2 Kronekele 12:3 - Tshwa Bible

³ Yena i lota ni 1,200 wa tikareta, ni 60,000 wa vakhileli va mahaxi, ni yimpi leyo a ngata nayo hi le Gipite yi wa hi ya hombe: vaLibia, ni vaSukkima, ni vaEtiopia.

2 Kronekele 12:3 ပူးပေါင်းရင်းမြစ်များ

2 Samueli 10:18

A maSiria ma lo panzanyeka mahlweni ka Va ka Israeli, na Davida i lo daya a 700 wa vakhileli va tikareta, ni 40,000 wa vakhileli va mahaxi, a daya Xobaka a nduna ya yimpi afa kwalaho.

2 Tihosi 7:6

Hakuva Jehova i wa zwatisile le wugovelweni ga maSiria a guwa ga tikareta, ni ga mahaxi, ni ga yimpi ya hombe; zonake vaku ka munwe ni munwani: A hosi ya ka Israeli yi hi rambele a tihosi ta vaHiti ni ta vaGipite a ku ta hi hlasela. Isa. 13:4

2 Kronekele 14:12

Zonake Jehova i lo hlasela a vaEtiopia mahlweni ka Asa ni mahlweni ka vaJuda, a vaEtiopia, va lo panzanyeka.

2 Kronekele 14:8

Asa i wa hi ni yimpi ya 300,000 wa vavanuna va ka Juda, lava va zi kotako ku khoma zitlhangu ni matlhari, ni 280,000 wa vavanuna va ka Benjamini lava va zi kotako ku khoma zitlhangu ni mawura, vontlhe na va hi tinhenha.

2 Kronekele 14:9

Kanilezi Zera a muEtiopia i lo hlomisa a yimpi ya 1,000,000 wa vavanuna, ni 300 wa tikareta, a ku talwa na vona; i lota Marexa.

2 Kronekele 16:8

Kasi a yimpi ya vaEtiopia ni vaLibia, ni makamaka wa tikareta ni vakhileli va mahaxi, va wa nga talangi ke? Leziya u nga wa tsumba Jehova, yena i va nyikele mandleni ya wena.

Isaya 43:3

Hakuva mina nzi Jehova a Nungungulu wa wena, Loyi a Basileko wa ka Israeli, a muhanyisi wa wena. Nzi nyikile Gipite a kuva nzhiho wa wena, Na Etiopia na Seba wutshanwini ga wena.

Ezekieli 30:5

Etiopia, na Pute, na Lude, hi vontlhe vanhu va xangeleneko; na Kube, ni vanana va tiko ga xivumelwano, va ta dawa hi supado zinwe navo.

Danieli 11:43

I ta phanga a titshomba ta nzalama ni siliva, ni zontlhe zilo za lisima za le Gipite; a vaLibia ni maEtiopia va ta mu lanza.

Nahume 3:9

A maEtiopia ni maGipite va wa hi ntamu wakwe, a xidlemo xa tsanzavahlayi; Puti na Lubima va wa hi vavuneteli va wena. 2 Kro. 12:3; 14:9

Kuvululelwa 9:16

A ntsengo wa mitlawa ya lava va khileleko mahaxi wu wa hi 200,000,000, nzi zwile a ntsengo wabye. Tis. 68:17; Ezek. 38:4; Xip. 7:4

Valamuli 4:13

Sisera i lo tsombanyisa tontlhe tikareta takwe ta ziketse ta 900, ni vanhu vakwe vontlhe, kusukela le Haroxete wa vamatiko, kala le Congweni wa Kixoni.

Valamuli 6:5

Hakuva vona va wota ni mitlhambi yabye ni matenda yabye. Va wata khwatsi i humbi yi nga hiko na kuhlayiwa, va lota ni makameli yabye va ta xakela tiko.

1 Samueli 13:5

Zonake a vaFilistia va lo tsombana khatiginwe a kulwa ni va ka Israeli. Va wa hi ni 30,000 wa tikareta, ni 6,000 wa vakhileli va mahaxi, ni vanhu vo tala nguvu khwatsi i seke ga fungu wa bimbi. Va lo kanziha va ya gova le Mikmaxe, hi le Mutsuwuka-gambo wa Bet-Avene.