2 Kronekele 12:5 - Tshwa Bible

⁵ Zonake ku lota muprofeti Xemaia ka Rehoboamu ni ka tinduna ta va ka Juda, leti ti nga wa tsombene le Jerusalema hi kota yo chava Xixaka; a taku ngalo kabye: Jehova i ngalo; Nwina mu nzi tsikile. Hikwalaho minawu nzi mu tsikile mandleni ya Xixaka!

2 Kronekele 12:5 ပူးပေါင်းရင်းမြစ်များ

2 Samueli 24:14

Davida i te ngalo ka Gadi: Nzi lomu hlomulweni wa hombe nguvu. A hi weleni canjeni ga Jehova, hakuva a wuxinji gakwe ga hombe nguvu; ngha nzi nga weli mandleni ya vanhu!

1 Tihosi 12:22

Kanilezi a gezu ga Jehova gi lota ka Xemaia, a munhu wa Nungungulu, gi taku:

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

2 Kronekele 11:2

Kanilezi ku lota a gezu ga Jehova ka Xemaia a munhu wa Nungungulu, gi taku:

2 Kronekele 12:15

A mitiro ya Rehoboamu yo sangula ni yo gumesa yi tsalilwe lomu ka matimu ya muprofeti Xemaia, ni ya Iddo a muwoni, ni lomu mabhukwini ya zizukulwana. Zikhatini zontlhe lezo ku wa hi kona kulwa xikari ka Rehoboamu na Jeroboamu.

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

2 Kronekele 24:20

A Moya wa Nungungulu wu lota ka Zakaria nʼwana mupristi Jehoiada; i lo yima mahlweni ka vanhu, aku kabye: Nungungulu i ngalo: Hi kuyini mu hambunyetako milayo ya Jehova? Cima mu nga ta vuvuma, hakuva kota lezi mu tsikileko Jehova, yenawu i mu tsikile. Vala. 6:34; Lu. 24:49

Tisimu 37:33

Jehova cima a nga ta mu tsika mandleni yakwe, Ge hambu ku mu kona laha yena a lamulwa.

Jeremia 2:19

Hi kubiha ka wena ku ta nga ku tsayisa, U biwa hi kukhunguvanyeka ka wena. Hikwalaho, tiva lezaku zi bihile a ku tsika Jehova, Nungungulu wa wena, Ni ku nga mu chavi ka vanga kubayiseka, ku wula Hosi, Jehova wa tiyimpi.

Jeremia 23:33

Loku vanhu lava, kutani muprofeti, kutani mupristi, va ku wutisa vaku: Hi wihi a nzhwalo wa Jehova ke? zonake u ta va hlamula, uku: Hi nwina a nzhwalo wa kona! Nzi ta mu chokola, ku wula Jehova.

Jeremia 4:18

A mahanyela ya wena ni mitiro ya wena zi ku vuxele lezi zilo, Hi wona mbhanzu wa kubiha ka wena, Kunene wa bava, ka bayisa ni lomu mbilwini.

Jeremia 5:19

Loku nwina mu taku ngalo: Hikuyini Jehova Nungungulu wa hina a hi maheleko lezi zilo ke? u ta va byela uku: Kotisa lezi nwina mu nzi tsikileko, mu khozela a vanungungulu vanwani tikweni ga nwina, hizalezo mu ta tirela a vamatiko a tikweni gi nga hiko ga nwina. Deut. 29:24; Jer. 16:10