2 Kronekele 23:8 - Tshwa Bible

⁸ Zinghaho a vaLevi ni vontlhe va ka Juda va lo maha zontlhe kota kuleletela ka mupristi Jehoiada; munwe ni munwani i lo teka a vanhu vakwe lava va enghenako hi siku ga sabado ni lava va humako hi siku ga sabado, hakuva mupristi Jehoiada a nga tlhatlhangi a mitlawa leyi yi humako.

2 Kronekele 23:8 ပူးပေါင်းရင်းမြစ်များ

2 Tihosi 11:9

A tinduna ta mazana ti lo maha zontlhe lezi mupristi Jehoiada a nga wa leletele zona kabye. Munwe ni munwani i lo teka a ntlawa wakwe, vontlhe lava va enghenako ntirweni wa siku ga sabado, ni lava va humako hi lomu ntirweni wa siku ga sabado, va lota ka mupristi Jehoiada.

1 Kronekele 25:25

A ka wu 18 hi Hanani ni vana vakwe ni vanakulobye, va wa hi 12.

1 Kronekele 26:26

Xelemote loyi ni vanakulobye va wa hi vahlayisi va titshomba tontlhe ta zilo lezi zi nyikelweko hi hosi Davida, ni tihosana ta tinyangwa, ni tinduna ta 1,000 ni ta mazana, ni tinduna ta yimpi.

1 Kronekele 9:25

A vanakulobye lava va nga wa hi lomu mitini yabye va wa fanela ku ta kabye, va tshama navo ntlhanu wa masiku ni mambiri hi xikhati xi yimisilweko;

2 Kronekele 23:7

Vontlhe va ka Levi va ta ranzela hosi na va welele matlhari yabye; ni wihi loyi a ta nga lava ku enghena lomu ndlwini, i ta dawa. Kanilezi nwina mu tava ni hosi loku yi enghena ni loku yi huma.

2 Kronekele 23:9

Mupristi Jehoiada i lo nyika ka tinduna ta mazana a tisupado, ni tingenge, ni zitlhangu lezi zi nga wa hi za hosi Davida, zi nga wa hi lomu ndlwini ya Nungungulu.