2 Kronekele 13:9 - Tshwa Bible

⁹ Xana a mu hlongolangi a vapristi va Jehova, a vana va Aroni zinwe ni va ka Levi ke? Mu ti yimisele vanwani vapristi kota lezi va mahako vamatiko manwani, muku, loku munhu ata ku ta phahlela hi homu zinwe ni 7 wa tihamba, a yimiswa kuva mupristi wa lexi xi nga hiko nungungulu. Ekso. 28:41; 32:29; 1 Tih. 12:31

2 Kronekele 13:9 ပူးပေါင်းရင်းမြစ်များ

1 Tihosi 13:33

Anzhako ka lezo Jeroboamu a nga hunzulukangi ndleleni yakwe ya kubiha. I lo engeta kambe a veka vapristi va lomu ka zitsunga, va humelako matikweni wontihe: i lo hlawula loye a mu lavako yena, a mu yimisa a kuva mupristi wutshanwini gi tlakukileko. Ekso. 28:41

2 Tihosi 19:18

ti hisile vanungungulu va wona hi nzilo, hakuva va wa nga hi vanungungulu, kanilezi va wa hi va mitiro ya mandla ya vanhu, va tisinya ni va maribye; hikwalaho va va lovisile.

1 Kronekele 29:5

A nzalama yi tava ya lezi zi ta ngava za nzalama, ni siliva yi tava ya lezi zi ta ngava za siliva, ni za mitiro yontlhe ya mandla ya vatiri. Himani inyamutlha a ranzako ku nyikela ka Jehova a munyikelo wakwe ke? Ekso. 35:4

2 Kronekele 13:10

Kasike hina, Jehova hi yena a nga Nungungulu wa hina; a hi mu tsikangi; ni vapristi lava va tirako ku khozela Jehova hi vona a vana va Aroni ni va ka Levi, va tirako mitiro yabye.

2 Kronekele 29:31

Zonake Hezekia i lo wulawula, aku: Kota lezi mu ti nyikeleko ka Jehova, makunu tshinelani mu neha a miphahlelo ni minyikelo ya kubonga lomu ndlwini ya Jehova! Wontihe tlhangano wu lo neha a miphahlelo ni minyikelo ya kubonga; a vanyingi lava va nga wa zi ranza va lo nyikela muphahlo wa kuhiswa.

Eksodusi 29:1

Loku u va wumbela akuva vapristi mahlweni ka mina, u ta maha kota lezi: Teka a rolana ni tihambana timbiri leti ti nga hiko na bawa,

Eksodusi 29:29

A tinguwo ta Aroni leti ti basileko, ti tava ta vana vakwe anzhako ka yena, kasi va ta ambala a siku lego va ta nga wumbelwa ni ku totiwa.

Eksodusi 29:35

U ta maha ka Aroni ni ka vana vakwe zontlhe lezi nzi ku leleteleko zona. A kuwumbelwa kabye ku ta heta ntlhanu wa masiku ni mambiri.

Eksodusi 32:29

Zonake Mosi aku: Ti nyikelisiseni ka Jehova zalezi, hakuva munwe ni munwani i vukele nʼwana wakwe kutani makabye wakwe, a ka lezo mu ta kuma kukatekiswa inyamutlha.

Jeremia 2:11

Xana ku ngava kona a tiko gi hunzulusileko a vanungungulu va gona, Hambu lezi va uga hiko vanungungulu ke? Kanilezi a vanhu va mina va tsikile a wudumo gabye, Va khozela a nungungulu a nga vuniko nchumu.

Jeremia 5:7

Xana nzi nga ku tsetselelisa kuyini? A vanana va wena va nzi tsikile, va hlambanya hi lava va nga hiko vanungungulu. Hambu loku nzi va xurisile hi gi eneleko, vona va mahile wubhayi, va lo tsombana lomu ndlwini ya wuoswi na va tele nguvu.

Hosea 8:6

Hakuva gona gita hi ka Israeli; mufuli a gi mahileko, gona a hi Nungungulu. Ina, a role ga Samaria gi ta tshobyiwe fufanyi.

Levi 16:32

A muphahlelo wu ta mahiwa hi mupristi loyi a totilweko kasi ku teka xikhundla xa raru wakwe; na yena i ta ambala a tinguwo to basa ta wukene.

Levi 8:2

Teka Aroni ni vana vakwe, ni tinguwo, ni mafura yo tola, ni nkuzi ya muphahlo wa kuonha, ni tihamba timbiri, ni xirunzu xa zibaba zi nga hiko na comelo.

Mitiro 19:26

Nwina ma zi wona ni ku zizwa, lezaku a hi laha Efesusi koce, kanilezi kusuhani ka Asia gontlhe, Paule loyi i vumelisile vanhu vanyingi a va hambukisa, aku: A vanungungulu lava va mahilweko hi mandla a hi vanungungulu. 1 Kro. 16:26; Isa. 44:10-20; Jer. 10:3

Va le Galatia 4:8

Kanilezi hi xikhati lexo mu nga kala mu nga tivi Nungungulu, mu wa hi wukhumbini ka vona lava va nga hiko vanungungulu. Rom. 1:25; Efe. 2:12; 1 Tes. 1:9

Deuteronome 32:17

Va khozelile madimoni lawa ma nga hiko Nungungulu, Ni vanungungulu lava va nga va tiviko, Vanungungulu vaswa, lava va chikelako lokuloku, Lava vararu va nwina va nga va chavangiko. Tis. 106:36; 1 Kor. 10:20