2 Kronekele 6:20 - Tshwa Bible

²⁰ lezaku a mahlo ya wena ma vululeka, ma wona wusiku ni mumu, ma cuwuka a yindlu leyi ni wutshamu legi u nga wula uku u ta veka a vito ga wena ka gona; ni lezaku u ingisa a mikhongelo leyi a nanza ga wena gi ta nga kombela ka legi wutshamu. Ekso. 20:24

2 Kronekele 6:20 ပူးပေါင်းရင်းမြစ်များ

2 Tihosi 19:16

Jehova, phuhunha a ndleve ya wena, uzwa! Jehova, vulula a mahlo ya wena u cuwuka; uzwa a timhaka ta Senakeribe, leti a ti rumeleko ku ta rukatela a Nungungulu loyi a hanyako.

2 Kronekele 16:9

Hakuva a mahlo ya Jehova ma languta misaveni yontlhe a ku tiyisa lava va nga vakwe hi timbilu tabye tontlhe. U mahile wupumbu mhakeni leyi, hakuva kusukela lezi u tava ni tiyimpi. Jer. 16:17; 32:19; Zak. 4:10

2 Kronekele 20:9

Loku hi humelwa hi makhombo manwani, kutani tiyimpi, a kulamula, kutani mitungu, a ndlala, hina hi ta yima mahlweni ka yindlu leyi ni mahlweni ka wena, hakuva a vito ga wena gi lomu ndlwini leyi; hlomulweni wa hina hi ta rila ka wena, u hizwa u hi ponisa.

2 Kronekele 6:19

Jehova Nungungulu wa mina, amukela a mukhongelo wa nanza ga wena, ni kukombela kakwe, u ingisa a kurila ni kukhongela loku a nanza ga wena a ku humesako mahlweni ka wena,

2 Kronekele 6:40

Nungungulu wa mina, ngha a mahlo ya wena makunu ma vululeka, u ingisa hi tindleve ta wena a mukhongelo lowu nzi wu mahako ka legi wutshamu!

2 Kronekele 6:5

Kusukela siku lego nzi nga humesa a vanhu va mina le tikweni ga le Gipite, cima a nzi hlawulangi a muti lomu xikari ka tinyangwa ta ka Israeli a kuva ku akiwa kona a yindlu kasi ku tshama lomo a vito ga mina, ni kambe cima a nzi hlawulangi munhu a kuva hosi ya vanhu va mina, a va ka Israeli. 2 Sam. 7:6

2 Kronekele 6:6

Kanilezi makunu nzi hlawule a Jerusalema lezaku kasi a vito ga mina gi fela ku tshama lomo, nzi hlawula Davida a kuva a fuma hehla ka vanhu va mina, a va ka Israeli.

2 Kronekele 7:15

Makunu a mahlo ya mina ma ta cuwuka, ni tindleve ta mina ti ta ingisa a mikhongelo ya legi wutshamu;

Nehemia 1:6

ngha a ndleve ya wena yi panga, ni mahlo ya wena ma vululeka, kasi wa fela kuzwa a mukombelo wa nanza ga wena, lowu nzi wu kombelako xikhati lexi, wusiku ni mumu, nzi kombelelako a vanana va ka Israeli, a malanza ya wena, na nzi wulela zionho zabye, lezi hi ku onheleko. Ina, mina ni vadadani va mina hi onhile.

Tisimu 121:5

Jehova hi muhlayisi wa wena, Jehova hi nzhuti wa wena reveni ga wena ga xinene.

Tisimu 33:18

A mahlo ya Jehova ma tsonometa lava va mu chavako, Ni lava va tsumbako a wuxinji gakwe,

Tisimu 34:15

A mahlo ya Jehova ma tsonometa a valulamileko; Ni tindleve takwe ti kangatele huwa yabye. 2 Kro. 16:9

Danieli 6:10

Laha Danieli a ngazwa lezaku a nayo wu tiyisilwe, i loya ndlwini yakwe, laha a tinjhanela ta kwaruto yakwe ya le hehla ti nga vululwe ngomama ni Jerusalema, a khizama hi madzolo a khongela makhati manharu hi siku, na a bonga Nungungulu wakwe khwatsi hi zikhati zi hunzileko. 1 Tih. 8:44, 48

Deuteronome 12:11

a ka wutshamu lego Jehova Nungungulu wa nwina a ta nga hlawula ku aka kona a vito gakwe, hi laho mu ta nga yisa kona zontlhe lezi nzi mu leletelako zona, a miphahlo ya nwina ya kuhiswa, ni miphahlelo ya nwina, ni za wukhume za nwina, ni minyikelo ya nwina ya ku nziwitela, ni minyikelo ya nwina ya lezi zo saseka leyi mu ta nga nyikela ka Jehova a ku tatisa zifungo za nwina ka Jehova.

Deuteronome 26:2

u ta teka mihanzu yo ranga yontlhe leyi u yi kumileko lomu tikweni legi Jehova Nungungulu wa wena a ku nyikileko gona, u yi chela lomu xirunzwini, u famba nayo ka wutshamu lego Jehova Nungungulu wa wena a ta nga gi hlawula ku aka a vito gakwe laho.

Va le Kolosi 2:9

Hakuva a kutala kontlhe ka wuNungungulu ku tshamile ka yena hi miri. Isa. 9:6; Joh. 1:14; Rom. 9:5; Tit. 2:13