2 Kronekele 18:7 - Tshwa Bible

⁷ A hosi ya ka Israeli yi hlamula, yiku ka Jehoxafate: KU sele munhu munwe loyi hi faneleko ku wutisa ha yena ka Jehova, kanilezi mina nza mu venga, hakuva cima a nga nzi profeteli zo saseka; kanilezi i nzi profetela zo biha wontihe masiku. A muprofeti wa kona hi Mikaia nʼwana Imla. Jehoxafate i te ngalo: Hosi ngha yi nga wuli lezo.

2 Kronekele 18:7 ပူးပေါင်းရင်းမြစ်များ

1 Tihosi 18:17

Laha Ahabi a nga wonile Elija, i te ngalo kakwe: Xana a hi wena muxanisi wa va ka Israeli ke?

1 Tihosi 18:4

hakuva xikhatini lexo Jezebeli a nga hlasela a vaprofeti va Jehova, Obadia i wa tekile a zana ga vaprofeti, a va avanyisa hi mitlawa mimbiri ya 50 a munwe, a va fihla lomu muhumeni, a va phamela ni ku va nwisa.

1 Tihosi 19:10

I lo hlamula, aku: Mina nzi pangamele Jehova Nungungulu wa tiyimpi, hakuva a vanana va ka Israeli va tsikile a xivumelwano xa wena, va khungumule a maalati ya wena, va dele a vaprofeti va wena hi supado, hi mina nzoce nzi seleko, na vona va lava ku nzi daya! Rom. 11:2

1 Tihosi 21:20

Ahabi i te ngalo ka Elija: Xana u nzi kumile wena nala wa mina ke? Elija aku: Hi zona, nzi ku kumile, hakuva wena u ti xavisile hi ku maha lezi zi bihileko mahlweni ka Jehova!

1 Tihosi 22:8

A hosi ya ka Israeli yi te ngalo ka Jehoxafate: I kona munwe loyi hina hi faneleko ku wutisa ha yena ka Jehova, a nga Mikaia a nʼwana Imla; kanilezi nza mu venga, hakuva a ziprofeto zakwe a zi wulawuli kusasa ha mina, ntsena kubiha. Jehoxafate i te ngalo: Ngha a hosi yi nga wuli lezo.

2 Tihosi 9:22

Laha Joramu a nga wona Jehu, i te ngalo kakwe: Jehu, u fambisa kurula ke? Yena a hlamula, aku: Ku ngava kona kurula, loku ka ha simamisa ku hi ni manyala ya wubhayi ga nyine wa wena Jezebeli, ni wuloyi gakwe giva ginyingi kota lezi ke?

2 Kronekele 18:13

Mikaia i lo hlamula, aku: Nzi hlambanya ha Jehova a hanyako; lezi yena a ta nga wula ka mina, hi zalezo nzi ta nga wula zona!

2 Kronekele 18:6

Kanilezi Jehoxafate i te ngalo: Kasi a ku na muprofeti wa Jehova hi nga zi kotako ku wutisa ka yena ke?

2 Kronekele 18:8

Zonake a hosi ya ka Israeli yi lo vitana a nanza yiku ka gona: Hatlisa u ya vitana Mikaia nʼwana Imla.

Tisimu 34:21

A khombo gi ta daya a wakubiha, Ni lava va vengako a valulamileko va ta koneka.

Tisimu 55:3

Hi kota ya gezu ga nala, Ni kulumela ka lava vobiha; Hakuva va nzi vangela hlomulo, Va nzi vukela hi zanga.

Tisimu 69:14

Nzi humese maropeni, u nga nzi tsiki nzi rikha; A nzi tlhatlhiswe ka lava va nzi vengako, Ni le matini ya kueta.

Mavingu 25:12

A mululeki a layako hi wutlhari a ndleve yi ingisako fanana ni phera ya nzalama, ni xingwavila xa nzalama yi hlutilweko.

Mavingu 29:10

Lava va nga ni tora ga nkhata, va venga loyi a mbheleleko, anilezi lava va lulamileko va yimela kuhanya kakwe.

Mavingu 9:8

U nga luleki mutseketseli ha kuva a nga ku venga: awuka a tlhari, yi ta ku ranza.

Isaya 30:10

Lava va nge ngalo ka vavumbi: Mu nga vumbi; ni ka vaprofeti, vaku: Mu nga hi profeteli zinene, hi byeleni a timhaka leti ti tsakisako, profeteni zahava;

Jeremia 18:18

Zonake vaku: Ngonani hi maba xikungo xo vukela Jeremia; hakuva a vapristi va nga ta tsanzeka ku hi nyika xiluleko, kutani tlhari ku hi nyika wusungukati, hi nyikwa magezu hi vaprofeti. Tanani, hi ya mu hika hi tirimi ta hina, hi nga khataleli timhaka takwe. Ezek. 7:26; Mal. 2:7

Jeremia 38:4

Zonake a vahombe va lo byela hosi, vaku: A munhu loyi a dayiwe, hakuva wa rera a mawoko ya tinhenha leti ti seleko mutini lowu, ni mawoko ya tiko gontlhe, hi ku va byela a timhaka ta kunghahi; a munhu loyi a nga xuveli a tiko wunene, kanilezi wa gi xuvela makhombo. Am. 7:10

Amosi 5:10

Va venga loyi a va kawukako le hubyeni, va swireka hi loyi a wulawulako kululama.

Mika 2:7

Wena yindlu ya Jakobe, xana a Moya wa Jehova wu hatla ku zangara ke? A matirela yakwe hi walawo ke? A timhaka ta mina a ti na wunene ka loyi a fambako hi kululama ke?

Marku 6:27

Zalezo yi lo rumela ginwe ga masochwa yakwe, yi gi laya ku neha hloko ya Johani; gi lo famba gi ya mu tsema hloko lomo paxweni,

Luka 6:22

Mu katekile nwina loku vanhu va mu venga, va mu hlongola, va mu rukatela, va nyenya a vito ga nwina aku khwatsi gi bihile, hi kota ya Nʼwana wa munhu. Mat. 5:11; Joh. 16:2; 1 Ped. 2:19

Johani 15:24

Loku nzi wa nga tirangi xikari ka vona a mitiro leyi yi nga tiriwangiko hi munwani, ngha va nga hi na nanzu; makunu va yi wonile, va venga mina ni Dadani.

Johani 7:7

A tiko a gi zi koti ku mu venga; kanilezi mina ga nzi venga, hakuva nza kustumunya ha gona, lezaku a mitiro ya gona yi bihile. Xip. 3:19; 15:19

Va le Galatia 4:16

Xana nzi nala wa nwina, hilezi nzi mu byelako a zinene ke?