2 Kronekele 30:1 - Tshwa Bible

¹ Hezekia i lo rumela mhaka ka vontlhe va ka Israeli ni va ka Juda, a tsalela kambe ni va ka Efraime ni va ka Manasa, a va ramba a kuta ndlwini ya Jehova le Jerusalema, va ta maha a Pasika ga Jehova Nungungulu wa va ka Israeli.

2 Kronekele 30:1 ပူးပေါင်းရင်းမြစ်များ

Hosea 11:8

Nzi nga ku tsikisa kuyini, wena Efraime? Nzi nga ku nyikelisa kuyini, wena Israeli? Nzi nga ku mahisa kuyini a ku ku fananisa na Adma, ni ku maha u fanana na Zeboime? A mbilu ya mina yi hunzulukile nzeni ka mina, a kuhawukela ka mina ku vukile.

Hosea 5:4

A va zi koti ku tlhelela ka Nungungulu wabye hi kota ya zimaho zabye; hakuva a moya wa wubhayi wu lomu nzeni kabye, Jehova a va mu tivi.

2 Kronekele 35:6

Tlhavani Pasika, mu ti basisa, mu gi longisela vanakuloni, mu maha khwatsi hi mhaka ya Jehova leyi yi nyikilweko hi Mosi.

2 Kronekele 25:7

Kanilezi ku lota a munhu wa Nungungulu a taku kakwe: Ngha yimpi ya ka Israeli yi nga fambi zinwe na wena, hakuva Jehova a nga zinwe ni va ka Israeli ni vontlhe va ka Efraime!

2 Kronekele 11:16

A va ka Levi va lo lanzelwa hi vanhu vanyingi va tontlhe tixaka ta ka Israeli, lava va nga wa ranza ku hlota Jehova Nungungulu wa ka Israeli. Va lota Jerusalema a ku ta phahlela ka Jehova Nungungulu wa vadadani vabye.

2 Kronekele 11:13

A vapristi vontlhe ni va ka Levi lava va nga wa hi lomu tikweni gontlhe ga ka Israeli, va lo rurela lomu mitini yabye va ya tshama ka yena,

Joxua 14:4

Hakuva a vanana va Josefa, Manasa na Efraime, va wa hi tinyangwa timbiri; hikwalaho a va nyikangi vaLevi a xiavelo ka lego tiko, sine a miti ya ku aka ka yona, ni matikwana ya ku ringana mitlhambi yabye ni zifuyo zabye. Gen. 48:5

2 Kronekele 29:36

Hezekia zinwe ni vanhu vontlhe va lo tsaka, hakuva Nungungulu i wa chelile a moya wo saseka ka vanhu va tiko, hakuva a xilo lexo xi mahilwe hi xitshuketi.

2 Kronekele 30:2

A hosi zinwe ni tinduna ta yona ni tlhangano wontihe, va lo tiyisa le Jerusalema lezaku a Pasika gi ta mahiwa hi hweti ya wumbiri; Ekso. 12:2; Mitse. 9:10

Jeremia 29:1

Makunu leti hi timhaka ta papilo legi Jeremia muprofeti a nga rumela hi le Jerusalema a ka lava va seleko va masingalakati va le wukhumbini, ni ka vapristi ni ka vaprofeti ni ka vontlhe vanhu, lavo Nebukadnezzare a nga va khoma Jerusalema va yiswa Babuloni,

2 Tihosi 23:22

Hakuva cima a ku mahiwangi a Pasika ya ku nghahi kusukela masikwini ya Valamuli va ka Israeli, ni masiku wontihe ya tihosi ta ka Israeli, ni masiku ya tihosi ta ka Juda.

2 Kronekele 29:24

Zonake a vapristi va lo ti tlhava, a nkhata wa tona va chela hehla ka alati, kasi ku maha a nzhiho wa zionho ni kuva muphahlo wa zionho za vanhu vontlhe va ka Israeli, hakuva a hosi yi lo leletela lezaku a muphahlo wa kuhiswa ni wa zionho wu ta nyikelelwa vontlhe va ka Israeli.