi lomu ndlwini leyi; hlomulweni wa hina hi ta rila ka wena, u hizwa u hi ponisa.

2 Kronekele 30:8

Makunu nwina mu nga nonohisi tinhamu ta nwina, khwatsi hi vadadani va nwina; khomani a canja ga Jehova, muta ndlwini yakwe yo basa a yi basisileko kala kupinzuka, mu ta khozela Jehova Nungungulu wa nwina, kasi a zanga yakwe yo tshisa yi fela ku Suka ka nwina.

2 Kronekele 33:4

I lo aka a maalati lomu ndlwini ya Jehova, leyi yena Jehova a nga ku ngalo: A vito ga mina gi ta tshama lomu Jerusalema kala kupinzuka. Deut. 12:5; 2 Sam. 7:10, 13

2 Kronekele 33:7

I lo yimisa a xifananiso xi vatlilweko, lexi a nga xi maha yena, lomu ndlwini ya Nungungulu, leyi Nungungulu a ngaku ka Davida ni ka nʼwana wakwe Solomoni: Ndlwini leyi ni mutini lowu nzi wu hlawuleko xikari ka tontlhe tixaka ta va ka Israeli, nzi ta veka a vito ga mina kala kupinzuka.

2 Kronekele 6:20

lezaku a mahlo ya wena ma vululeka, ma wona wusiku ni mumu, ma cuwuka a yindlu leyi ni wutshamu legi u nga wula uku u ta veka a vito ga wena ka gona; ni lezaku u ingisa a mikhongelo leyi a nanza ga wena gi ta nga kombela ka legi wutshamu. Ekso. 20:24

2 Kronekele 6:4

Yena aku ngalo: A ku dumiswe Jehova Nungungulu wa ka Israeli, loyi a nga wulawula hi nomu wakwe ka dadani Davida, a tlhela a tatisa hi canja gakwe lezi a zi wulileko, aku:

2 Kronekele 6:6

Kanilezi makunu nzi hlawule a Jerusalema lezaku kasi a vito ga mina gi fela ku tshama lomo, nzi hlawula Davida a kuva a fuma hehla ka vanhu va mina, a va ka Israeli.

2 Kronekele 7:16

hakuva makunu nzi hlawule yindlu leyi nzi yi basisa, kasi a vito ga mina gi fela ku tshama kona kala kupinzuka, ni lezaku kasi a mahlo ya mina ni mbilu ya mina zi tava kona laha kala kupinzuka.

Ezra 7:16

Ni siliva yontlhe ni nzalama leyi u ta nga yi kuma lomu tikweni gontlhe ga Babuloni, zinwe ni minyikelo leyi yi ta nga humeselwa a yindlu ya Nungungulu wabye le Jerusalema hi vanhu, ni vapristi, hi kuranza kabye.

Eksodusi 20:24

U ta nzi akela a alati ga misava, laho u ta nga phahlela kona a miphahlo ya wena ya kuhiswa ni ya kukhesa, ni timhamba ta wena ta tiyivu ni ta tihomu. Kontlhe lomu nzi ta nga veka xialakanyiso xa vito ga mina, nzi tata ka wena nzi ta ku katekisa.

Eksodusi 23:21

Chela kota ha yona, u ingisa a gezu ga yona, u nga yi kaneti, hakuva yi nga ta timisela hi kubiha ka nwina, hakuva yona yi na ni vito ga mina.

Danieli 9:19

Hosi, zwana! Hosi, tsetselela! Hosi, ingisa, tira u nga hlweli; hi kota ya vito ga wena, Nungungulu wa mina, hakuva a muti wa wena ni vanhu va wena va vitanwa hi vito ga wena.

Zakaria 3:2

Jehova aku ka Satani: Ngha Jehova a ku kawuka, wena Sata! Ina, Jehova loyi a hlawulileko Jerusalema ngha a ku kawuka! A muti lowu a hi lihunyi li susilweko nzilweni ke?

Deuteronome 12:11

a ka wutshamu lego Jehova Nungungulu wa nwina a ta nga hlawula ku aka kona a vito gakwe, hi laho mu ta nga yisa kona zontlhe lezi nzi mu leletelako zona, a miphahlo ya nwina ya kuhiswa, ni miphahlelo ya nwina, ni za wukhume za nwina, ni minyikelo ya nwina ya ku nziwitela, ni minyikelo ya nwina ya lezi zo saseka leyi mu ta nga nyikela ka Jehova a ku tatisa zifungo za nwina ka Jehova.

Deuteronome 12:5

Kanilezi a wutshamu lego Jehova Nungungulu wa nwina a ta nga gi hlawula xikari ka tontlhe tinyangwa ta nwina a ku veka a vito gakwe laho, hi kwalaho ku ta ngava wutshamu ga yindlu yakwe; na nwina mu ta mu lavisisa laho, mu khiringela kuya kona. 1 Tih. 8:29; 2 Kro. 7:12, 16

1 Samueli 10:24

Samueli aku ka vontlhe vanhu: Cuwukani loyi Jehova a mu hlawulileko! A ku na munhu lomu tikweni gontlhe wo fanana naye. A vanhu vontlhe va lo hlalela hi kutsaka, vaku: A yi hanye hosi!

1 Samueli 15:23

Hakuva a kuhluwuka ku fanana ni wutumbe, ni xikanikani xi fanana ni ku khozela xifananiso ni terafime. Makunu kota lezi u alileko a gezu ga Jehova, yenawu i ku alile; u nga ha ta kuva hosi kambe.