2 Kronekele 16:9 - Tshwa Bible

⁹ Hakuva a mahlo ya Jehova ma languta misaveni yontlhe a ku tiyisa lava va nga vakwe hi timbilu tabye tontlhe. U mahile wupumbu mhakeni leyi, hakuva kusukela lezi u tava ni tiyimpi. Jer. 16:17; 32:19; Zak. 4:10

2 Kronekele 16:9 ပူးပေါင်းရင်းမြစ်များ

Genesisi 31:28

A ku nzi nyikangi ni xikhati xa kuva nzi pswopswa a vana va mina va xinuna ni va xisati; u lo zi maha hi wupumbu.

2 Samueli 24:10

Laha Davida a nga hlayile vanhu i lo biwa hi livalo lakwe. Zonake aku ka Jehova: Nzi onhile nguvu hi lezi nzi mahileko lezi zilo! Makunu Jehova, susa kuonha ka nanza ga wena, hakuva hakunene nzi mahile wupumbu.

1 Tihosi 15:32

Ni kulwa ku lo simamisa xikari ka Asa na Baaxa a hosi ya ka Israeli masiku wontihe ya kuhanya kabye.

2 Tihosi 20:3

Jehova, alakanya lezaku mina nzi fambile khwatsi mahlweni ka wena hi kululama, ni mbilu yi longamileko, nzi maha kusasa mahlweni ka wena. Hezekia i lo rila a tsikwila.

1 Kronekele 21:8

Davida i te ngalo ka Nungungulu: Nzi onhile nguvu hi ku maha lezi! Makunu susa a xionho xa nanza ga wena, hakuva nzi mahile hi wupumbu ga hombe.

2 Kronekele 15:17

Kanilezi a matshamu ma tlakukileko a ma susiwangi lomu tikweni ga ka Israeli, hambu lezi a mbilu ya Asa yi wa longamile ka wontihe masiku yakwe.

2 Kronekele 15:19

Cima a ku na ngava ni yimpi a ka malembe lawa ya 35 ya kufuma ka Asa.

2 Kronekele 16:10

Zonake Asa i lo zangarela a muwoni a mu hoxa paxweni. I wa mu zangarele nguvu hi kota ya mhaka leyo. I lo xanisa a vanwani vo kari ka xwalexo xikhati.

2 Kronekele 19:9

I lo va leletela, aku: Mu ta maha lezi hi ku chava Jehova, mu tsumbeka, ni timbilu ti basileko.

2 Kronekele 6:20

lezaku a mahlo ya wena ma vululeka, ma wona wusiku ni mumu, ma cuwuka a yindlu leyi ni wutshamu legi u nga wula uku u ta veka a vito ga wena ka gona; ni lezaku u ingisa a mikhongelo leyi a nanza ga wena gi ta nga kombela ka legi wutshamu. Ekso. 20:24

Ezra 5:5

Kanilezi a tihlo ga Nungungulu wabye gi wa hi hehla ka masingalakati ya va ka Juda; va lo tsika ku va beletela kala a mhaka leyo yi yiswa ka Dariusi, na va ha rinzela a papilo ga hlamulo wa mhaka leyo.

Joba 28:24

Hakuva wa wona magumelweni ka misava, A wona kontlhe lahasi ka tilo.

Joba 31:4

Yena a nga ti woni tindlela ta mina ke? A nga hlayi a zikanzihelo za mina zontlhe ke? 2 Kro. 16:9; Jer. 32:19

Joba 34:21

Hakuva a mahlo yakwe ma languta a tindlela ta vanhu, A wona wontihe mafambela yabye.

Tisimu 113:6

Loyi a koramako a hlomela, A wona tilo ni misava.

Tisimu 33:14

Hi ka wutshamu legi a akileko ka gona Wa langutela vontlhe a vaaki va misava.

Tisimu 33:15

Hi yena a nga wumba a timbilu tabye vontlhe, Loyi a hlolako mitiro yabye yontlhe.

Tisimu 33:18

A mahlo ya Jehova ma tsonometa lava va mu chavako, Ni lava va tsumbako a wuxinji gakwe,

Tisimu 34:15

A mahlo ya Jehova ma tsonometa a valulamileko; Ni tindleve takwe ti kangatele huwa yabye. 2 Kro. 16:9

Tisimu 37:37

Cuwukisisa a munhu a mbheleleko, u languta loyi a lulamileko, Hakuva a munhu wa kurula i na ni vazukulu.

Mavingu 15:3

A mahlo ya Jehova ma wona matshamu wontihe; a cuwuka laʼvo biha ni va kululama.

Mavingu 5:21

Hakuva a tindlela ta munhu ti le kuwoneni ka Jehova, i yena a tivako mafambela yakwe wontihe. Jer. 18:17; Maheb. 4:13

Isaya 31:1

Khombo ka vona lava va relelako Gipite ku ya vuniwa, Lava va tsumbako mahaxi, Va tsumba tikareta hakuva tinyingi, Va tsumba vakhileli va mahaxi hakuva va nga ni ntamu, Kanilezi a va tsumbi Loyi a Basileko wa ka Israeli, Ge, hambu ku lava Jehova.

Jeremia 16:17

Hakuva a mahlo ya mina ma te tshonono tindleleni tabye tontlhe; a va fihlalangi mahlweni ka mina, ni zionho zabye a zi fihleki kuwoneni ka mina. Joba 34:21; Maheb. 4:13

Jeremia 32:19

U wa hombe makungwini, u ni ntamu kumaheni; a mahlo ya wena ma wona a mahanyela wontihe ya vana va vanhu, kasi ku nyika ka munwe ni munwani kukotisa a hanyela gakwe, ni kukotisa a mbhanzu wa mitiro yakwe.

Jeremia 5:1

Tsenzelekani maruweni ya Jerusalema, Mu hlotisisa, mu wona lomu maphangweni; Loku mu zi kota ku kuma munhu, Hambu ni munwe loyi a mahako kululama, ni ku tsumbeka, Mina nzi ta tsetselela a muti wontihe.

Jeremia 5:21

Ingisani makunu, nwina vanhu va hungukileko, mu nga hiko ha kupima; mu nga ni mahlo ma nga woniko, na mu hi ni tindleve ti nga zwiko.

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Zakaria 4:10

Himani a kanyisako a siku ga zilo zitsongwani? hakuva a mahlo lawa ya ntlhanu ni mambiri, ma nga ya Jehova, lawa ma cuwukako a misava yontlhe, ma ta tsaka loku ma wona a lipimo canjeni ga Zerubabeli.

Mateu 5:22

Kanilezi mina nziku ka nwina: Kani hi mani a zangarelako makabye wakwe i yimelwe hi ku lamulwa hi hubye; kani hi wihi a ta nga wula ka makabye wakwe, aku: Xipumbu, i yimelwe hi ku lamulwa hi hlengeletano; kani hi wihi a wulako aku: Wena u phuphulu, i yimelwe hi ku hoxiwa Gehena ga nzilo. Jak. 2:20; 1 Joh. 3:15

Luka 12:20

Kanilezi Nungungulu aku ngalo kakwe: Phuphulu nzi wena, a wusiku legi a muhefemulo wa wena wu ta vitaniwa wu suka ka wena, zonake a zilo lezi u zi veketeleko zi ta lumba mani ke? Joba 20:22; Tis. 52:7; Jak. 4:14

1 Va le Korinte 15:36

Xipumbu nzi wena, a mbewu leyi u yi byalako, a yi mili loku yi nga rangi yifa. Joh. 12:24

Va le Galatia 3:1

Maphuphulu nzi nwina vaGalatia, mu kanganyisilwe hi mani, nwina lava Jesu Kristu a nga kombiswa ka nwina kubaseni kota loyi a belelweko? 1 Kor. 1:23; Xip. 5:7

Maheberu 4:13

Hakuva a xi kona ximahwa xi fihlilweko mahlweni ka yena; kanilezi zontlhe zi vululwe ziku dlunya mahlweni ya yena loyi hi ta nga ti hlamulela mahlweni kakwe.

1 Pedro 3:12

A mahlo ya Hosi ma cuwuka a valulamileko, Ni tindleve ta yona ti kangatele mikombelo yabye; Kanilezi a nghohe ya Hosi yi tsuvile ka vona lava va mahako kubiha. Joh. 9:31

1 Samueli 13:13

Samueli aku ka Saule: U mahile wupumbu; a ku hlayisangi zileletelo za Jehova Nungungulu wa wena, lezi a nga ku leletele zona. Hakuva Jehova ngha a wa yimisile mufumo wa wena hehla ka va ka Israeli kala kupinzuka.