2 Kronekele 2:7 - Tshwa Bible

⁷ Hikwalaho nzi rumele a munhu a tlharihileko mitirweni ya nzalama ni ya siliva, ni ya suku, ni ya ziketse, ni ya za muvala wo zirila ni wa zo pswhuka, ni wa zo palala, ni lava va tivako ku vatla, kasi va fela ku tira ni vanhu va mina va lomu tikweni ga ka Juda ni Jerusalema, lava va hlawulweko hi dadani wa mina Davida.

2 Kronekele 2:7 ပူးပေါင်းရင်းမြစ်များ

1 Tihosi 10:11

A mataru ya Hiramu, lawa ma nehako a nzalama ya le Ofira, ma lo neha kambe ni tisinya to tala nguvu ta almuga, ni maribye ya tsengo, na zita hi le Ofira.

1 Tihosi 7:14

I wa hi nʼwana wa noni ya lixaka la ka Naftali, kanilezi a raru wakwe i wa hi munhu wa le Tire, a mufuli wa suku. Hiramu i wa tlharihile nguvu, i wa hi ni kupima, ni wutivi ga tontlhe tixaka ta mitiro ya suku. Yena i lota ka Solomoni a ta tira mitiro yontlhe yakwe. Ekso. 31:3

Isaya 28:26

Hakuva a Nungungulu wakwe i mu gonzisile, I mu tivisile a ndlela ya kona.

Isaya 28:29

Lezo na zonawu zi huma hi ka Jehova wa tiyimpi, Loyi a nga ni makungo ma hlamalisako, ni wutlhari ga hombe.

Isaya 60:10

A vamatiko va ta aka ligingisi la wena, Ni tihosi tabye ti ta ku tirela. Kunene nzi ku bile zangeni ya mina, Kanilezi hi kota ya tipswalo ta mina nzi ku rivalele.

Ezekieli 27:5

Va mahile a tibakwa ta wena fii misululwani ya le Senira; va tekile a sedare ya le Lebanoni va maha ha yona a mulingwati wa wena.