2 Kronekele 1:8 - Tshwa Bible

⁸ Solomoni i te ngalo ka Nungungulu: U kombisile a wunene ga hombe ka dadani Davida, zonake u nzi yimisile a kuva hosi xikhundleni xakwe.

2 Kronekele 1:8 ပူးပေါင်းရင်းမြစ်များ

2 Samueli 22:51

Yena i ponisile a hosi yakwe hi kuhanyisa ka hombe, A kombisa wuxinji ka a totilweko wakwe, Ka Davida ni ka pswalo wakwe kala kupinzuka.

1 Tihosi 3:6

Solomoni i lo hlamula, aku: U kombisile tipswalo ta hombe ka nanza ga wena Davida, a dadani wa mina, hi lezi a fambileko hi zinene mahlweni ka wena, ni kululama, ni nongameto ya mbilu; u mu hlayisele a tipswalo leti ta hombe, zonake u mu nyikile u nwanana loyi a tshamileko xitshanwini xa yena xa wuhosi kota lezi zi nga zona nyamutlha.

1 Kronekele 17:16

Zonake Davida i lo wulawula mahlweni ka Jehova, aku: Jehova Nungungulu, nza kuva maniwo, ya kuva yini a yindlu ya mina ko kala u nzi chiketa kwalaha?

1 Kronekele 28:5

Lomu xikari ka vana va mina vontlhe, hakuva Jehova i nzi nyikile a vana vo tala, i hlawule Solomoni, a nʼwana wa mina, a kuva a tshama xitshanwini xa wuhosi xa mufumo wa Jehova, hehla ka va ka Israeli.

1 Kronekele 29:23

Solomoni i to tshama xitshanwini xa wuhosi xa Jehova a kuva hosi xikhundleni xa Davida a dadani wakwe. I lo vuvuma, ni vontlhe va ka Israeli va lo mu ingisa.

1 Kronekele 29:28

I lofa na a khosahele nguvu, na hi ni masiku yo hlaya, na hi ni titshomba, ni wudumo; a nʼwana wakwe Solomoni i lo fuma xikhundleni xakwe.

Tisimu 86:13

Hakuva a wunene ga wena ka mina ga hombe, U ponisile a muhefemulo wa mina kueteni ka Xeole.

Tisimu 89:49

Jehova, gi kwihi a wunene ga wena ga kale, Legi u nga hlambanyela Davida hi kutsumbeka ka wena ke?

Isaya 55:3

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34