1 Timote 6:9 - Tshwa Bible

⁹ Kanilezi lava va ranzako a ku ngha va fuma, va wela kuringweni ni maphanyeni, ni kumbilukeleni kunyingi ka wupumbu ku bayisako, lezi zi nyupetako vanhu kulobyisweni ni kulahlekeni. Mat. 13:22

1 Timote 6:9 ပူးပေါင်းရင်းမြစ်များ

1 Tihosi 21:6

Yena i te ngalo kakwe: Hi lezi nzi nga wulawula na Nabote a muJezreeli, nziku: Nzi xavisele a xivina xa wena hi mali, ni lezaku loku u zi ranza nzi ta ku nyika xinwani xivina wutshanwini ga lexi. Makunu yena i lo hlamula, aku: A nzi zi koti ku ku nyika a simu ga mina!

Tisimu 11:6

I ta nisa makala ya nzilo hehla ka vakubiha, ni nzilo ni solufa, Ni mheho yi hisako; Lezi zi tava xiavelo xa gombe gabye. Gen. 19:24; Deut. 29:23; Ezek. 38:22

Mavingu 15:27

Loyi, a navelako a bhinzu i karata yindlu yakwe; anilezi loyi a alako ku rengelelwa i ta hanya.

Mavingu 20:21

A tshomba leyi yi kumiwako hi xihatla kusanguleni, ugumeseni ka yona yi nga tava ni zikatekiso.

Mavingu 21:6

A ku ti lavela tshomba hi lirimi la mawunwa, u hi hunguva leyi yi ndlengandlengiswako, i ziyo ga kufa.

Mavingu 22:16

Loyi a tsimbeketako xisiwana wa anzisa wukosi ga xona, anilezi loyi a nyikako ka munhu a fumileko i ta mu maha a kuva muvumali.

Mavingu 23:4

U nga karatekeli kuva u fuma; nga tsumbi wutlhari ga wena wutsumbu.

Isaya 5:8

Khombo ka vona va ti wutlelelako tiyindlu, Ni lava va engetelako masimu hi masimu Kala ku nga have na wutshamu, Kasi va aka voce xikari ka tiko.

Zakaria 11:5

leti a vaxavi va tona va ti tlhavako va nga kumi nanzu, ni vaxavisi va tona vange: A khesiwe Jehova, hakuva nzi fumile! Hambu ni varisi va tona a va ti zweli. Rom. 8:36

Mitsengo 31:8

Va lo daya ni tihosi ta vaMidiani, ku lo dawa Evi, na Rekemu, na Zura, na Hura, na Reba, ntlhanu wa tihosi ta vaMidiani; va lo daya kambe na Balaami a nʼwana wa Beori hi supado. Jox. 13:21

Mateu 13:22

Loyi a nga xwanyiwa xikari ka mizwa, hi yena loyi a zwako mhaka, kanilezi a kukaratekela a zilo za tiko, ni kukhohlisa ka xuma, ku tlimba a mhaka, lezaku yi nga pswali mihanzu. Jer. 4:3; Mar. 10:23

Mateu 19:22

Kanilezi laha na gi zwile gezu lego, a jaha gi lo suka na gi karatekile, hakuva gi wa hi ni titshomba to tala.

Mateu 26:15

A yaku ngalo: Mu ta nzi nyika yini loku nzi mu nyikela ka nwina ke? Va lo mu pimela 30 wa macheleni.

Mateu 6:19

Mu nga ti vekeli titshomba misaveni, laha tisumba ni kutshutshumbala zi gako ni laha makhamba ma bhoxako ma yiva; Mav. 23:4; 1 Tim. 6:17; Jak. 5:1

Marku 4:19

kanilezi a kukaratekela a za tiko, ni kukhohlisa ka kufuma, ni ku navela zilo zinwani ku enghena kabye ku tlimba mhaka, yi nga ha pswali mihanzu. 1 Tim. 6:9, 17

Luka 12:21

Zinghaho ni loyi a ti veketelelako a tshomba, na a nga fumangi hi ka Nungungulu. Mat. 6:20; 1 Tim. 6:18, 19

Luka 21:35

Hakuva lezo gi ta va chikelela vontlhe lava va tshamileko misaveni yontlhe. 1 Tes. 5:2; 2 Ped. 3:10; Kuv. 3:3

Mitiro 8:20

Kanilezi Pedro aku ngalo kakwe: A mali ya wena a yi lobyiswe zinwe na wena, lezi u alakanyileko a ku kuma a xinyikiwo xa Nungungulu hi mali. 2 Tih. 5:16; Mat. 10:8; Xip. 2:38

Va le Efesusi 4:22

Xungetano ni mahanyela ya nwina ya kale mu yimelwe hi ku ti tlhatlha ka munhu wa kale, loyi a onhekako hi kunavela ka kukhohlisa;

Deuteronome 7:25

Zifananiso lezi zi vatlilweko za vanungungulu vabye mu ta hisa nzilweni; mu nga mbilukeli a siliva ni nzalama lezi zi nga ka zona, ni kambe u nga zi teki, zi nga maha ziyo ka wena, hakuva zona zinyenyeko mahlweni ka Jehova Nungungulu wa wena.

1 Timote 1:9

na a zi tiva lezaku a nayo a wu vekelwangi munhu a lulamileko, kanilezi wu vekelwe a zihunza-milayo ni va nga ingisiko, lava va nga chaviko Nungungulu, ni vaonhi, ni lava va nga basangiko, ni lava va wulawulako tihlamba, a vadayi va vararu vabye ni vamamani vabye, ni vadayi va vanhu, Gal. 3:19

1 Timote 3:7

Kambe i fanele hi kuva ni wudumo gi nene xikari ka valahandle; a nga dzuka a soleka, a wela ntlhanwini wa Satani.

1 Timote 6:10

Hakuva a ku ranza mali hi mutsu wa tixaka tontlhe ta kubiha; a vanwani hi ku yi navela va pengile kukholweni, va ti phoroketile hi kuxaniseka kunyingi. Ekso. 23:8

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.

2 Timote 2:26

lezaku va ti tlharihela va pona tlhanwini wa Satani, loyi va phasilweko hi yena, lezaku va maha kuranza kakwe.

Titusi 2:12

ti hi gonzisa ku tsika lezi zi nga lulamangiko ni kunavela ka misava, hi hanya ka nguva leyi hi kutikhoma ni kululama hi chava Nungungulu; Lu. 1:75

Joxua 7:11

Israeli i onhile, i hambunyetile xivumelwano xa mina lexi nzi va leleteleko xona, ni kambe va tekile a zilo zo yila, va zi yivile, va khohlisa, va zi fihla lomu ka nhunzu yabye.

2 Pedro 2:3

Hi ku navela kufuma, va ta bhinzula ha nwina hi magezu ya kukanganyisa; kanilezi a kukoneka kabye ka kale a ku hlweli, ni kulobyiswa kabye a ku etleli. Deut. 32:35; Tit. 1:11; Juda 4, 15

Juda 1:11

Khombo a give ka vona! Hakuva va fambile hi ndlela ya Kana, hi kota ya hakhelo va tsutsumela kuhambukeni ka Balami, va lobyiswa hi kuhluwuka ka Kora. Gen. 4:5; Mitse. 16:1; 22:7, 21