2 Kronekele 2:4 - Tshwa Bible

⁴ Languta, mina nzi lava ku aka a yindlu yi lumbako a vito ga Jehova Nungungulu wa mina nzi yi nyikela kakwe, nzi hisela lomo libani mahlweni kakwe, ni ku veka zibaba wontihe masiku mahlweni kakwe za zikombiso, ni ku mu phahlela hi munyikelo wa kuhiswa wa mixo ni gambo, ni wa masabado, ni wa kuhumeni ka hweti, ni wa mibuzo ya Jehova Nungungulu wa hina. Leyo hi yona a fanelo ya va ka Israeli kala kupinzuka. Levi 24:5; Mitse. 28:3

2 Kronekele 2:4 ပူးပေါင်းရင်းမြစ်များ

1 Tihosi 5:5

Makunu languta, mina nzi lava ku akela a vito ga Jehova Nungungulu wa mina a yindlu, khwatsi hi lezi Jehova a wulileko ka dadani wa mina Davida, aku: A nʼwana wa wena loyi nzi ta nga mu yimisa xitshanwini xa wena xa wukosi, hi yena a ta nga akela a vito ga mina a yindlu.

1 Tihosi 8:18

Kanilezi Jehova i te ngalo ka dadani wa mina Davida: Kota lezi u xuvako ku akela vito ga mina a yindlu, u mahile khwatsi hi kuxuva loko.

1 Tihosi 8:63

Solomoni i lo nyikela a miphahlelo ya kurula; a minyikelo leyi a nga phahlela ka Jehova ku wa hi 22,000 wa tihomu, ni 120,000 wa tiyivu; lezo hi lezi a hosi ni vanana va ka Israeli va nga nyikelisisa ha zona a yindlu ya Jehova.

1 Kronekele 22:5

Hakuva Davida i waku: A nʼwana wa mina Solomoni wa ha hi muswa, a nga na ntamu; kanilezi a yindlu leyi yi ta nga aketwa Jehova yi fanele ku saseka nguvu, yi dzunzeka ni ku dumiswa lomu matikweni wontihe. Hikwalaho nzi ta yi longisela. Zinghaho Davida i lo longisela a zilo zinyingi na a nga se kufa.

2 Kronekele 13:11

Wontihe masiku, mixo ni gambo, va maha ka Jehova a munyikelo wa kuhiswa ni tibani to nuhela, va veka ni zibaba za xikombiso laha mezeni yi basileko, va lumeka tikandiya lomu timezeni ta tona ta nzalama wontihe masiku laha gambyeni, hakuva hina hi hlayisa a nayo wa Jehova Nungungulu wa hina; kanilezi nwina mu mu fularele.

2 Kronekele 2:1

Solomoni i lo xuva lezaku ku akiwa a yindlu yi lumbako a vito ga Jehova, ni yindlu yakwe ya wuhosi.

Nehemia 10:33

a kuva za zibaba za xikombiso, ni munyikelo wa siku ni siku wa mapa, ni wa kuhiswa wa siku ni siku, ni wa masabado, ni wa kuwoneka ka hweti ni hweti, ni mibuzo, ni zilo zi basileko, ni minyikelo ya kuonha kasi ku maha a nzhiho wa va ka Israeli, ni wontihe a ntiro wa yindlu ya Nungungulu wa hina. Ekso. 25:30; Levi 24:6

Tisimu 86:8

Xikari ka vanungungulu a nga kona a fananako na wena, Hosi, A yi kona mitiro yi fananako ni ya wena. Ekso. 15:11; Deut. 3:24

Tisimu 96:4

Hakuva Jehova ngwa hombe, i fanelwe hi ku dumiswa, Wa chaveka ku hunza vanungungulu vontlhe. Deut. 10:17

Eksodusi 25:30

Laha mezeni u ta veka a zibaba za zikombiso, ziva kona wontihe masiku. A meza ya tikandiya.

Eksodusi 30:7

Aroni i ta hisela laho a libani ni mixo; masiku wontihe loku a longisa a tikandiya i ta hisa libani.

Mavingu 7:20

I fambile ni nkwama wa mali, ta wuya kaya loku a hweti yi tala.