2 Kronekele 1:1 - Tshwa Bible

¹ Solomoni nʼwana Davida i lo tiyisa mufumo wakwe, Jehova Nungungulu wakwe na hi zinwe naye a mu kulisa nguvu.

2 Kronekele 1:1 ပူးပေါင်းရင်းမြစ်များ

Genesisi 21:22

Zonake hi lexo xikhati Abimeleki na Fikole a nduna ya yimpi yakwe, va lo wulawula ka Abrahama, vaku: Nungungulu i na wena ka zontlhe lezo u zi mahako.

Genesisi 39:2

Jehova i wa hi zinwe na Josefa; i wa hi munhu a nga hi ni thomo; a tshama lomu ndlwini ya nwinyi wakwe a muGipite.

Genesisi 39:21

Kanilezi Jehova i wa hi zinwe na Josefa; i lo mu kombisa wuxinji, a mu maha lezaku a kuma thomo ka nduna ya paxo.

Genesisi 39:3

A nwinyi wakwe i lo wona lezaku Jehova i zinwe naye, ni lezaku zontlhe lezi a zi mahako, Jehova wa zi vuvumisa canjeni gakwe.

1 Tihosi 2:12

Solomoni i lo tshama xitshanwini xa wukosi xa raru wakwe Davida, ni mufumo wakwe wu lo tiyiswa nguvu.

1 Tihosi 2:46

Zonake a hosi yi lo leletela Benaia nʼwana Jehoiada a ku huma a ya mu daya, afa. A mufumo wu lo tiyiswa canjeni ga Solomoni.

1 Kronekele 17:8

Mina nzi wa hi zinwe na wena kontlhe lomu u nga wa fambafamba kona, nzi susile vontlhe valala va wena mahlweni ka wena. Nzi ta maha a vito ga wena gi duma ku fana ni mavito ya vanhu va hombe va nga misaveni.

1 Kronekele 22:11

Makunu, nwananga, ngha Jehova ava zinwe na wena, u vuvuma, u aka a yindlu ya Jehova Nungungulu wa wena, khwatsi hi lezi yena a wulileko xungetano ha wena.

1 Kronekele 22:16

Kasike a nzalama ni siliva, ni suku ni ziketse, zona a zi hlayiwi. Suka u tira! Jehova ave zinwe na wena!

1 Kronekele 29:23

Solomoni i to tshama xitshanwini xa wuhosi xa Jehova a kuva hosi xikhundleni xa Davida a dadani wakwe. I lo vuvuma, ni vontlhe va ka Israeli va lo mu ingisa.

1 Kronekele 29:25

Jehova i lo mu tlakusa nguvu Solomoni mahlweni ka vontlhe va ka Israeli, a kulisa kufuma kakwe ku hunza kufuma ka tihosi ta ka Israeli leti ti nga fuma mahlweni kakwe.

1 Kronekele 29:30

Ku tsalilwe ni matimu ya kufuma kakwe kontlhe, ni wunhenha gakwe ga hombe, ni lezi zi nga humelela xikhatini xakwe, ni za lomu tikweni ga ka Israeli, ni za matiko wontihe.

2 Kronekele 32:23

A vanhu vanyingi va lo neha mihlengo ka Jehova le Jerusalema, ni zilo za malongo ka Hezekia a hosi ya ka Juda; i lova loyi a tlakukileko ka wontihe matiko kusukela lezo.

Eksodusi 3:12

Aku ka yena: Nzi tava zinwe na wena. A xikombiso xaku hi mina nzi ku rumako hi lexi: Loku u humesile a vanhu va mina le Gipite, mu ta ta khozela Nungungulu ka xitsunga lexi.

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Joxua 3:7

Jehova i te ngalo ka Joxua: Inyamutlha nzi ta sangula ku ku kulisa mahlweni ka vontlhe va ka Israeli, kasi va fela ku zi tiva lezaku nzi tava na wena khwatsi hi lezi nzi nga hi zinwe na Mosi.