2 Kronekele 13:8 - Tshwa Bible

⁸ Makunu nwina mu alakanya ku kuma ntamu mahlweni ka mufumo wa Jehova, lowu wu nga canjeni ga vana va Davida; nwina mu tele nguvu, kanilezi mu na ni marole ya nzalama lawa Jeroboamu a mu mahela a kuva vanungungulu va nwina.

2 Kronekele 13:8 ပူးပေါင်းရင်းမြစ်များ

1 Tihosi 12:28

Hikwalaho a hosi yi lo tsema xikungo, yi nyekisa nzalama yi maha marole mambiri, yiku ka vanhu va vakwe: Kale na mu khiringela a pfhuka woya Jerusalema, wena Israeli; a vanungungulu lava va mu humesileko tikweni ga Gipite hi lava! Ekso. 32:4, 8

1 Tihosi 12:29

I lo yimisa ginwe le Beteli, a ginwani a gi yimisa le Dani.

1 Tihosi 14:9

Wena u mahile kubiha ku hunza vontlhe lava va ku rangeleko; u ti mahele vanungungulu vanwani va zifananiso zi nyekisilweko u nzi zangarisa, u nzi fularela.

2 Kronekele 11:15

I lo ti yimisela a vapristi va matshamu ma tlakukileko, ni va madimoni, ni va marole lawa yena a ma mahileko. Levi 17:7

2 Kronekele 20:12

Nungungulu wa hina, u nga ta va lamula ke? Hakuva hina a hi na ntamu wa kulwa ni xidlemo xa hombe nguvu xi tako ku ta hi vukela; a hi zi tivi lezi hi to maha, kanilezi a mahlo ya hina ma cuwukele ka wena.

2 Kronekele 20:6

aku: Jehova Nungungulu wa vadadani va hina, a hi wena Nungungulu wa le tilweni ni mufumeli wa matiko wontihe ke? Canjeni ga wena ku na ni ntamu ni wunhenha; a nga kona munhu a zi kotako kulwa na wena.

2 Kronekele 9:8

A khesiwe Jehova Nungungulu wa wena, loyi a xaleleko ha wena a ku ku yimisa xitshanwini xa wena xa wuhosi a kuva hosi, u tirela Jehova Nungungulu wa wena! Hakuva Nungungulu i ranzile va ka Israeli a ku va hlayisa kala kupinzuka; hikwalaho i yimisile wena a kuva hosi hehla kabye, kasi wa fela ku lulamisa timhaka ni ku va lamula.

Tisimu 33:16

A hosi a yi hluli hi wunyingi ga mabutho; A nhenha a yi poni hi ntamu wa yona wa hombe. 2 Kro. 14:11

Luka 19:14

Kanilezi a vanhu va tiko gakwe va wa mu venga, va ruma a mitsumi hi lenzhako kakwe, vaku: A hi ranzi ku fumiwa hi munhu loyi. Joh. 1:11

Luka 19:27

Kanilezi a valala va mina, lava va nga kala va nga zi ranzi aku ngha nzi fuma hehla kabye, va neheni laha, mu va daya mahlweni ka mina.