2 Kronekele 15:3 - Tshwa Bible

³ Xikhati xo leha a va ka Israeli na va nga hi na Nungungulu wa zinene, ni mupristi wa ku va gonzisa, ni kambe va wa hi handle ka nayo.

2 Kronekele 15:3 ပူးပေါင်းရင်းမြစ်များ

2 Kronekele 17:7

Hi lembe ga wunharu ga kufuma kakwe, i lo ruma a tinduna takwe, Ben-Haile na Obadia na Zakaria na Nataneli na Makaia a ku ya gonzisa lomu mitini ya va ka Juda.

Nehemia 8:9

Nehemia, loyi a nga wa hi hosi ya kona, ni matsalani wa kona mupristi Ezra, ni vaLevi lava va nga wa hi vagonzisi va vanhu, va te ngalo ka vanhu vontlhe: A siku legi i siku gi basileko ka Jehova Nungungulu wa nwina. Mu nga mahi hlomulo, hambu ku rila. Hakuva a vanhu vontlhe va wa rila, laha va ngazwa a timhaka ta milayo. Levi 23:24

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Mikosi 2:9

A tinyangwa takwe ti wile lahasi, a tshoveletela zikwinyaro za kona; A hosi ni tihosana ta kona ti lomu matikweni, a ka ha hi na nayo; A vaprofeti vakwe a va ha kumi miwoniso hi ka Jehova.

Hosea 3:4

Hakuva a vanana va ka Israeli va ta tshama masiku manyingi na va nga hi na hosi, va nga hi na hosana, va nga hi na miphahlelo, va nga hi na mhinga, va nga hi na efodi kutani terafime.

Levi 10:11

ni lezaku kasi ma zi kota ku gonzisa a vanana va ka Israeli a milayo yontlhe ya Jehova, leyi a leleteleko hi nomu wa Mosi.

Levi 10:8

Jehova i lo engeta a byela Aroni, aku:

Amosi 8:11

Hosi Jehova i ngalo: Ma hata masiku lawa nzi ta nga rumela a ndlala misaveni, na ku nga hi ndlala ya zakuga, kutani a tora go lava mati, kanilezi a ndlala yo lava timhaka ta Jehova.

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Malaki 2:7

Hakuva a milomu ya mupristi yi fanele ku hlayisa a wutivi, a nayo wu ta labyiwa nonwini wakwe, hakuva hi yena ntsumi wa Jehova wa tiyimpi: Hag. 1:13; 1 Kor. 5:20

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

Va le Roma 2:12

Hakuva vontlhe lava va onhileko na va nga hi na nayo, va tafa na va nga ni na nayo; ni vontlhe lava va onhileko na va hi lahasi ka nayo, va ta lamulwa hi nayo.

1 Va le Korinte 9:21

Ka vona lava va nga hiko na nayo, nzi wo khwatsi a nzi na nayo (na nzi nga hi loyi a nga hava nayo wa Nungungulu, kanilezi na nzi hi nayweni wa Kristu), kasi nza fela ku kuma lava va nga hiko na nayo. Rom. 2:12; Xip. 7:22; Gal. 3:2

Deuteronome 33:10

Vona va gonzisa Jakobe a zileletelo za wena, Ni nayo wa wena ka Israeli. Vona va vekela a libani lomu tinhovini ta wena, Ni minyikelo yo hiswa alatini ga wena.

1 Va le Tesalonika 1:9

Hakuva a vanhu va hi hlawutela hi maenghenela ya hina xikari ka nwina, ni kutsika ka nwina a zifananiso mu hunzulukela ka Nungungulu, kasi ku khozela loyi a hanyako ni wa zinene,

1 Timote 3:2

A murisi i yimelwe hi kuva a nga soleki, a hi nuna wa sati munwe, a wotikhoma, a tlharihileko, a hi njinga, loyi a rurelako vapfhumba, loyi a zi tivako ku gonzisa;

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3