2 Kronekele 14:3 - Tshwa Bible

³ Hakuva i lo susa a maalati ya vamatiko, ni matshamu ma tlakukileko, a khungumulela a zifananiso, a tshoveletela a zifananiso za Axtarte.

2 Kronekele 14:3 ပူးပေါင်းရင်းမြစ်များ

Genesisi 18:19

Hakuva nzi mu hlawulile lezaku i ta laya a vanana vakwe, ni ngango wakwe a nzhako kakwe, kasi va hlayisa a ndlela ya Jehova, va maha kululama ni zinene; kala Jehova a mu nyika lezi a mu tsumbisileko zona.

2 Tihosi 18:4

I lo susa a matshamu ma tlakukileko, a fayetela a zifananiso, a khungumulela a zifananiso za Axtarte, a fayetela ni nyoka ya suku leyi yi nga wa mahilwe hi Mosi; hakuva kala masikwini lawo a vanana va ka Israeli va wa hisa tibani mahlweni ka yona; yena i lo yi chula vito ga Nehuxtani. Ekso. 34:13; Mitse. 21:9; Deut. 7:5

2 Tihosi 23:14

I lo fayetela a zifananiso, a tsemelela ni zifananiso za Axtarte, a tata wutshamu ga zona hi marambu ya vanhu. Ekso. 34:13; Deut. 7:5

2 Tihosi 23:6

I lo humesa a xifananiso xa Axtarte lomu ndlwini ya Jehova, a zi yisa handle ka Jerusalema, le koveni wa Kidroni a ya zi hisa, a halata a khuma ga zona lomu xilahleni xa vanhu va tiko,

2 Kronekele 14:2

Asa i lo maha kusaseka ni kululama mahlweni ka Jehova Nungungulu wakwe.

2 Kronekele 14:4

Zonake i lo laya va ka Juda a ku hlota Jehova Nungungulu wa vararu vabye, ni ku hlayisa milayo ni zileletelo zakwe.

2 Kronekele 15:17

Kanilezi a matshamu ma tlakukileko a ma susiwangi lomu tikweni ga ka Israeli, hambu lezi a mbilu ya Asa yi wa longamile ka wontihe masiku yakwe.

2 Kronekele 33:16

I lo akisa a alati ga Jehova, a nyikela hehla ka gona a miphahlelo ya kurula ni ya kubonga, a leletela va ka Juda a ku khozela Jehova Nungungulu wa ka Israeli.

2 Kronekele 34:4

Va lo khungumula maalati ya Baali mahlweni yakwe, va fayetela ni mifananiso ya gambo leyi yi nga wa hi hehla ka wona, a fayetela ni zifananiso za Axtarte, ni zifananiso zi vatlilweko ni lezi zi wumbilweko, a zi maha tsutsungwani a wu xwanyela lomu zilahleni za lava va nga wa zi khozela.

Eksodusi 34:13

Kanilezi mu ta khungumula maalati yabye, mu fayetela zifananiso zabye, mu tsema ni zifananiso za Axtarte.

Levi 26:30

Nzi ta hahlula matshamu ya nwina ma tlakukileko, nzi wisa a timhinga ta nwina ta gambo, nzi hoxa zirumbi za nwina hehla ka zirumbi za zifananiso za vanungungulu va nwina; ni muhefemulo wa mina wu ta swireka ha nwina.

Deuteronome 7:25

Zifananiso lezi zi vatlilweko za vanungungulu vabye mu ta hisa nzilweni; mu nga mbilukeli a siliva ni nzalama lezi zi nga ka zona, ni kambe u nga zi teki, zi nga maha ziyo ka wena, hakuva zona zinyenyeko mahlweni ka Jehova Nungungulu wa wena.

Deuteronome 7:5

Hikwalaho mu ta va mahisa lezi: Mu ta khungumula maganzelo yabye, mu fayetela timhinga tabye, ni ku tsemelela zifananiso zabye za Axera, mu hisa zifananiso zabye zi vatlilweko,