2 Kronekele 2:6 - Tshwa Bible

⁶ Kanilezi himani a nga ni ntamu wa ku mu akela a yindlu ke? Hakuva hambu a tilo ni tilo ga matilo a ma zi koti ku mu enela. Makunu mina nza kuva mani wo kala nzi mu akela a yindlu, loku yi nga hi ya ku hisela ka yona libani mahlweni kakwe ke? Isa. 66:1; Jer. 23:24; Miti. 7:48

2 Kronekele 2:6 ပူးပေါင်းရင်းမြစ်များ

2 Samueli 7:18

Zonake Davida i lo enghena a tshama mahlweni ka Jehova, aku: Hi minawu mani, Hosi Jehova? A yindlu ya mina yona ya kuva xini, ko kala u nzi neha laha? Gen. 32:10

1 Tihosi 7:13

Zonake Solomoni i lo vitanisa Hiramu hi le Tire.

1 Tihosi 7:14

I wa hi nʼwana wa noni ya lixaka la ka Naftali, kanilezi a raru wakwe i wa hi munhu wa le Tire, a mufuli wa suku. Hiramu i wa tlharihile nguvu, i wa hi ni kupima, ni wutivi ga tontlhe tixaka ta mitiro ya suku. Yena i lota ka Solomoni a ta tira mitiro yontlhe yakwe. Ekso. 31:3

1 Tihosi 8:27

Xana hakunene Nungungulu a nga tshama misaveni ke? Languta, a tilo ga matilo a gi zi koti ku ku kangatela wena; nguvunguvu a yindlu leyi nzi ku akeleko yona! Isa. 66:1; Jer. 23:24; Miti. 7:48

1 Kronekele 22:15

Nguvunguvu wena u na ni vatiri vanyingi: vavatli va maribye, ni vaaki, ni vavatli va mapulango, ni tontlhe tixaka ta vanhu va tlharihileko ka yontlhe mitiro.

1 Kronekele 29:14

Hakuva nzi maniwo, ni vanhu va mina zini, ko kala hi zi kota ku nyikela a zilo lezi ke? Hakuva zontlhe zita hi ka wena; lezi hi ku nyikileko hi zi kumile canjeni ga wena.

2 Kronekele 1:10

Makunu nzi nyike a wutlhari ni kupima, kasi nza fela ku tiva ku maha murangeli wa lava vanhu; hakuva hi mani a nga zi kotako ku lamula a vanhu va wena va ku tatisa lezi ke?

2 Kronekele 6:18

Kona Nungungulu hakunene a nga aka ni vanhu laha misaveni ke? Languta, a tilo, ni tilo ga matilo a ma ku ringani; ku ta kuyini ka yindlwana levi nzi yi akileko ke? Joba 11:7; Isa. 66:1; Miti. 17:24

Eksodusi 3:11

Mosi aku ka Nungungulu: Hi mina maniwo, wo kala nziya ka Faro nzi ya humesa a vanana va ka Israeli le Gipite?

Eksodusi 31:5

a ku kehla lomu ka maribye ya lisima, ni ku vatla tisinya, ni ku tira mitiro ya tixaka ti hambeneko.

Isaya 66:1

Jehova wa wula, aku: A tilo xitshamu xa mina xa wuhosi, A misava xikhegetelo xa mikonzo ya mina. I yindlu ya kuyini mu ta nga nzi akela yona, Wutshamu muni gi ta ngava wuhumulelo ga mina ke? 1 Tih. 8:27; Mat. 5:34; Miti. 7:48

Jeremia 23:24

Xana munhu a nga fihlala matshanwini ya zihundla lezaku nzi nga mu woni ke? ku wula Jehova. Xana a nzi tatisi a tilo ni misava ke? ku wula Jehova.

2 Va le Korinte 2:16

A ka vanwani hi masema ya kufa lawa ma vangako kufa, ni ka vanwani hi masema ya wutomi ma vangako wutomi. Himani a ringeneko lezi zilo ke?

Va le Efesusi 3:8

Mina loyi nzi nga tsongwanyanyani xikari ka vobasa vontlhe, nzi lo nyikiwa a tipswalo leti ta ku kanela ka vamatiko a ivangeli ya titshomba ta Kristu leti ti nga kambiwiko; 1 Kor. 15:9; Kol. 1:27

Deuteronome 12:11

a ka wutshamu lego Jehova Nungungulu wa nwina a ta nga hlawula ku aka kona a vito gakwe, hi laho mu ta nga yisa kona zontlhe lezi nzi mu leletelako zona, a miphahlo ya nwina ya kuhiswa, ni miphahlelo ya nwina, ni za wukhume za nwina, ni minyikelo ya nwina ya ku nziwitela, ni minyikelo ya nwina ya lezi zo saseka leyi mu ta nga nyikela ka Jehova a ku tatisa zifungo za nwina ka Jehova.

Deuteronome 12:14

Kanilezi u ta nyikela a munyikelo wa wena wa kuhiswa ka wutshamu legi Jehova a ta nga gi hlawula lomu ka yinwe ya tinyangwa ta nwina, hi kwalaho u ta nga nyikela a minyikelo ya wena ya kuhiswa; u maha kona zontlhe lezi nzi ku leleteleko zona.

Deuteronome 12:26

Kasi loku zi hi zilo za wena za kubasa ni lezi u zi tsumbisileko, u ta zi teka uya nazo ka wutshamu legi Jehova a ta nga gi hlawula.