2 Kronekele 26:7 - Tshwa Bible

⁷ Nungungulu i lo mu vuna ku hlula vaFilistia ni vaArabia lava va akileko le Gur-Baali ni vaMeunime.

2 Kronekele 26:7 ပူးပေါင်းရင်းမြစ်များ

1 Kronekele 12:18

Zonake ku lota a Moya ka Amasai, a nduna ya tinhenha, aku: Hina hi vanhu va wena, Davida, hi zinwe na wena, wena nʼwana Jese! A kurula, a kurula a kuve na wena, a kurula a kuve ni lava va ku vunako, hakuva Nungungulu wa wena i ku vunile. Zonake Davida i lo va amukela a va veka xikari ka tinduna ta tiyimpi takwe.

1 Kronekele 4:41

A xikhatini xa Hezekia a hosi ya ka Juda, a vanhu lava va tsalilweko hi mavito yabye, va lota va ta hlasela matenda yabye, ni vaMenuime lava va nga wa akile lomo, va lo va lovisa vaku bhi kala lezi; zonake va lo aka matshanwini yabye, hakuva lomo ku wa hi ni wuriselo ga mitlhambi yabye.

1 Kronekele 5:20

Va lo vunetelwa kulwa navo; a vaHagrate ni vavuni vabye va lo nyikelwa mandleni yabye, hakuva a xikhati va ngalwa va wa rila ka Nungungulu, zonake yena a va ingisa, hakuva va wa tsumba ka yena.

1 Kronekele 5:22

Hakuva a vanyingi va wa delwe, hi lezi a yimpi yi wata hi ka Nungungulu; zonake vona va lo aka matshanweni yabye, kala xikhatini lexi va nga khomiwa ha xona va yiswa wukhumbini. 2 Tih. 17:6

2 Kronekele 14:10

Zonake Asa i lo hlomisa a yimpi a mu khinga, va ya tlhangana lomu mikoveni ya Zefata kusuhani ni le Marexa.

2 Kronekele 14:11

Asa i lo khongela ka Jehova Nungungulu wakwe, aku: Jehova, ahandle ka wena, cima a nga kona munwani a zi kotako ku vunetela lava va nga hiko na ntamu, loku va vukelwa hi lava va nga ni ntamu. Hi vune wena Jehova Nungungulu wa hina, hakuva hina hi tsumba ka wena; hi hlomile yimpi leyi vitweni ga wena a ku talwa ni xidlemo lexi. Wena u Jehova Nungungulu wa hina; ngha a nga hi kona munhu a hlulako wena! Vala. 7:2, 7; 1 Sam. 14:6

2 Kronekele 17:11

Ku wa hi ni manwani maFilistia ma nga wa luva ka Jehoxafate; hambu ni maArabia ma lo mu nehela mitlhambi ya 7,700 wa tihamba ni 7,700 wa timhongo.

2 Kronekele 20:1

Anzhako ka lezo a vanana va ka Moabi, ni va ka Amoni, ni vanwani va ka Meunime, va lo ta vukela Jehoxafate valwa naye.

2 Kronekele 21:16

Jehova i lo hlohlotela vaFilistia ni vaArabia lava va akileko kusuhani ni Etiopia a kuva va vukela Jehoramu.

2 Kronekele 25:8

Loku u famba navo, hambu loku u hi ni ntamu, Nungungulu i ta ku wisa lahasi mahlweni ka valala va wena, hakuva Nungungulu i na ni ntamu ku vuna ni ku wisa lahasi.

Tisimu 18:29

Loku nzi hi na wena nza zi kota ku hlula yimpi; Hi Nungungulu wa mina nzi tlula ligingisi.

Isaya 14:29

Wena tiko gontlhe ga Filistia u nga tsaki, Hikuva yi tshovekile a nhonga leyi yi nga kuba; Hakuva a mutswini wa nyoka ku ta huma xihihigani, Ni pswalo wa xona wu tava a nyoka yo tshisa yi hahako. 2 Tih. 18:8; Jer. 47:1

Mitiro 26:22

Kanilezi lezi nzi kumileko a kuvuniwa hi Nungungulu, nza ha yimile kala nyamutlha, nzi kustumunya ka vatsongwani ni ka vahombe, na nzi nga wuli nchumu ahandle ka lezi a vaprofeti na Mosi va ngaku zi ta maheka. Lu. 24:27, 44; Xip. 24:14; Joh. 5:46