2 Kronekele 26:16 - Tshwa Bible

¹⁶ Makunu laha a nga wa hi ni ntamu, a mbilu yakwe yi lo ti kukumukisa kala a huma zineneni; i lo onhela Jehova Nungungulu wakwe hi ku enghena lomu tempeleni ya Jehova a hisa libani laha alatini ga libani.

2 Kronekele 26:16 ပူးပေါင်းရင်းမြစ်များ

1 Tihosi 12:33

I lo kanziha alatini legi a gi akileko le Beteli hi siku ga 15 ga hweti ya wu 8, leyi a yi hlawulileko hi kuranza kakwe; i lo yimisela a vanana va ka Israeli a mubuzo, a kanziha alatini a ku ya hisa libani.

1 Tihosi 13:1

Makunu laha Jeroboamu a nga wa yimile laha alatini a hisa libani, ku lota a munhu wa Nungungulu hi le tikweni ga ka Juda, ata Beteli na rumiwa hi Jehova.

2 Tihosi 14:10

Wena u hlulile Edomi, makunu a mbilu ya wena ya ti kukumukisa; tsaka hi wudumo ga wena u tshama kaya ka wena! Hi kuyini u ti vuxela hlomulo, laha ka kuva u ta nga hluliwa wena zinwe na Juda ke?

2 Tihosi 15:5

Jehova i loba a hosi hi hlokonho leyi a nga babya ha yona kala kufeni kakwe, na tshama lomu ndlwini ya vababyi. Jothamu a nʼwana wa hosi i lo fumela a yindlu ya hosi, na a lamula a vanhu va tiko. Levi 13:46

2 Kronekele 12:1

Makunu laha a mufumo wa Rehoboamu wu nga wa tiyisilwe, a hi ni ntamu, yena ni vontlhe va ka Israeli va lo tsika a nayo wa Jehova.

2 Kronekele 25:19

Wena u ngalo: Languta, mina nzi hlulile va ka Edomi, hikwalaho a mbilu ya wena yi na ni matshanza, ya ti kukumukisa; tshama kaya ka wena! Hi kuyini wa ti lavelako mhango ya ku lobyiswa, wena ni vaJuda ke?

2 Kronekele 26:15

Le Jerusalema i lo maha a makina ma polilweko hi titlhari, ma vekiwa hehla ka makhokhola ni lomu magwitsini kasi ku phanda ha wona mipaxa ni maribye ya hombe. A wudumo gakwe gi lo hangalaka giya kule, hakuva i wa vunetelwa hi tindlela ti hlamalisako, kala a kuma ntamu.

2 Kronekele 27:2

I lo maha kululama mahlweni ka Jehova, a lanzela zontlhe lezi a raru wakwe Uzzia a nga zi mahile; ntsena lezaku yena a nga enghenangi lomu tempeleni ya Jehova. Kanilezi a vanhu va lo simama va onha.

2 Kronekele 32:25

Kanilezi Hezekia a nga tlheliselangi Nungungulu a wunene legi a mahelweko gona, hakuva a mbilu yakwe yi wa ti kukumukisa; hikwalaho a zanga ya Jehova yi wa hi hehla kakwe ni ka va ka Juda ni le Jerusalema.

Mavingu 16:18

A matshanza ma rangela kulova; i kutikukumukisa ku rangela kuwa.

Danieli 11:12

A xidlemo xi ta hlaselwa ku dawa mazana ya mazana; a mbilu ya hosi yi ta ti kukumukisa, kanilezi yena a nga ta hlula.

Danieli 8:8

A mhongo yi lo maha mitiro ya hombe, kanilezi laha yi nga kumile ntamu wa hombe, a limhonzo lelo la hombe li lo tshoveka. Wutshanwini ga lona ku lo mila mune wa timhonzo to leha, ti kula ti cuwukana ni mune wa matlhelo ya tilo.

Habakuka 2:4

Languta, a muhefemulo wakwe wu kukumukile, a wu lulamangi nzeni kakwe. Kanilezi loyi a lulamileko! ta hanya hi kukholwa kakwe. Rom. 1:17; Gal. 3:11; Maheb. 10:38

Mitsengo 16:1

Makunu Kora a nʼwana wa Izhare wa Kohati wa Levi, zinwe na Datani na Abiramu, a vana va Eliabe, na Oni a nʼwana wa Peleti lava hi wunharu gabye va nga vana va Rubeni;

Mitsengo 16:18

Va lo teka a zibya zabye, va chela a nzilo lomo, va vekela a tibani lomu nzeni ka zona, zonake va yima laha nyangweni ya tenda ga mutlhangano, zinwe na Mosi na Aroni.

Mitsengo 16:35

Ni nzilo wu lota hi ka Jehova, wu ta lovisa lava va 250 wa nga wa hisile tibani.

Mitsengo 16:7

Manziko mu ta oka a nzilo ka zona, mu cela ni libani hehla ka zona mahlweni ka Jehova, zonake loye Jehova a ta nga mu hlawula hi yaloye a basileko. Zi enele lezo, nwina vana va ka Levi!

Mitsengo 17:5

A munhu loye nzi ta nga mu hlawula, a nhonga yakwe yi ta hluka, zonake nzi ta mbhetisa a zisolo za va ka Israeli lezi va nga nazo ha nwina.

Deuteronome 8:14

a mbilu ya wena yi nga ti kukumukisi, u rivala Jehova Nungungulu wa wena, loyi a ku humesileko tikweni ga le Gipite, lomu ndlwini ya wukhumbi,

Deuteronome 8:17

U nga wuli mbilwini ya wena ku ngalo: A ntamu wa mina ni canja ga mina ga ntamu gi nzi fumisile.

Va le Kolosi 2:18

Mu nga vumeli munhu a ku mu wutlela a nchachazelo wa nwina, hi kutikoramisa ka hava ni ku khozela tingelosi, a ti kulisa hi kota ya ziwoniso zakwe, a ti kukumukisa hava hi kupima kakwe ka nyama,