1 Tihosi 21:2 - Tshwa Bible

² Ahabi i lo wulawula na Nabote, aku: Nzi nyike a xivina xa wena, kasi nza maha a mazunze ha xona, hakuva xi laha kusuhani ni yindlu ya mina; nzi ta ku nyika xinwani xo saseka ku hunza lexi; ni loku u zi ranza nzi ta ku nyika hi mali yi ringanako xona.

1 Tihosi 21:2 ပူးပေါင်းရင်းမြစ်များ

Genesisi 16:6

Abrama aku ngalo ka Sarai: Languta, a nanza ga wena ga xisati gi le mandleni ya wena; maha ka gona lezi u zi ranzako. Zonake Sarai i lo mu khoma hi timbiti, ni nanza gi lo tsutsuma mahlweni kakwe.

Genesisi 3:6

A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. 2 Kor. 11:3; 1 Tim. 2:14

1 Tihosi 21:3

Nabote i te ngalo ka Ahabi: Kokwihi, a nzi zi koti ku ku nyika a tshomba ya vadadani va mina! Levi 25:23; Ezek. 46:18

1 Tihosi 21:6

Yena i te ngalo kakwe: Hi lezi nzi nga wulawula na Nabote a muJezreeli, nziku: Nzi xavisele a xivina xa wena hi mali, ni lezaku loku u zi ranza nzi ta ku nyika xinwani xivina wutshanwini ga lexi. Makunu yena i lo hlamula, aku: A nzi zi koti ku ku nyika a simu ga mina!

2 Tihosi 9:27

Laha Ahazia a hosi ya ka Juda a nga wa zi wonile, i lo tsutsuma hi ndlela ya yindlu ya simu, kanilezi Jehu i lo hlongolisa, aku: Mu dayeni yenawu lomu kareteni! Va lo mu daya lomu kareteni yakwe a kukanziheni ka Gura legi gi nga kusuhi ni Ibieama. I lo chavela le Megiddo a ya fela kona.

Eksodusi 20:17

U nga naveli a yindlu ya wakelane wa wena. U nga naveli sati wa wakelane wa wena, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xinwanyani xilo xa wakelane wa wena. Rom. 7:7; 13:9

Mutshawuteli 2:5

Nzi lo ti mahela masimu ni masimu ya mihanzu; nzi byala tisinya ta mihanzu ya tixakaxaka.

Xizimba xa ka Solomoni 4:15

U hlowo ya masimu, A xibuka xa mati ma khulungako, A congo wu humelako Lebanoni.

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Luka 12:15

Aku ngalo kabye: Tlharihani, mu chava a timbilu ta makangwa; hakuva a wutomi ga munhu a nga gi kumi hi wunyingi ga zilo lezi a nga nazo. 1 Tim. 6:7

Deuteronome 11:10

Hakuva a tiko legi u yako ka gona ku ya gi fumela, a gi fanani ni tiko ga le Gipite le mu humako ha kona, laha u nga wa byala a mbewu ya wena, u cheletela mati hi nkonzo wa wena, khwatsi hi xizunze.

Deuteronome 5:21

U nga naveli sati wa muakelane wa wena, u nga naveli a yindlu ya muakelane wa wena, hambu ni simu gakwe, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xihi xilo xa muakelane wa wena.

1 Timote 6:9

Kanilezi lava va ranzako a ku ngha va fuma, va wela kuringweni ni maphanyeni, ni kumbilukeleni kunyingi ka wupumbu ku bayisako, lezi zi nyupetako vanhu kulobyisweni ni kulahlekeni. Mat. 13:22

1 Samueli 29:6

Zonake Akixi i lo vitana Davida, aku kakwe: Nzi hlambanya ha Jehova a hanyako, lezaku wena u munhu a lulamileko. Nzi wa ta tsaka ku ku wona u huma ni ku enghena zinwe na mina lomu yimpini, hakuva cima a nzi kumangi kubiha ka wena kusukela siku lego u nga enghena ha gona mutini wa mina kala nyamutlha. Kanilezi a tihosi a ti tsaki ha wena,

1 Samueli 8:14

A xikari ka masimu ya nwina, ni zivina za nwina, ni mioliva ya nwina, lezi za chukwana, i ta zi nyika malanza yakwe.

1 Samueli 8:6

A mhaka leyo yi wa bihile mahlweni ka Samueli, leʼyaku: Hi yimisele hosi leyi yi ta nga hi lamula. Samueli i lo kombela ka Jehova.