1 Tihosi 3:3 - Tshwa Bible

³ Solomoni i wa ranza Jehova, a famba hi zileletelo za raru wakwe Davida; ntsena lezaku i wa phahlela ni ku hisa libani te zitsungeni.

1 Tihosi 3:3 ပူးပေါင်းရင်းမြစ်များ

1 Tihosi 11:34

Nzi nga ta teka wontihe mufumo mandleni yakwe, hakuva nzi ta yimisa a mufumo wakwe wontihe masiku ya kuhanya kakwe, hi kota ya nanza ga mina Davida loyi nzi mu hlawulileko, loyi a nga hlayisa a milayo ya mina ni zileletelo za mina.

1 Tihosi 11:38

Loku u ingisa zontlhe lezi nzi ta nga ku leletela zona, u famba hi tindlela ta mina, u maha kululama mahlweni ka mina, ni ku hlayisa milayo ya mina ni zileletelo za mina, khwatsi hi lezi a nanza ga mina Davida a nga wa maha, mina nzi tava zinwe na wena; nzi ta ku akela a yindlu yi tiyileko khwatsi hi lezi nzi akeleko Davida, ni kuva nzi ku nyika Israeli.

1 Tihosi 11:4

Hakuva laha Solomoni a nga wa khosahele, a vasati vakwe va lo hambukisa a mbilu yakwe yi lanzela vanwani vanungungulu; zonake a mbilu yakwe yi wa nga mbhelelangi yontlhe ka Jehova Nungungulu wakwe, kota a mbilu ya raru wakwe Davida.

1 Tihosi 11:6

Solomoni i lo maha lezi zi bihileko mahlweni ka Jehova; a nga ha lanzelangi khwatsi Jehova, kota a raru wakwe Davida.

1 Tihosi 14:23

Hakuva vonawu va lo ti akela a maganzelo lomu zitsungeni, lomu ku nga ni zifananiso za Axtarte, va maha lezo ka zontlhe zitsunga zi tlakukileko, ni lahasi ka tontlhe tisinya leti ti hlukako.

1 Tihosi 14:8

nzi wutla mufumo ndlwini ya Davida, nzi wu nyikela ka wena. Kasike wena a ku fanani ni nanza ga mina Davida, loyi a nga wa hlayisa zileletelo za mina, a nzi lanzela hi mbilu yakwe yontlhe, a maha zo lulama ntsena mahlweni ka mina.

1 Tihosi 15:11

Asa i lo maha kululama mahlweni ka Jehova, khwatsi hi raru wakwe Davida.

1 Tihosi 15:14

Hambulezo a miphahlelo ya le zitsungeni a yi fuviswangi; kanilezi a mbilu ya Asa yi wa mbhelele ka Jehova wontihe masiku yakwe.

1 Tihosi 15:3

I lo maha zontlhe zionho lezi zi mahilweko hi raru wakwe na a nga se fuma. A mbilu yakwe yi wa nga mbhelelangi ka Jehova Nungungulu wakwe, khwatsi hi mbilu ya dadani wakwe Davida.

1 Tihosi 15:5

Hakuva Davida i wa mahile kululama mahlweni ka Jehova; a nga hambukangi wontihe masiku ya kuhanya kakwe ka zontlhe lezi a nga wa leletelwe, ahandle ka mhaka ya Uria a muHiti.

1 Tihosi 22:43

I lo famba hi tindlela ta raru wakwe Asa; a nga hambukangi aya tlhelweni, kanilezi i lo maha lezi zi lulamileko mahlweni ka Jehova. Ntsena lezaku a tiyindlu ta lomu zitsungeni ti wa nga khungumulwangi. A vanhu va lo simama va hisa tibani lomu zitsungeni.

1 Tihosi 22:44

Jehoxafate i lo maha kurula zinwe ni hosi ya ka Israeli.

1 Tihosi 3:14

Loku wena u famba hi tindlela ta mina, u hlayisa zileletelo za mina ni milayo ya mina, khwatsi hi raru wa wena Davida, zonake nzi ku lehisela masiku ya wena.

1 Tihosi 3:6

Solomoni i lo hlamula, aku: U kombisile tipswalo ta hombe ka nanza ga wena Davida, a dadani wa mina, hi lezi a fambileko hi zinene mahlweni ka wena, ni kululama, ni nongameto ya mbilu; u mu hlayisele a tipswalo leti ta hombe, zonake u mu nyikile u nwanana loyi a tshamileko xitshanwini xa yena xa wuhosi kota lezi zi nga zona nyamutlha.

1 Tihosi 8:25

Makunu, Jehova Nungungulu wa ka Israeli, tatisa lezi u zi tsumbisileko ka nanza ga wena, dadani Davida, uku: Cima ku nga ta vumaleka munhu mahlweni ka mina, loyi a ta nga tshama xitshanwini xa va ka Israeli, loku futsi a vanana va wena va ti tsitsirita tindleleni tabye a kuva va famba mahlweni ka mina, khwatsi hi lezi wena u nga wa fambisa zona mahlweni ka mina.

1 Tihosi 8:61

Ngha timbilu ta nwina tontlhe ti namarela ka Jehova Nungungulu wa hina, a kuva mu famba hi zileletelo zakwe ni ku hlayisa milayo yakwe kota legi siku.

1 Tihosi 9:4

Makunu loku wena u famba mahlweni ka mina, khwatsi hi raru wa wena Davida, u famba hi nongameto wa mbilu ni kululama, u maha zontlhe lezi nzi nga ku leletela, ni ku hlayisa milayo ni zileletelo za mina,

2 Tihosi 12:3

Hambu lezo, a matshamu ma tlakukileko a ma susiwangi; a vanhu va lo simama ku ya maha miphahlelo ni ku hisa tibani lomu matshanwini ma tlakukileko.

2 Tihosi 12:4

Joaxi i te ngalo ka vapristi: A mali yontlhe ya kubasa leyi yi nehiwako lomu ndlwini ya Jehova, yi nga mali ya munwe ni munwani loku vanhu va hlayiwa, ni mali yontlhe ya kutirulwa ka vanhu, leyi a mupristi munwe ni munwani a ta nga yi pima, ni mali yontlhe leyi a munhu ni munhu a ta nga yi neha hi kuranza ka mbilu yakwe lomu ndlwini ya Jehova; Ekso. 30:12; Levi 27:2; Deut. 16:10

2 Tihosi 14:3

I lo maha kululama mahlweni ka Jehova, kanilezi a nga ringanangi ni raru wakwe Davida; i lo maha zontlhe khwatsi hi lezi a raru wakwe Joaxi a mahileko.

2 Tihosi 14:4

Hambu lezo, a matshamu yo tlakuka a ma susiwangi; a vanhu va lo simamisa va hisa tibani lomu matshanwini ma tlakukileko.

2 Tihosi 15:35

Ntsena lezaku a matshamu ma tlakukileko a ma susiwangi. A vanhu va lo simamisa va nyikela miphahlelo ni ku hisa tibani lomu matshanwini ma tlakukileko. I lo aka a nyangwa ya le hehla ya yindlu ya Jehova.

2 Tihosi 15:4

Ntsena lezaku a matshamu ma tlakukileko a ma susiwangi; a vanhu va lo simamisa va nyikela miphahlelo ni ku hisa tibani lomu matshanwini ma tlakukileko.

2 Tihosi 18:22

Loku nwina muku ka mina: Hi tsumba Jehova Nungungulu wa hina! a hi yena loyi Hezekia a khungumuleleko a matshamu yakwe ma tlhakukileko ni maalati, lawa a ngaku ka Juda ni ka Jerusalema: Mu ta khozele mahlweni ka alati legi gi nga le Jerusalema ke?

2 Tihosi 18:4

I lo susa a matshamu ma tlakukileko, a fayetela a zifananiso, a khungumulela a zifananiso za Axtarte, a fayetela ni nyoka ya suku leyi yi nga wa mahilwe hi Mosi; hakuva kala masikwini lawo a vanana va ka Israeli va wa hisa tibani mahlweni ka yona; yena i lo yi chula vito ga Nehuxtani. Ekso. 34:13; Mitse. 21:9; Deut. 7:5

2 Kronekele 15:17

Kanilezi a matshamu ma tlakukileko a ma susiwangi lomu tikweni ga ka Israeli, hambu lezi a mbilu ya Asa yi wa longamile ka wontihe masiku yakwe.

Tisimu 145:20

Jehova wa lonzowota vontlhe lava va mu ranzako, Kanilezi i ta lovisa vontlhe vakubiha.

Tisimu 31:23

Ranzani Jehova nwina nwentlhe vobasa vakwe. Jehova wa hlayisa lava vo tsumbeka, A tlhelisela loyi a ti kulisako lezi zi mu faneleko.

Levi 17:5

Hikwalaho a vanana va ka Israeli va ta neha a miphahlelo yabye leyi va phahlelako lahandle, hakuva yonawu va fela ku yi neha ka mupristi, mahlweni ka Jehova, wuva muphahlelo wa kurula.

Mateu 22:37

I te ngalo kakwe: U ta ranza Hosi Nungungulu wa wena hi mbilu ya wena yontlhe, ni muhefemulo wa wena wontihe, ni kupima ka wena kontlhe. Deut. 6:5; Lu. 10:27

Johani 14:15

Loku mu nzi ranza, mu ta hlayisa milayo ya mina. 1 Joh. 5:3

Johani 14:21

Loyi a nga ni milayo ya mina, a yi hlayisa, hi yena loyi a nzi ranzako; ni loyi a nzi ranzako, i ta ranziwa hi Dadani; na mina nzi ta mu ranza, nzi ta ti wonekisa ka yena. Mavesi 15, 23; 1 Joh. 5:3

Va le Roma 8:28

Hina ha zi tiva lezaku zontlhe zi tlhangana zi tira zinwe a kusaseka a ka vona lava va ranzako Nungungulu, lava va vitanilweko hi khungo gakwe. Gen. 50:20; Mav. 12:21; 2 Tim. 1:9

1 Va le Korinte 8:3

Kanilezi loku munhu a ranza Nungungulu, yaloye wa tibyiwa hi yena. Ekso. 33:12; Nah. 1:7; Mat. 7:23; Gal. 4:9; 2 Tim. 2:19

Deuteronome 10:12

Makunu-ke Israeli, Jehova Nungungulu wa wena i lava yini ka wena ke? A hi lezaku u mu chava Jehova Nungungulu wa wena, u famba hi tontlhe tindlela takwe, u mu ranza, u tirela Jehova Nungungulu wa wena hi mbilu yontlhe ya wena, ni muhefemulo wontihe wa wena;

Deuteronome 10:13

na u kari u hlayisa milayo ya Jehova ni zileletelo zakwe, lezi nzi ku leletelako zona nyamutlha, kasi u fela ku tshameka ke?

Deuteronome 11:13

Loku nwina mu ingisa khwatsi a milayo ya mina leyi nzi mu leletelako inyamutlha, mu ranza Jehova Nungungulu wa nwina, mu mu khozela hi timbilu tontlhe ta nwina, ni mihefemulo yontlhe ya nwina,

Deuteronome 30:16

lezi nzi ku leletelako nyamutlha a ku ranza Jehova Nungungulu wa wena, ni ku famba hi tindlela takwe, ni ku hlayisa milayo yakwe, ni timhaka takwe, ni zileletelo zakwe, kasi wena wa fela ku hanya ni ku anza, kasi Jehova Nungungulu wa wena i ta ku katekisa ka tiko legi u yako ku ya gi fumela.

Deuteronome 30:20

u ranza Jehova Nungungulu wa wena, u ingisa a gezu gakwe, u namarela ka yena; hakuva yena mbutomi ga wena ni kuanza ka masiku ya wena, kasi wena wa fela ku tshama ka tiko legi Jehova a hlambanyileko ka vararu va wena, Abrahama, na Isaka, na Jakobe, a ku va nyika gona.

Deuteronome 30:6

Na Jehova Nungungulu wa wena i ta enghenisa wukwera a mbilu ya wena, ni timbilu ta zizukulwana za wena, kasi wena wa fela ku ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, kasi wa fela ku hanya. Jer. 4:4; Ezek. 11:19; Rom. 2:29; Fil. 3:3

Deuteronome 6:5

U ta ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, ni ntamu wontihe wa wena. Lu. 10:27

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9

1 Samueli 9:12

Va lo hlamula, vaku: I kona, hi gaya. Hatlisani zalezi, hakuva i tile nyamutlha laha mutini, a vanhu va mahako muphahlo le wutshanwini gi tlakukileko.