1 Timote 4:13 - Tshwa Bible

¹³ Pinyamela ku gonzela vanhu a mitsalo, ni ku luleka ni ku gonzisa, nzi kala nzita.

1 Timote 4:13 ပူးပေါင်းရင်းမြစ်များ

Johani 5:39

Mu kamba mitsalo, hakuva mu alakanya lezaku ka yona mu ta kuma a wutomi ga pinzukelwa; yona hi yona yi kustumunyako hi mina. Isa. 8:20; Lu. 16:29; 24:27

Mitiro 17:11

A vaJuda va kona va wa hi va nene ku hunza va le Tesalonika, laha ka kuva va amukela a mhaka hi timbilu ti longileko, va hlola Mitsalo a masiku wontihe, lezaku a timhaka leti ti nghaho ke. Isa. 34:16; Lu. 16:29; Joh. 5:39

Mitiro 6:4

Kanilezi hina hi ta simamisa hi pinyamela kukhongeleni, ni ntirweni wa mhaka. Xip. 2:42

Va le Roma 12:8

kutani loyi a khongotelako, a ti nyikele kukhongoteleni kakwe; ni loyi a nyikako, a nyike hi matsenya; loyi a angamelako, a mahe lezo hi kupangama; ni loyi a mahako mitiro ya wuxinji, a zi mahe na xalele. Miti. 15:32; 20:28; 1 Kor. 14:3

1 Va le Korinte 14:26

Za kuyini ke, vamakabye? Laha na mu tsombana, munwe ni munwani wa nwina i na ni lisimu, kutani gonzo, kutani kuvululwa, kutani kuwulawula lirimi limbe, kutani kutlhamusela; ngha zontlhe lezi zi mahiwa kasi mu vunana. Rom. 14:19; Xip. 12:8, 9; 2 Kor. 2:19; Efe. 4:12

1 Va le Korinte 14:3

Kanilezi loyi a profetako i byela vanhu a zilo zi akako, ni ku tangalisa, ni ku chavelela. Rom. 15:4

1 Va le Korinte 14:6

Makunu vamakabye, loku nzita ka nwina na nzi wulawula hi tirimi, nzi ta mu vunisa kuyini ke, loku nzi nga wulawuli na nwina hi ku mu vululela timhaka, kutani hi kutiva, kutani hi kuprofeta, kutani hi kugonzisa?

Deuteronome 17:19

Yena i ta tshama nago, kasi a fela ku gonza lomu ka gona a masiku wontihe ya kuhanya kakwe, lezaku a gonza ku chava Jehova Nungungulu wakwe, ni ku hlayisa a timhaka ta lowu nayo ni zileletelo za kona, a zi maha;

1 Timote 4:16

Ti wonele wutsumbu ga wena, ni kugonziseni ka wena; nonohisa ka zona, hakuva hi ku maha lezo u ta hanyisa wutsumbu ga wena, ni lava va ku zwako kambe. Ezek. 33:9

1 Timote 4:6

Loku u byela a vamakabye timhaka leti, u tava nanza gi nene ga Kristu Jesu, legi gi wundlilweko timhakeni ta kukholwa, ni ka gonzo yi nene leyi u yi lanzeleko. 2 Tim. 3:14

2 Timote 3:15

ni lezaku a kusukela wuhlangini ga wena u tivile a mitsalo yo basa, leyi yi nga ni ntamu a ku ku maha u tlhariha, u kala u hanyiswa hi kukholwa loku ku nga ka Kristu Jesu. Tis. 119:11; Joh. 20:31; Rom. 10:17

2 Timote 4:2

Kanela a mhaka; pinyama hi xikhati xi faneleko ni xikhati xi nga faneliko, u kawuka, u luleka, ni ku khongotela hi kutimisela kontlhe, ni kugonzisa. 1 Tim. 4:13; Tit. 1:13

Titusi 2:15

Kanela timhaka leti, u luleka ni ku kawuka hi ntamu wontihe. Ngha a nga hi kona loyi a ku kanyisako.

Joxua 1:8

A bhuku legi ga nayo gi nga dzuki gi hi kule ni nomu wa wena, kanilezi u ta gi alakanya mumu ni wusiku, u ti karata ku maha zontlhe lezi zi tsalilweko ka gona, kasi wa fela ku humelela ba tontlhe tindlela ta wena, u tshameka.