2 Kronekele 22:7 - Tshwa Bible

⁷ Makunu a kulobyiswa ka Ahazia ku wa hi kuranza ka Nungungulu, hi kota ya kuya ka Joramu, hakuva a xikhati a nga chikela i lo hloma yimpi na Joramu valwa na Jehu nʼwana Nimxi, loyi Jehova a mu totileko ku lovisa a yindlu ya Ahabi.

2 Kronekele 22:7 ပူးပေါင်းရင်းမြစ်များ

1 Tihosi 12:15

Zinghaho a hosi a yi ingisangi a timhaka ta vanhu, hakuva i kungo gi nga wa longisilwe hi Jehova, kasi ku fela ku maheka lezi a zi wulileko hi nomu wa Ahija a muXiloni ka Jeroboamu nʼwana Nebate.

1 Tihosi 12:24

Jehova i ngalo: Mu nga kanzihi mu yalwa ni vanakuloni, a vanana va ka Israeli, Tlhelani, munwe ni munwani a ti yela ndlwini yakwe, hakuva a mhaka leyi yita hi ka mina. Zinghaho va lo ingisa a gezu ga Jehova, va tlhela va famba kota kuwula kakwe.

1 Tihosi 19:16

u ta ya tota na Jehu nʼwana Nimxi a kuva hosi ya ka Israeli. U ta ya tota na Elixa nʼwana Xafate wa le Abela-Mehola, a tava muprofeti wutshanwini ga wena.

1 Tihosi 22:20

Jehova na ku ngalo: Himani a ta nga ya kupeta Ahabi, kasi a fela ku kanziha le Ramote-Gileade a ya ti tokometa kona ke? Zonake munwe i lo wula lezi munwani a wula leziya.

2 Tihosi 10:11

Zinghaho Jehu i lo daya vontlhe lava va nga wa sele va yindlu ya Ahabi le Jezreeli, ni madota yakwe wontihe, ni vamakabye vakwe vontlhe, ni vapristi vakwe vontlhe, ku nga sali ni munwe laho.

2 Tihosi 9:21

Joramu i te ngalo: Panisa kareta! Va lo panisa a kareta yakwe; Joramu a hosi ya ka Israeli yi lo huma zinwe na Ahazia a hosi ya ka Juda, loyi ni loyi a khilela a kareta yakwe; va lo huma ku tlhangaveta Jehu, va ya mu kuma le masinwini ya Nabote le Jezreeli.

2 Tihosi 9:27

Laha Ahazia a hosi ya ka Juda a nga wa zi wonile, i lo tsutsuma hi ndlela ya yindlu ya simu, kanilezi Jehu i lo hlongolisa, aku: Mu dayeni yenawu lomu kareteni! Va lo mu daya lomu kareteni yakwe a kukanziheni ka Gura legi gi nga kusuhi ni Ibieama. I lo chavela le Megiddo a ya fela kona.

2 Kronekele 10:15

Zinghaho a hosi a yi ingisangi za vanhu, hakuva zi wa hi za le ka Nungungulu, kasi ku fela ku tatiseka a gezu ga Jehova legi a gi wulileko xungetano na Jeroboamu nʼwana Nebate hi nomu wa Ahija a muXiloni.

2 Kronekele 22:6

I lo tlhela aya le Jezreeli a ku ya chumiwa a timbanga leti a nga wa gwazilwe le Rama na alwa na Hazaeli a hosi ya le Siria. Ahazia nʼwana Jehoramu hosi ya ka Juda, i lo relela aya le Jezreeli a ya wona Joramu nʼwana Ahabi, kota lezi a nga wa babya.

Tisimu 9:16

Jehova i ti tivekisile, i lamulile: Wa phasa muonhi hi mitiro ya mandla yakwe wutsumbu. (Higgaion. Sela.)

Mavingu 16:9

A mbilu ya munhu yi mu longisela a tindlela takwe, anilezi Jehova wa rangela kufamba kakwe.

Isaya 46:10

Nzi tlhatlhambutela a zilo na za hi ku sangula, Nzi vumba ni lezi zi kalako zi nga se ku maheka; Nziku: A makungu ya mina ma ta tatiseka, Nzi tira zontlhe lezi nzi zi ranzako.

Hosea 14:9

Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

Malaki 4:3

Mu ta kanzihela a vakubiha, hakuva va ta fanana ni khuma lahasi ka mikonzo ya nwina, a sikwini legi nzi ta nga tira a ntiro wa mina, ku wula Jehova wa tiyimpi.

Deuteronome 32:35

A kuphota ni kutlhelisela zi lumba mina, Zi vekelwe a siku lego a nkonzo wabye wu ta nga retemuka; Hakuva a siku ga kuxaniseka kabye gi tshinele, A zilo lezi va longiselweko zona zata hi xihatla.

Joxua 11:20

Hakuva zi wa mahiwa hi Jehova lezaku va nonohisa timbilu tabye a ku vukela Israeli, kasi Israeli a fela ku va lovisa, va nga va tsetsi, kanilezi va va lovisa khwatsi hi lezi Jehova a leleteleko Mosi.

Valamuli 14:4

Kanilezi a raru ni nyine wakwe va wa nga zi tivi lezaku a mhaka leyo yita hi ka Jehova, lezaku kasi Samsoni a kuma ndlela yo vukela ha yona maFilistia; hakuva lexo xikhati a maFilistia ma wa fumela va ka Israeli.