2 Kronekele 12:12 - Tshwa Bible

¹² Kota lezi Rehoboamu a nga wa ti koramisile, Jehova i lo bohlisa a zanga yakwe, a nga ha mu lovisi kambe. Tlhatakumbiri, lomu tikweni ga ka Juda ku wa hi ni zilo zo saseka.

2 Kronekele 12:12 ပူးပေါင်းရင်းမြစ်များ

Genesisi 18:24

Xana loku va hi kona xikari ka muti a 50 wa valulamileko, hakunene u ta wu lovisa, u nga tsetseleli wutshamu hi kota ya valulamileko lavo va 50 xikari kabye ke?

1 Tihosi 14:13

Vontlhe va ka Israeli va ta mu hlaluka, va mu lahla, hakuva hi yena yece wa yindlu ya ka Jeroboamu a ta nga enghena lomu nkeleni, hi lezi hi yena yece wa ka Jeroboamu a kumilweko na lulamile mahlweni ka Jehova Nungungulu wa ka Israeli.

2 Kronekele 12:11

A zikhati lezi a hosi yi enghenako lomu ndlwini ya Jehova, a varinzeli va lo ta zi teka va zi welela, va tlhela va ya zi veka lomu ndlwini ya varinzeli.

2 Kronekele 19:3

Hambu lezo zi kona zilo zo saseka zi kumilweko ka wena, hakuva wena u susile a zifananiso za Axtarte lomu tikweni, u hlota Nungungulu hi mbilu yontlhe ya wena.

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 6:13

Loku ku sala munwe xikari ka va khume, na yena i ta hunza xikari ka nzilo, khwatsi hi sinya ya munga ni nkanyi, hambu loku yi tsemilwe a xibho xi ta hluka xi humesa matluka. A xibho xa kona xi tava mbewu yi basileko.

Mikosi 3:22

Tipswalo ta Jehova lezaku hi nga se lova, Hakuva a wuxinji gakwe a gi mbheli.

Mikosi 3:33

Hakuva a hi kuranza ka mbilu yakwe lezaku a hlokisa Ni ku zwisa kubayisa a vanana va vanhu.

Mikosi 3:42

Hi gohile hi ti alisa; Wena a ku hi tsetselelangi.

1 Pedro 5:6

Hikwalaho ti koramiseni lahasi ka canja ga ntamu wa Nungungulu, kasi yena wa fela ku mu kulisa hi xikhati xi faneleko. Jak. 4:10