2 Kronekele 5:2 - Tshwa Bible

² Zonake Solomoni i lo tsombanyisa a masingalakati ya ka Israeli, ni tihosana tontlhe ta tiyindlu ta va ka Israeli le Jerusalema, a kuva va ya teka a arke ga xivumelwano xa Jehova le mutini wa Davida le Zioni, va gi neha.

2 Kronekele 5:2 ပူးပေါင်းရင်းမြစ်များ

2 Samueli 5:7

Kanilezi Davida i lo hlula, a teka a khokhola ga Zioni, wu nga wona muti wa Davida.

2 Samueli 6:12

Makunu va lo byela hosi Davida, vaku: Jehova i katekisile a yindlu ya Obedi-Edome ni zontlhe zilo zakwe hi kota ya arke ga Nungungulu. Zonake Davida i lo ya teka a arke ga Nungungulu lomu ndlwini ya Obedi-Edomi a gi heleketa mutini wa Davida hi litsako.

1 Kronekele 15:1

I lo ti akela a tiyindlu le mutini wa Davida, a longisa a wutshamu ga arke ga Nungungulu, a gi gwimbela a tenda.

1 Kronekele 15:12

aku kabye: Hi nwina madota ya tiyindlu ta ka Levi. Ti basiseni zinwe ni vanakuloni, kasi ma fela ku ya rwala a arke ga Jehova Nungungulu wa ka Israeli, mu ta gi veka lomu wutshanwini legi nzi gi longiseleleko gona.

1 Kronekele 15:25

Zinghaho Davida zinwe ni masingalakati ya ka Israeli, ni tinduna ta 1,000, va lo suka va ya teka a arke ga xivumelwano xa Jehova le ndlwini ya Obed-Edomi hi kutlanga.

1 Kronekele 15:3

Davida i lo tsombanyisa vontlhe va ka Israeli le Jerusalema a ku yisa a arke ga Jehova wutshanwini lego a nga wa gi longisele.

1 Kronekele 16:1

Makunu laha va nga wa nehile a arke ga Nungungulu, va lo gi veka lomu ka tenda legi Davida a nga wa gi akele; zonake va lo nyikela miphahlo ya kuhiswa, ni ya kubonga mahlweni ka Nungungulu.

1 Kronekele 24:31

Vonawu lava, kukotisa vanakulobye va vana va Aroni va lo hlahluva mahlweni ka hosi Davida, na Zadoke, na Ahimeleki, ni tihosana ta tiyindlu ta vapristi ni ta va ka Levi; va tihosana ta tiyindlu ta vararu vabye ti lo hlawuliwa kota tinzisana tabye.

1 Kronekele 24:6

Xemaia a nʼwana wa mutsali Netaneli, wa nyangwa ya ka Levi, i lo va tsala mahlweni ka hosi ni ka tihosana ni mahlweni ka mupristi Zadoke, ni ka Ahimeleki nʼwana Abiatara, ni mahlweni ka tihosana ta tiyindlu ta vapristi ni ta va ka Levi. Va lo hlawula hi kuhlahluva a yindlu ya vadadani, yinwe yi maha ya Eliazare, a yinwani yi maha ya Itamare.

1 Kronekele 26:26

Xelemote loyi ni vanakulobye va wa hi vahlayisi va titshomba tontlhe ta zilo lezi zi nyikelweko hi hosi Davida, ni tihosana ta tinyangwa, ni tinduna ta 1,000 ni ta mazana, ni tinduna ta yimpi.

1 Kronekele 28:1

Davida i lo tsombanyisa tontlhe tihosana ta ka Israeli, a tihosana ta tinyangwa, ni tinduna ta mitlawa leyi yi tirelako hosi, ni tinduna ta 1,000, ni tinduna ta mazana, ni vahlayisi va titshomba tontlhe, ni vahlayisi va zifuyo zontlhe za hosi, ni vahlayisi va vanana vakwe, ni mithenwa, ni tinhenha, vontlhe va tsombana le Jerusalema.

2 Kronekele 1:4

Kanilezi Davida i wa tekile a arke ga Nungungulu le Kiriat-Jearimu, a gi neha wutshanwini legi a nga wa gi longisele, hakuva i wa gwimbile a tenda ga kona le Jerusalema.

2 Kronekele 5:1

Zinghaho laha Solomoni a nga wa mbhetile a ntiro wontihe lowu a nga wu mahela a yindlu ya Jehova, i lo neha a zilo lezi a dadani wakwe Davida a nga wa zi nyikele: a siliva, ni nzalama, ni zontlhe zibya, a ya zi veka lomu ka tshomba ya yindlu ya Nungungulu.

2 Kronekele 5:12

ni vayimbeleli vontlhe va ka Levi, Asafa, na Hemani, na Jedutuni, ni vana vabye, ni vanakulobye, va wa yimile hi le Muhuma-gambo wa alati, na va ambele a tinguwo ta wukene, na va hi ni tingoma ni timbila ni zitende, na va hi ni 120 wa vapristi laha kusuhani lava va bako mipunzu).

Tisimu 2:6

Aku: Hi mina nzi vekileko a hosi ya mina Le Zioni, a xitsunga xa mina xi basileko.

Tisimu 87:2

Jehova wa ranza a tinyangwa ta Zioni, Ku hunza a wuakelo gontlhe ga Jakobe.

Levi 9:5

Zinghaho va lo neha mahlweni ka tabemakeli ga mutlhangano lezi zi leletelweko hi Mosi; zonake a ntlhangano wontihe wu lo tshinela, wu ta yima mahlweni ka Jehova.

Mitsengo 10:33

Va lo andlamuka hi le xitsungeni xa Jehova, va famba a pfhuka wa masiku manharu, ni nghaxa ya xivumelwano xa Jehova yi wa famba mahlweni kabye a pfhuka wa masiku manharu, a ku lava a wutshamu ga kuhumula.

Mitsengo 10:36

Ni kurulweni ka yona, i waku: Tlhela, Jehova, Ka mazana ya mazana ya ka Israeli.