1 Tihosi 9:7 - Tshwa Bible

⁷ mina nzi ta susa va ka Israeli tikweni legi nzi va nyikileko gona, nzi hoxa kule na mina a yindlu leyi nzi yi basiseleko a vito ga mina; na Israeli i tava tsheketo ni xihlekiso xikari ka matiko wontihe. Deut. 28:37; Jer. 7:15; 24:9

1 Tihosi 9:7 ပူးပေါင်းရင်းမြစ်များ

1 Tihosi 11:10

a mu leletela ku fularela vanwani vanungungulu; kanilezi cima a nga hlayisangi kuleletela ka Jehova.

1 Tihosi 9:3

Jehova i te ngalo kakwe: Nzi zwile a mukhongelo wa wena ni kukombela loku u ku kombelileko mahlweni ka mina. Mina nzi basisile a yindlu leyi u yi akileko, a kuva yi lumba a vito ga mina kala kupinzuka; a mahlo ya mina ni mbilu ya mina zi tava kona kala kupinzuka. Deut. 12:11; Tis. 132:14

2 Tihosi 25:21

A hosi ya le Babuloni yi lo va daya le Ribla, le tikweni ga le Hamate. Zinghaho a vaJuda va lo yiswa le wukhumbini ga le kule ni tiko gabye.

2 Tihosi 25:9

I lo ta hisa a yindlu ya Jehova ni yindlu ya hosi; a hisetela tontlhe tiyindlu ta le Jerusalema, ni tontlhe tiyindlu ta vahombe.

2 Kronekele 36:19

Va lo hisa a yindlu ya Nungungulu, va khungumula a ligingisi la Jerusalema, va hisa tontlhe tiyindlu ta wuhosi, va xakela zontlhe zilo za malongo.

2 Kronekele 7:20

nzi ta mu tsuwula lomu tikweni ga mina legi nzi nga wa mu nyikile gona, ni yindlu leyi nzi yi basisileko a kuva yi lumba a vito ga mina nzi ta yi hoxa kule, nzi yi maha yi chepetwa ni kuva xihlekiso ka vanhu vontlhe.

Tisimu 44:14

U hi mahile a vingu xikari ka matiko, A vamatiko va hi zivizela tihloko.

Tisimu 44:15

A siku gontlhe a litsanwa la mina li le mahlweni ka mina, Ni tingana ti fenengetile a nghohe ya mina,

Tisimu 69:11

Nzi lo ambala a nguwo ya xirilo, Zonake nzi lo maha xihlekiso kabye.

Isaya 65:15

A vito ga nwina gi ta sala gi hi xiruko xikari ka vahlawulilweko va mina, Hosi Jehova i ta ku daya, Zonake i ta nyika malanza yakwe a ginwani vito. Jer. 29:22; Kuv. 2:17

Jeremia 24:9

A ka matlhelo wontihe va tava xichaviso ni khombo a ka matiko wontihe ya misava, va tava xihlekiso, ni vingu, a xixovo, ni xiruko lomu nzi ta nga va hangalasela kona. Deut. 28:25; 1 Tih. 9:7

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 26:18

Mika wa le Moraxi i lo profeta masikwini ya Hezekia hosi ya ka Juda, a byela vontlhe vanhu va ka Juda, aku: Jehova wa tiyimpi i ngalo: Zioni gi ta rimiwa kota simu, Ni Jerusalema gi tava nhulu ya maribye, Ni xitsunga xa tempeli xi tava xitsunga xa khwati. Mika 3:12

Jeremia 26:6

mina nzi ta maha leyi yindlu kota Xilo, ni muti lowu nzi ta wu maha xiruko ka tontlhe tixaka ta misava.

Jeremia 44:8

Mu vindlusela yini a zanga ya mina hi mitiro ya mandla ya nwina, mu hisela vanwani vanungungulu a tibani lomu tikweni ga Gipite, lomu mu tileko mu ta luvela, kasi mu fela ku susiwa mu mahiwa xiruko, mu tseketselwa xikari ka matiko wontihe ya misava ke?

Jeremia 52:13

I lo hisa a yindlu ya Jehova, ni yindlu ya hosi, ni tontlhe a tiyindlu ta lomu Jerusalema, nguvunguvu a tiyindlu leʼta hombe i lo ti hisa hi nzilo.

Mikosi 1:8

Jerusalema i onhile nguvu, hi kwalaho i mahile manyalataniso; Wa kanyiswa hi vontlhe lava va nga mu dzunza loku va wona wumbyiri gakwe. Ina, wa hefemuteka, a tlhelela nzhako.

Mikosi 2:17

Jehova i mahile lezi a zi xuvileko, I tatisile a mhaka yakwe leyi a nga yi leletela kaleloko; I khungumule, na a nga hi na kutsetsa; I tsakisile lava va ku vengako; a tlakusa a limhonzo la valala ya wena. Levi 26:14; Deut. 28:15

Ezekieli 24:21

Wulawula ka yindlu ya ka Israeli, uku: Hosi Jehova i ngalo: Langutani, Nzi ta nyenyezisa a yindlu ya mina ya kubasa, ku nga matshanza ya ntamu wa nwina, ni kunavela ka mahlo ya nwina, lezi a moya wa nwina wu zi ranzako; a vafana va nwina ni vanhanyana va nwina lava va mu siyeleko va ta dawa hi supado.

Ezekieli 5:15

U tava a xiruko ni kutseketsela, a xiwonelo ni xihlamaliso ka matiko lawa ma ku ranzeleko; laha nzi ta nga ku lamula hi zanga ni khulo, nzi ku kawuka hi xiviti. Nzi mina Jehova nzi wulako lezo.

Hosea 9:3

Va nga ta tshama lomu tikweni ga Jehova, kanilezi Efraime i ta tlhelela Gipite, ni le Assiria va taga kuga ku nga hlazekangiko, Deut. 28:68; 2 Tih. 25:26; Dan. 1:8

Joeli 2:17

A vapristi va nga malanza ya Jehova, a va rile laha xikari ka ligumbagumba ni alati, vaku: Rivalela a vanhu va wena Jehova, u nga nyikeli a tshomba ya wena a kuva yi tseketselwa, yi hlekiwa hi vamatiko. Ku ta wulelwa yini xikari ka matiko, vaku: I kwihi a Nungungulu wabye?

Mika 3:12

Hikwalaho hi kota ya nwina, Zioni i ta rimiwa khwatsi i simu, na Jerusalema i ta maha tinhulu ta maribye, ni xitsunga xa tempeli xi tava xitsunga xa khwati. Jer. 26:18

Mateu 23:38

Langutani, mu ta siyelwa a yindlu ya nwina, na yi hi rumbi.

Mateu 24:2

Kanilezi yena aku kabye: A mu zi woni zontlhe lezi ke? Hizinene nziku ka nwina: Laha ku nga ta siyiwa a ribye ginwe hehla ka ginwani, legi gi ta nga kala gi nga khungumulwa 1 Tih. 9:7; Jer. 26:18; Lu. 19:44

Luka 21:24

Va ta dawa hi wutlha ga supado, va yisiwa na va hi vakhonwi ka matiko wontihe; ni Jerusalema gi ta kanzihelwa hi vamatiko, ku kala ku mbhela a xikhati xa vamatiko. Dan. 9:27; 12:7; Rom. 11:25

Deuteronome 28:37

Na wena u tava xihlamaliso ni xihlekiso, ni a xomololwako xikari ka vanhu vontlhe lavo Jehova a ta nga ku yisa ka vona. 1 Tih. 9:7; Jer. 25:9

Deuteronome 4:26

mina nza vitana nyamutlha a tilo ni misava a kuva vakustumunyu vo mu kecara, lezaku nwina mu ta yafa hi kuhatlisa a tikweni lego mu yako ku ya gi fumela, le tlhatukweni wa Jordani, cima nwina mu nga ta simama ni masiku ya nwina mu hanya, hakuva mu ta ya lobyiswa hakunene.

Joxua 23:16

Loku mu hambunyeta xivumelwano lexi Jehova Nungungulu wa nwina a mu leleteleko xona, mu ya khozela vanwani vanungungulu, mu khizama mahlweni ka vona, a zanga ya Jehova yi ta mu vukela, na nwina mu ta hatlisa mufa lomu ka tiko legi go saseka, legi a mu nyikileko gona. Levi 26:14; Deut. 4:25

1 Samueli 15:11

Nza ti laya hi lezi nzi nga yimisa Saule a kuva hosi, hakuva i hluwukile, a nga hlayisangi timhaka ta mina. Zonake Samueli i lo zangara, a rila ka Jehova gontlhe wusiku. Gen. 6:6