1 Tihosi 8:3 - Tshwa Bible

³ Laha masingalakati wontihe ya ka Israeli ma nga wa chikele, a vapristi va lo rwala a arke.

1 Tihosi 8:3 ပူးပေါင်းရင်းမြစ်များ

2 Samueli 6:12

Makunu va lo byela hosi Davida, vaku: Jehova i katekisile a yindlu ya Obedi-Edome ni zontlhe zilo zakwe hi kota ya arke ga Nungungulu. Zonake Davida i lo ya teka a arke ga Nungungulu lomu ndlwini ya Obedi-Edomi a gi heleketa mutini wa Davida hi litsako.

1 Tihosi 8:6

Zonake a vapristi va lo enghenisa a arke ga xivumelwano xa Jehova lomu wutshanwini ga gona, lomu ka wutshamu go basabasa, hi lahasi ka tipapa ta makerubima. Ekso. 26:33

1 Kronekele 15:2

Zonake Davida i te ngalo: A nga kona a munhu a ta nga rwala a arke ga Nungungulu, loku ku nga hi va ka Levi, hakuva hi vona va hlawulweko hi Jehova a ku rwala a arke ga Nungungulu ni ku mu khozela kala kupinzuka. Mitse. 4:15

Mitsengo 4:15

Loku Aroni ni vana vakwe va mbhetile ku fenengeta a wutshamu ga kubasa ni zontlhe zibya za kona, a wugovelo gi ta andlamuka; zonake a vanana va ka Kohati va ta ta rwala. Kanilezi va nga ta zi khumba, hakuva zilo zi basileko, va ngafa. Lowu wu tava ntiro wa vanana va ka Kohati, a ku rwala a zibya za tenda ga mutlhangano.

Mitsengo 7:9

Kasike a vanana va ka Kohati, a va nyikwangi nchumu, hakuva a ntiro wabye wu wa hi ku rwala a zibya zo basa makatleni yabye.

Deuteronome 31:9

Mosi i lo tsala a nayo lowu a wu nyika ka vapristi, a vana va ka Levi, lava va rwalako a nghaxa ya xivumelwano xa Jehova, ni ka wontihe masingalakati ya ka Israeli.

Joxua 3:3

ti leletela vontlhe lezaku: Loku mu wona a nghaxa ya xivumelwano xa Jehova Nungungulu wa nwina na gi rwelwe hi vapristi va vaLevi, mu ta suka lomu mu govileko kona, mu famba lenzhako ka yona.

Joxua 3:6

Zonake Joxua i lo byela vapristi, aku: Tekani a nghaxa ya xivumelwano, mu famba mahlweni ka vanhu. Zonake va lo rwala a nghaxa ya xivumelwano, va famba mahlweni ka vanhu.

Joxua 4:9

Na Joxua i lo yimisa 12 wa maribye lomu xikari ka Jordani, laha ku nga wa yimile mikonzo ya vapristi lava va rweleko a nghaxa ya xivumelwano, na wona ma kona laho kala inyamutlha.

Joxua 6:6

Zonake Joxua nʼwana Nuni i lo vitana vapristi, aku ka vona: Rwalani a nghaxa ya xivumelwano, ni kambe a 7 wa vapristi a va rwale 7 wa mipunzu mahlweni ka nghaxa ya Jehova.