2 Kronekele 5:12 - Tshwa Bible

¹² ni vayimbeleli vontlhe va ka Levi, Asafa, na Hemani, na Jedutuni, ni vana vabye, ni vanakulobye, va wa yimile hi le Muhuma-gambo wa alati, na va ambele a tinguwo ta wukene, na va hi ni tingoma ni timbila ni zitende, na va hi ni 120 wa vapristi laha kusuhani lava va bako mipunzu).

2 Kronekele 5:12 ပူးပေါင်းရင်းမြစ်များ

1 Kronekele 13:8

Davida ni vontlhe va ka Israeli va wa kari va kina mahlweni ka Nungungulu hi ntamu wabye wontihe, na va yimbelela hi zitende ni timbila, ni tingomana, ni makhombela, ni mipunzu.

1 Kronekele 15:24

Xebania na Joxafate na Netaneli, na Amasai, na Zakaria, Beneia, na Eliezere, va wa hi vapristi kuba mipunzu mahlweni ka arke ga Nungungulu; Obed-Edomi, na Jehia, va wa hi vahlayisi va tinyangwa ta arke.

1 Kronekele 15:27

Davida i wa ambele a nguwo ya wukene yo saseka, ni vaLevi vontlhe lava va nga wa rwele a arke, ni vayimbeleli, na Kenania a murangeli wa vayimbeleli; Davida i wa ambele kambe a efode ya wukene.

1 Kronekele 23:30

Ahandle ka lezo, va wa fanele ku yima mahlweni ka Nungungulu siku ni siku, kasi ku bonga ni ku dumisa Jehova mixo ni gambo.

1 Kronekele 23:5

A 4,000 va tava vahlayisi va tinyangwa, a vanwani va 4,000 va ta dumisa Jehova hi wucenje legi nzi gi maheleko a kuva mu dumisa ha gona.

1 Kronekele 6:33

Lava hi vona va khomileko a ntiro lowu ni vana vabye. Xikari ka vana va Kohate: Hemani a muyimbeleli, a nʼwana Joeli, nʼwana Samueli,

1 Kronekele 6:39

Ni nakulobye Asafa loyi a nga wa yimile canjeni gakwe ga xinene: Asafa nʼwana Berekia wa Ximea,

2 Kronekele 29:25

I lo yimisa vaLevi lomu ndlwini ya Jehova, na va hi ni tingoma, ni zitende ni timbila, khwatsi hi kuleletela ka Davida na Gadi a muwoni wa hosi, na muprofeti Natani, hakuva a xileletelo xi wata hi ka Jehova hi vaprofeti vakwe.

2 Kronekele 29:26

A vaLevi va lo yima na va hi ni wucenje ga Davida, a vapristi na va hi ni mipunzu.

2 Kronekele 7:6

A vapristi va lo yima matshanwini yabye yo tira mitiro yabye zinwe ni va ka Levi, na va angarele a timbila ti longiselweko Jehova, leti hosi Davida a nga wa ti mahele ku dumisa Jehova ha tona, vaku: Hakuva a wuxinji gakwe ga kala kupinzuka; laha Davida a nga wa dumisa ha tona Jehova. A vapristi va loba mipunzu na va cuwukene navo, vontlhe va ka Israeli na va yimile,

Tisimu 149:3

A va dumise a vito gakwe hi kukina, Va mu khesa hi tingomana ni zitende. Ekso. 15:20; 2 Sam. 6:14

Tisimu 50:1

Nungungulu, a nga Nungungulu Jehova, i wulile, Na vitana misava kusukela Mutsuwuka-gambo kala Muhlwa-gambo.

Tisimu 62:1

A muhefemulo wa mina wu langutela Nungungulu yece; A kuhanyisa ka mina kuta hi ka yena.

Tisimu 68:25

A vayimbeleli va ranga mahlweni, Lenzhako ku lanzela vabi va magubhu. Xikari ka vanhwana lava va bako tingomana.

Tisimu 88:1

Jehova, Nungungulu wa kuhanyiswa ka mina, Nza rila mumu ni wusiku mahlweni ka wena.

Tisimu 92:3

Hi xitende xa khume ga tingoti ni magubhu, Ni pfumawulo wa xitende.

Kuvululelwa 15:6

Ku lo huma a ntlhanu wa tingelosi hi timbiri hi lomu tempeleni, na ti hi ni ntlhanu wa zixaniso ni zimbiri; ti wa ambele tinguwo to basa ta wukene, na ti bohile a mabhandi ya nzalama zifuveni za tona. Ekso. 28:6, 8; Ezek. 44:17

Kuvululelwa 19:8

I lo nyikiwa ku ambala tinguwo to saseka ta wukene, ti basisilweko tiku pa! A tinguwo to saseka ta wukene hi mitiro ya kululama ya vobasa. Tis. 45:13, 17; 132:9