1 Tihosi 9:9 - Tshwa Bible

⁹ Va ta hlamula, vaku: Hi lezi va tsikileko Jehova Nungungulu wabye, loyi a humesileko vararu vabye le tikweni ga Gipite, va ya lanzela vanwani vanungungulu, va khizama mahlweni ka vona va va khozela; hikwalaho Jehova i rumele hehla kabye wontihe makhombo lawa,

1 Tihosi 9:9 ပူးပေါင်းရင်းမြစ်များ

1 Tihosi 18:18

Yena aku: Mina a nzi xanisangi va ka Israeli, kanilezi hi wena ni yindlu ya raru wa wena, lezi mu tsikileko a milayo ya Jehova, mu lanzela Baali.

2 Tihosi 22:17

Hakuva va nzi fularele va hisa tibani ka vanwani vanungungulu, va nzi zangarisa hi mitiro yontlhe ya mandla yabye; hikwalaho a zanga ya mina yi vindlukile yi vukela wutshamu legi; cima yi nga ta renga.

2 Kronekele 29:8

Hikwalaho Jehova i zangarele Juda ni Jerusalema, a va nyikela kundlengandlengisweni, va hlokiswa ni ku chepetwa, khwatsi hi lezi mu zi wonako hi mahlo ya nwina. Deut. 28:25

2 Kronekele 7:22

Va ta hlamula: Hi kota ya lezi va tsikileko Jehova Nungungulu wa vadadani vabye, loyi a va humesileko tikweni ga Gipite, va ya namarela ka vanwani vanungungulu va va khizamela va va khozela; hikwalaho yena i rumele hehla kabye a zikarato zontlhe lezi.

Jeremia 2:19

Hi kubiha ka wena ku ta nga ku tsayisa, U biwa hi kukhunguvanyeka ka wena. Hikwalaho, tiva lezaku zi bihile a ku tsika Jehova, Nungungulu wa wena, Ni ku nga mu chavi ka vanga kubayiseka, ku wula Hosi, Jehova wa tiyimpi.

Jeremia 22:8

A matiko yo tala ma ta hunza hi ka muti lowu, A ginwe gi ta wutisa ka ginwani, giku: Hikuyini Jehova a mahileko lezo ka muti lowu wa hombe ke? Deut. 29:24; 1 Tih. 9:8

Jeremia 44:23

Hikuva mu hisile tibani, mu onhela Jehova, mu nga ingisi a gezu ga Jehova, mu nga hlayisi milayo yakwe ni zileletelo zakwe ni ziyimiso zakwe, hikwalaho mu welwe hi khombo legi kota lezi zi nga zona nyamutlha.

Jeremia 5:19

Loku nwina mu taku ngalo: Hikuyini Jehova Nungungulu wa hina a hi maheleko lezi zilo ke? u ta va byela uku: Kotisa lezi nwina mu nzi tsikileko, mu khozela a vanungungulu vanwani tikweni ga nwina, hizalezo mu ta tirela a vamatiko a tikweni gi nga hiko ga nwina. Deut. 29:24; Jer. 16:10

Jeremia 50:7

Vontlhe lava va nga kumana na vona, va wo va khadamula. A valala vabye vaku: A hi na nanzu, hakuva va onhele Jehova, a wutshamu ga nongameto, a nga Jehova loyi a nga kutsumba ka vadadani vabye.

Mikosi 2:15

A vahunzi vontlhe va ku bela mandla yabye, Vaba miloti na va ninginizela tihloko tabye a nhanyana wa Jerusalema, vaku: Hi wona a muti wu nga vitanwa ku i mbhuri wu mbheleleko, a kutsaka ka misava yontlhe ke? Joba 27:23; Tis. 48:2; 50:2

Deuteronome 29:23

va ta ku ngalo: A tiko ga kona i tiko ga solufa, ni munyu, i tiko gi swileko gontlhe, i tiko gi nga hiko na mbewu ni kuga, a ha ha wuli hi byanyi, a gi mili; gi fanana ni kuvilinganyiswa ka Sodoma ni Gomora, ni Adma ni Zeboime, a miti leyi Jehova a yi vilinganyisileko hi zanga ya khulo gakwe. Gen. 19:24; Hos. 11:8